കോവിഡ്​ വാക്​സിനെടുത്തില്ല; 238 വിദ്യാർഥികളെ പുറത്താക്കി യൂനിവേഴ്​സിറ്റി

വാഷിങ്​ടൺ: കോവിഡ്​ വാക്​സിൻ എടുക്കണമെന്ന നിർദേശം പാലിക്കാത്തതിനെ തുടർന്ന്​ പ്രമുഖ യൂനിവേഴ്​സിറ്റി വിദ്യാർഥികളെ പുറത്താക്കി. യു.എസിലെ വിർജീനിയ യൂനിവേഴ്​സിറ്റിയാണ്​ കടുത്ത നടപടി സ്വീകരിച്ചത്​. 2021-22 അക്കാദമിക വർഷം എല്ലാ വിദ്യാർഥികളും വാക്​സിൻ സ്വീകരിച്ചിരിക്കണമെന്നാണ്​ നിർദേശം. എന്നാൽ, ഇത്രയും വിദ്യാർഥികൾ അത്​ പൂർത്തിയാക്കാത്തതാണ്​ തടസ്സമായത്​. 49 പേർ ഇതിനകം മറ്റു നടപടികൾ പൂർത്തിയാക്കിയവരാണ്​. അവശേഷിച്ചവർ ഇനിയും നടപടികൾ സ്വീകരിച്ചിട്ടില്ല. ഇത്രയും പേർക്ക്​ നിർദിഷ്​ട സമയത്തിനകം പൂർത്തിയാക്കാനായില്ലെങ്കിൽ തുടർ പഠനം സാധ്യമാകില്ല.

യൂനിവേഴ്​സിറ്റിയിൽ 96.6 ശതമാനം വിദ്യാർഥികളും ഇതിനകം വാക്​സിനേഷൻ പൂർത്തിയാക്കിയതായി അധികൃതർ പറയുന്നു. അല്ലാത്തവരുടെ പ്രവേശനവും തുടർപഠനവും മുടങ്ങുമെന്ന്​ നേരത്തെ മുന്നറിയിപ്പ്​ നൽകിയിരുന്നു.