പ്ര​തീ​ക്ഷി​ക്കാ​ത്ത തി​രി​ച്ച​ടി; റ​ഷ്യയുടെ കണക്കുകൂട്ടൽ പിഴക്കുന്നു

മോ​സ്കോ: അ​നാ​യാ​സം യു​ക്രെ​യ്ൻ കീ​ഴ​ട​ക്കാ​മെ​ന്ന റ​ഷ്യ​യു​ടെ ക​ണ​ക്കു​കൂ​ട്ട​ലു​ക​ൾ പി​ഴ​ക്കു​ന്നു. യു​ദ്ധ​മു​ഖ​ത്ത് യു​ക്രെ​യ്ൻ പ​ട​യാ​ളി​ക​ൾ ന​ട​ത്തു​ന്ന ധീ​രോ​ദാ​ത്ത​മാ​യ ചെ​റു​ത്തു​നി​ൽ​പ്പ് റ​ഷ്യ​യെ ഞെ​ട്ടി​ച്ചു​വെ​ന്നാ​ണ് സൂ​ച​ന​ക​ൾ. ​സൈ​നി​ക ന​ട​പ​ടി​ക്കാ​യി റ​ഷ്യ ഒ​രു​ക്കി​നി​ർ​ത്തി​യ ഒ​ന്ന​ര​ല​ക്ഷം ​സൈ​നി​ക​രി​ൽ പ​കു​തി​യി​ലേ​റെ​യും ഇ​തി​ന​കം യു​ക്രെ​യ്നി​ൽ പ്ര​വേ​ശി​ച്ചു​ക​ഴി​ഞ്ഞു. കൂ​ടു​ത​ൽ സൈ​നി​ക​ർ വ​രും​ദി​ന​ങ്ങ​ളി​ൽ അ​തി​ർ​ത്തി ക​ട​ക്കും.

പ്ര​തീ​ക്ഷി​ക്കാ​ത്ത തി​രി​ച്ച​ടി​ക​ളാ​ണ് റ​ഷ്യ നേ​രി​ടു​ന്ന​തെ​ന്ന് ല​ണ്ട​ൻ ആ​സ്ഥാ​ന​മാ​യ ഇ​ന്റ​ർ​നാ​ഷ​ന​ൽ ഇ​ൻ​സ്റ്റി​റ്റ്യൂ​ട്ട് ഫോ​ർ സ്ട്രാ​റ്റ​ജി​ക് സ്റ്റ​ഡീ​സി​ലെ നൈ​ജ​ൽ ​ഗൂ​ൾ​ഡ് ഡേ​വി​സ് വ്യ​ക്ത​മാ​ക്കി. റ​ഷ്യ​ക്ക് വ​ലി​യ ആ​ൾ​നാ​ശം ഉ​ണ്ടാ​കു​ന്നു​ണ്ട്. യു​ക്രെ​യ്ൻ ആ​ക​ട്ടെ റ​ഷ്യ​ൻ ​സൈ​നി​ക​രെ ത​ട​വു​കാ​രാ​യി പി​ടി​ക്കു​ക​യും ചെ​യ്യു​ന്നു. അ​തി​ൽ ഉ​യ​ർ​ന്ന റാ​ങ്കി​ലു​ള്ള ചി​ല സൈ​നി​ക ഉ​ദ്യോ​ഗ​സ്ഥ​രു​മു​ണ്ട്. ര​ണ്ട് ബ്രി​ഗേ​ഡ് ക​മാ​ൻ​ഡ​ർ​മാ​രെ​ങ്കി​ലും പി​ടി​യി​ലാ​യ​താ​യാ​ണ് സൂ​ച​ന. അ​തി​നാ​ൽ​ത​ന്നെ ആ​ക്ര​മ​ണം ക​ടു​പ്പി​ക്കാ​ൻ റ​ഷ്യ നി​ർ​ബ​ന്ധി​ത​രാ​വു​ക​യാ​ണ്. റ​ഷ്യ​ക്കാ​ണ് മു​ൻ​തൂ​ക്ക​മെ​ന്ന​തി​ൽ ത​ർ​ക്ക​മി​ല്ല. പ​ക്ഷേ, യു​ക്രെ​യ്നി​ന്റെ പ്ര​തി​രോ​ധം ശ്ര​ദ്ധേ​യ​മാ​ണ് -നൈ​ജ​ർ ഡേ​വി​സ് കൂ​ട്ടി​ച്ചേ​ർ​ത്തു.

പ്ര​ത്യ​ക്ഷ​ത്തി​ൽ ത​ങ്ങ​ൾ​ക്കു​ള്ള സൈ​നി​ക മേ​ധാ​വി​ത്വം മു​ത​ലാ​ക്കാ​ൻ റ​ഷ്യ​ക്ക് ഇ​തു​വ​രെ സാ​ധി​ച്ചി​ട്ടി​ല്ലെ​ന്ന് സൈ​നി​ക നി​രീ​ക്ഷ​ക​ൻ തോ​മ​സ് ബു​ള്ളോ​ക്ക് നി​രീ​ക്ഷി​ച്ചു. പ്ര​ധാ​ന ന​ഗ​ര​ങ്ങ​ൾ​ക്ക് ചു​റ്റു​മു​ള്ള പോ​രാ​ട്ടം ത​ണു​ത്ത​താ​യാ​ണ് മ​ന​സ്സി​ലാ​കു​ന്ന​ത്. റ​ഷ്യ​ക്കാ​ർ​ക്ക് ന​ല്ല തോ​തി​ൽ ന​ഷ്ട​മു​ണ്ടാ​കു​ന്നു​ണ്ട്. ഉ​പ​ക​ര​ണ​ങ്ങ​ളും ​സൈ​നി​ക​രും ന​ഷ്ട​പ്പെ​ടു​ന്നു.

തെ​ക്ക​ൻ മേ​ഖ​ല​ക​ളി​ൽ യു​ക്രെ​യ്ൻ ഭാ​ഗ​ത്താ​ണ് ന​ഷ്ടം കൂ​ടു​ത​ൽ. ന​ട​പ​ടി തു​ട​ങ്ങു​മ്പോ​ൾ ഇ​ത്ര​യും പ്ര​തി​രോ​ധം റ​ഷ്യ പ്ര​തീ​ക്ഷി​ച്ചി​രു​ന്നി​ല്ലെ​ന്നും ബു​ള്ളോ​ക്ക് പ​റ​ഞ്ഞു. ആ​​ക്ര​മ​ണ​ത്തി​ന്റെ ഗ​തി​വേ​ഗം ന​ഷ്ട​മാ​യ​തി​ൽ റ​ഷ്യ​ൻ സൈ​ന്യം നി​രാ​ശ​രാ​ണെ​ന്ന് അ​മേ​രി​ക്ക​ൻ പ്ര​തി​രോ​ധ വൃ​ത്ത​ങ്ങ​ളും സൂ​ചി​പ്പി​ച്ചു. യു​ക്രെ​യ്നി​ലെ ഒ​രു പ്ര​ധാ​ന ന​ഗ​രം​പോ​ലും പൂ​ർ​ണ​മാ​യി കീ​ഴ്പ്പെ​ടു​ത്താ​ൻ റ​ഷ്യ​ക്ക് ഇ​തു​വ​രെ ക​ഴി​ഞ്ഞി​ട്ടി​ല്ല. അ​തി​ർ​ത്തി​യോ​ട് ചേ​ർ​ന്ന ഖാ​ർ​കി​വ്, ത​ല​സ്ഥാ​ന​മാ​യ കി​യ​വ് ന​ഗ​ര​ങ്ങ​ളി​ൽ കേ​ന്ദ്രീ​ക​രി​ച്ചി​രി​ക്കു​ക​യാ​ണ് റ​ഷ്യ​ൻ ആ​ക്ര​മ​ണം. തെ​ക്ക​ൻ ന​ഗ​ര​മേ​ഖ​ല​ക​ളാ​യ മെ​ലി​റ്റോ​പോ​ൾ, ഖെ​ർ​സ​ൻ തു​ട​ങ്ങി​യ​വ വ​രു​തി​യി​ലാ​ക്കി​യെ​ന്ന് റ​ഷ്യ അ​വ​കാ​ശ​പ്പെ​ടു​ന്നു​ണ്ടെ​ങ്കി​ലും സ്ഥി​രീ​ക​രി​ച്ചി​ട്ടി​ല്ല. അ​തി​നി​ടെ, പ​ദ്ധ​തി പ്ര​കാ​രം എ​ല്ലാ ദി​ശ​ക​ളി​ൽ​നി​ന്നും സൈ​നി​ക മു​​ന്നേ​റ്റ​ത്തി​ന് നി​ർ​ദേ​ശം ന​ൽ​കി​യ​താ​യി റ​ഷ്യ​ൻ സൈ​നി​ക വ​ക്താ​വ് ഇ​ഗോ​ൾ കൊ​ന​ഷെ​ങ്കോ​വ് അ​റി​യി​ച്ചു.