Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightWorldchevron_rightയു​ക്രെ​യ്ൻ:...

യു​ക്രെ​യ്ൻ: ഗു​ട്ടെ​റ​സി​ന് പി​ന്തു​ണ​യു​മാ​യി ര​ക്ഷാ​സ​മി​തി

text_fields
bookmark_border
യു​ക്രെ​യ്ൻ: ഗു​ട്ടെ​റ​സി​ന് പി​ന്തു​ണ​യു​മാ​യി ര​ക്ഷാ​സ​മി​തി
cancel
Listen to this Article

യു​നൈ​റ്റ​ഡ് നേ​ഷ​ൻ​സ്: യു​ക്രെ​യ്നി​ൽ സ​മാ​ധാ​നം പു​നഃ​സ്ഥാ​പി​ക്കാ​നു​ള്ള യു.​എ​ൻ സെ​ക്ര​ട്ട​റി ജ​ന​റ​ൽ അ​ന്റോ​ണി​യോ ഗു​ട്ടെ​റ​സി​ന്റെ ശ്ര​മ​ങ്ങ​ളെ ഐ​ക​ക​​​ണ്ഠ്യേ​ന പി​ന്തു​ണ​ച്ച് ര​ക്ഷാ​സ​മി​തി. മോ​സ്കോ, കി​യ​വ് സ​ന്ദ​ർ​ശ​ന​ത്തി​നു പി​ന്നാ​ലെ​യാ​ണ് യു​ദ്ധ​ഭൂ​മി​യി​ലെ സ്ഥി​തി​ഗ​തി​ക​ൾ നേ​രി​ട്ട​റി​ഞ്ഞ ഗു​ട്ടെ​റ​സ് യു​ക്രെ​യ്നി​ലെ മ​രി​യു​പോ​ളി​ലും അ​സോ​വ്സ്റ്റാ​ൾ ഉ​രു​ക്കു ഫാ​ക്ട​റി​യി​ലും കു​ടു​ങ്ങി​ക്കി​ട​ക്കു​ന്ന സാ​ധാ​ര​ണ​ക്കാ​രെ ഒ​ഴി​പ്പി​ക്കാ​ൻ റ​ഷ്യ​ൻ പ്ര​സി​ഡ​ന്റ് വ്ലാ​ദി​മി​ർ പു​ടി​നും യു​ക്രെ​യ്ൻ പ്ര​സി​ഡ​ന്റ് വൊ​ളോ​ദി​മി​ർ സെ​ല​ൻ​സ്കി​യു​മാ​യി ക​രാ​റി​ലെ​ത്തി​യ​ത്.

ഇ​ന്ന​ത്തെ ദി​വ​സം ര​ക്ഷാ​സ​മി​തി ആ​ദ്യ​മാ​യി യു​ക്രെ​യ്നി​ലെ സ​മാ​ധാ​ന​ത്തി​നാ​യി സം​സാ​രി​ച്ചെ​ന്നാ​യി​രു​ന്നു പി​ന്തു​ണ​ക്ക് ഗു​ട്ടെ​റ​സി​ന്റെ പ്ര​തി​ക​ര​ണം. നോ​ർ​വേ​യി​ലെ​യും മെ​ക്സി​കോ​യി​ലെ​യും യു.​എ​ൻ അം​ബാ​സ​ഡ​ർ​മാ​രാ​യ മോ​ന ജൂ​ൾ, ജു​വാ​ൻ റാ​മ​ൺ ഡി ​ലാ ഫ്യു​യ​ന്റെ റാ​മി​റ​സ് എ​ന്നി​വ​രാ​ണ് പ്ര​സ്താ​വ​ന​യു​ടെ ഡ്രാ​ഫ്റ്റ് ത​യാ​റാ​ക്കി​യ​ത്. യു​ദ്ധം അ​വ​സാ​നി​പ്പി​ക്കാ​നു​ള്ള സു​പ്ര​ധാ​ന ന​യ​ത​ന്ത്ര​ശ്ര​മ​മാ​യാ​ണ് ഇ​ത് അ​റി​യ​പ്പെ​ടു​ന്ന​ത്. അ​തേ​സ​മ​യം, യു​ദ്ധം ര​ണ്ടു മാ​സം പി​ന്നി​ട്ടി​ട്ടും കാ​ര്യ​മാ​യ ഒ​ന്നും ചെ​യ്യാ​തെ രക്ഷാസമിതി പ്ര​സ്താ​വ​ന​യി​റ​ക്കി ഗു​ട്ടെ​റ​സി​ന് പി​ന്തു​ണ മാ​ത്രം പ്ര​ഖ്യാ​പി​ച്ച​തി​ൽ വി​മ​ർ​ശ​ന​മു​യ​രു​ന്നു​ണ്ട്.

അ​തി​നി​ടെ, ന​യ​ത​ന്ത്ര​ത്തി​ന്റെ പാ​ത​യി​ലൂ​ടെ മാ​ത്ര​മേ യു​ക്രെ​യ്ൻ യു​ദ്ധം അ​വ​സാ​നി​പ്പി​ക്കാ​ൻ സാ​ധി​ക്കു​ക​യു​ള്ളൂ​വെ​ന്ന് ഇ​ന്ത്യ അ​ഭി​പ്രാ​യ​പ്പെ​ട്ടു. യു​ക്രെ​യ്നി​ലെ സ്ഥി​തി നാ​ൾ​ക്കു​നാ​ൾ വ​ഷ​ളാ​കു​ന്ന​തി​ൽ ആ​ശ​ങ്ക പ്ര​ക​ടി​പ്പി​ച്ച ഇ​ന്ത്യ ര​ക്ത​ച്ചൊ​രി​ച്ചി​ൽ ഒ​ന്നി​നും പ​രി​ഹാ​ര​മ​ല്ലെ​ന്നും ചൂ​ണ്ടി​ക്കാ​ട്ടി. യുദ്ധം സമാധാനപരമായി അവസാനിപ്പിക്കണമെന്ന യു.എൻ രക്ഷാസമിതിയുടെ പ്രഖ്യാപനത്തെ മറ്റ് രാജ്യങ്ങൾക്കൊപ്പം റഷ്യയും അനുകൂലിച്ചു.

ഖാർക്കിവിൽ യുക്രെയ്ൻ സൈന്യം ചെറുത്തുനിൽപ് തുടരുകയാണ്. ഖാർക്കിവിലെ അഞ്ച് ഗ്രാമങ്ങൾ യുക്രെയ്ൻ തിരിച്ചുപിടിച്ചെന്നാണ് റിപ്പോർട്ട്.

ഖാർക്കിവ് റഷ്യൻ പിടിയിൽ നിന്ന് ഉടൻ മോചിപ്പിക്കാനാവുമെന്നാണ് പ്രതീക്ഷ. മ​രി​യു​പോ​ളി​ലെ ഉ​രു​ക്കു ഫാ​ക്ട​റി​യി​ൽ​നി​ന്ന് 50 പേ​രെ ഒ​ഴി​പ്പി​ച്ചു. യു.​എ​സ് പ്ര​സി​ഡ​ന്റ് ജോ ​ബൈ​ഡ​ൻ യു​ക്രെ​യ്ന് 15കോടി ഡോളറിന്റെ സൈനിക സഹായപാക്കേജ് പ്ര​ഖ്യാ​പി​ച്ചി​ട്ടു​ണ്ട്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:antonio guterresukraine
News Summary - UN Security Council Support for antonio guterres in Ukraine issue
Next Story