യു.​എ​സി​ലെ ചൈ​നീ​സ്കോ​ൺ​സു​ലേ​റ്റി​ലേ​ക്ക് കാ​ർ ഇ​ടി​ച്ചു​ക​യ​റ്റി; ആ​ക്ര​മി​യെ വെ​ടി​വെ​ച്ചു​കൊ​ന്നു

വാ​ഷി​ങ്ട​ൺ: സാ​ൻ​ഫ്രാ​ൻ​സി​സ്കോ​യി​ലെ ചൈ​നീ​സ് കോ​ൺ​സു​ലേ​റ്റി​ലേ​ക്ക് കാ​ർ ഇ​ടി​ച്ചു​ക​യ​റ്റി​യ ആ​ളെ വെ​ടി​വെ​ച്ചു​കൊ​ന്നു. ഇ​യാ​ളെ തി​രി​ച്ച​റി​ഞ്ഞി​ട്ടി​ല്ലെ​ന്ന് പൊ​ലീ​സ് പ്ര​സ്താ​വ​ന​യി​ൽ പ​റ​ഞ്ഞു. നീ​ല ഹോ​ണ്ട കാ​ർ കോ​ൺ​സു​ലേ​റ്റി​ന്റെ ലോ​ബി​യി​ൽ എ​ത്തു​ന്ന​തും നി​ര​വ​ധി​പേ​ർ കെ​ട്ടി​ട​ത്തി​ൽ​നി​ന്ന് ഓ​ടി​ര​ക്ഷ​പ്പെ​ടു​ന്ന​തും വി​ഡി​യോ​ദൃ​ശ്യ​ങ്ങ​ളി​ൽ കാ​ണാം.

ആ​ക്ര​മ​ണ​ത്തെ അ​പ​ല​പി​ക്കു​ന്ന​താ​യി കോ​ൺ​സു​ലേ​റ്റ് പു​റ​ത്തി​റ​ക്കി​യ പ്ര​സ്താ​വ​ന​യി​ൽ പ​റ​ഞ്ഞു. ജീ​വ​ന​ക്കാ​ർ​ക്കും കോ​ൺ​സു​ലേ​റ്റി​ൽ എ​ത്തു​ന്ന മ​റ്റു​ള്ള​വ​ർ​ക്കും സു​ര​ക്ഷാ​ഭീ​ഷ​ണി ഉ​യ​ർ​ത്തു​ന്ന​താ​ണ് സം​ഭ​വ​മെ​ന്നും പ്ര​സ്താ​വ​ന​യി​ൽ കൂ​ട്ടി​ച്ചേ​ർ​ത്തു. ഓ​ഫി​സി​ലു​ള്ള​വ​രെ ല​ക്ഷ്യ​മി​ട്ട് ആ​ക്ര​മി കാ​ർ ഇ​ടി​ച്ചു​ക​യ​റ്റു​ക​യാ​യി​രു​ന്നു​വെ​ന്ന് ചൈ​നീ​സ് വി​ദേ​ശ​കാ​ര്യ മ​ന്ത്രാ​ല​യം പ​റ​ഞ്ഞു.

സം​ഭ​വ​ത്തെ​ത്തു​ട​ർ​ന്ന് കോ​ൺ​സു​ലേ​റ്റ് താ​ൽ​ക്കാ​ലി​ക​മാ​യി അ​ട​ച്ചി​ട്ടു. സം​ഭ​വം ഉ​ചി​ത​മാ​യ​രീ​തി​യി​ൽ കൈ​കാ​ര്യം ചെ​യ്യാ​ൻ യു.​എ​സ് അ​ധി​കൃ​ത​രോ​ട് ആ​വ​ശ്യ​പ്പെ​ടു​ക​യും ചെ​യ്തു.

കാ​ർ ഇ​ടി​ച്ചു​ക​യ​റ്റി​യ​തി​നെ​ക്കു​റി​ച്ച് അ​ന്വേ​ഷ​ണം ന​ട​ത്തി​വ​രു​ക​യാ​ണെ​ന്ന് പൊ​ലീ​സ് അ​റി​യി​ച്ചു. എന്നാൽ, കൂടുതൽ വിവരങ്ങൾ വെളിപ്പെടുത്തിയിട്ടില്ല.