Begin typing your search above and press return to search.
proflie-avatar
Login
exit_to_app
exit_to_app
Joe Biden
cancel
Homechevron_rightNewschevron_rightWorldchevron_rightകലാപത്തിന് പിന്നിൽ...

കലാപത്തിന് പിന്നിൽ ട്രംപ്; കാപിറ്റോൾ ആക്രമണ വാർഷികത്തിൽ മുൻ പ്രസിഡ​ന്‍റിനെതിരെ ബൈഡൻ

text_fields
bookmark_border

വാഷിങ്ടൺ: പ്രസിഡന്‍റ് തെരഞ്ഞെടുപ്പുമായി ബന്ധപ്പെട്ട് നടന്ന യു.എസ് കാപിറ്റോൾ അതിക്രമത്തിൽ മുൻ ​പ്രഡിഡന്‍റ് ഡോണൾഡ് ട്രംപിനെ രൂക്ഷമായി വിമർശിച്ച് പ്രസിഡന്‍റ് ജോ ബൈഡൻ. യു.എസിലെ ജനാധിപത്യത്തെ ദുർബലപ്പെടുത്തുന്നായി ത​ന്‍റെ മുൻഗാമിയായ ട്രംപ് നുണകളുടെ വല നെയ്യുകയാ​യിരു​ന്നുവെന്നാണ് ബൈഡ​ന്‍റെ വിമർശനം. തെരഞ്ഞെടുപ്പ് തോൽവിക്ക് പിന്നാലെയുണ്ടായ കാപിറ്റോൾ ആക്രമണത്തി​ന്‍റെ വാർഷികത്തിൽ സംസാരിക്കുകയായിരുന്നു ബൈഡൻ. ട്രംപ് അനുകൂലികൾ ആക്രമിച്ച നാഷനൽ സ്റ്റാച്വറി ഹാളിലായിരുന്നു പരിപാടി.

2020ലെ തെരഞ്ഞെടുപ്പുമായി ബന്ധപ്പെട്ട് മുൻ പ്രസിഡന്‍റ് നുണകളുടെ വല നെയ്യുകയും പ്രചരിപ്പിക്കുകയും ചെയ്തു. തത്വങ്ങളേക്കാൾ അധികാരത്തെ വിലമതിക്കുന്നതിനാലാണ് അ​ദ്ദേഹം അങ്ങനെ ചെയ്തത്. തോൽവി അദ്ദേഹത്തിനുപോലും അംഗീകരിക്കാൻ കഴിഞ്ഞിരുന്നില്ല -ബൈഡന്‍ പറഞ്ഞു. കാപിറ്റോൾ അതിക്രമത്തിന് പിന്നിൽ ട്രംപാണെന്ന് അദ്ദേഹം ആരോപിച്ചു.

ട്രംപും അനുകൂലികളും അമേരിക്കയുടെ കഴുത്തിൽ കഠാര പിടിച്ചിരിക്കുകയാണ്. രാജ്യത്തി​ന്‍റെ താൽപര്യത്തേക്കാൾ സ്വന്തം താൽപര്യത്തിനാണ് അദ്ദേഹം പ്രധാന്യം നൽകിയതെന്നും ബൈഡൻ പറഞ്ഞു. 25 മിനിറ്റ് നീണ്ടുനിന്നു ബൈഡ​ന്‍റെ പ്രസംഗം. പ്രസംഗത്തിൽ ഒരിടത്തുപോലും ട്രംപി​ന്‍റെ പേര് പറയാതെയായിരുന്നു വിമർശനം.

2021 ജനുവരി ആറിന് തെരഞ്ഞെടുപ്പിൽ പരാജയപ്പെട്ട വസ്തുത അംഗീകരിക്കാത്ത ട്രംപ് അനുകൂലികൾ ഭരണസിരാകേ​ന്ദ്രത്തിലേക്ക് അതിക്രമിച്ചുകയറി അക്രമം നടത്തുകയായിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Joe BidenDonald TrumpUS Capitol attack
News Summary - US Capitol attack President Joe Biden says Trump spreading a web of lies
Next Story