ഗസ്സയിൽ വെടിനിർത്തൽ ആവശ്യപ്പെട്ടുള്ള പ്രമേയം യു.എൻ ജനറൽ അസംബ്ലി പാസാക്കി

വാഷിങ്ടൺ: ഗസ്സയിൽ വെടിനിർത്തൽ ആവശ്യപ്പെട്ട് യു.എൻ ജനറൽ അസംബ്ലി വീണ്ടും പ്രമേയം പാസാക്കി. 193 അംഗ യു.എൻ ജനറൽ അസംബ്ലിയിലാണ് വെടിനിർത്തൽ പ്രമേയം പാസായത്. 153 രാജ്യങ്ങളാണ് വെടിനിർത്തലിന് വേണ്ടിയുള്ള പ്രമേയത്തെ അനുകൂലിച്ച് വോട്ട് ചെയ്തത്. 23 രാജ്യങ്ങൾ വോട്ടെടുപ്പിൽ നിന്ന് വിട്ടുനിന്നു. ഇസ്രായേലും യു.എസും ഉൾപ്പടെ 10 അംഗങ്ങൾ പ്രമേയത്തെ എതിർത്ത് വോട്ട് ചെയ്തു.

ഇന്ത്യ പ്രമേയത്തെ അനുകൂലിച്ചാണ് ഇക്കുറി വോട്ട് രേഖപ്പെടുത്തിയത്. കഴിഞ്ഞ തവണ വെടിനിർത്തൽ ആവശ്യപ്പെട്ട് യു.എന്നിൽ പ്രമേയം വന്നപ്പോൾ വോട്ടെടുപ്പിൽ നിന്നും വിട്ടുനിൽക്കുകയായിരുന്നു ഇന്ത്യ ചെയ്തത്.വെടിനിർത്തൽ ആവശ്യപ്പെട്ടുള്ള യു.എൻ പ്രമേയത്തെ ഹമാസും സ്വാഗതം ചെയ്തു. ഹമാസിന്റെ മുതിർന്ന നേതാവായ ഇസാത് അൽ-റെഷിഖാണ് പ്രമേയത്തെ സ്വാഗതം ചെയ്ത് രംഗത്തെത്തിയത്. ഇസ്രായേൽ തങ്ങളുടെ ജനങ്ങൾക്കെതിരായ വംശഹത്യ ഉടൻ അവസാനിപ്പിക്കണമെന്ന് അദ്ദേഹം ആവശ്യപ്പെട്ടു.

അതേസമയം, ഗസ്സയിൽ ക്രൂരമായ ആക്രമണം തുടരുന്ന ഇ​സ്രായേലിനെതിരെ വിമർശനവുമായി അ​മേരിക്ക കഴിഞ്ഞ ദിവസം രംഗത്തെത്തിയിരുന്നു. ഗസ്സയിൽ നടത്തുന്ന വിവേചനരഹിതമായ ബോംബാക്രമണം മൂലം ഇസ്രായേലിന്റെ പിന്തുണ നഷ്ടപ്പെടാൻ തുടങ്ങിയെന്ന് യു.എസ് പ്രസിഡന്റ് ജോ ബൈഡൻ അഭിപ്രായ​പ്പെട്ടു. തീവ്രചിന്താഗതിയുള്ള സർക്കാറിനെ ബിന്യമിൻ നെതന്യാഹു മാറ്റേണ്ടതുണ്ടെന്നും യു.എസ് പ്രസിഡന്റ് പറഞ്ഞു.

അമേരിക്ക തങ്ങൾക്കൊപ്പമാണെന്ന് ഇസ്രായേൽ പ്രധാനമന്ത്രി ബിന്യമിൻ നെതന്യാഹു ആവർത്തിച്ചതിനു പിന്നാലെയാണ്, വാഷിങ്ടണിൽ നടന്ന ധനസമാഹരണ പരിപാടിയിൽ ബൈഡ​​ന്റെ പ്രസ്താവന. ഗ​സ്സ​യി​ൽ വെ​ടി​നി​ർ​ത്ത​ലി​ന് അ​ന്താ​രാ​ഷ്ട്ര​ത​ല​ത്തി​ൽ ആ​വ​ശ്യ​മു​യ​ര​വെ, കൂ​ടു​ത​ൽ ഒ​റ്റ​പ്പെ​ടു​ന്ന സ്ഥി​തി ആ​യതോടെയാണ് നയംമാറുന്ന സൂചന നൽകി യു.എസ് പ്രസിഡന്റിന്റെ പരാമർശം.

എന്നാൽ, ഉ​ട​നൊ​ന്നും യുദ്ധം അ​വ​സാ​നി​പ്പി​ക്കാ​ൻ ത​യാ​റ​ല്ലെ​ന്നാണ് ഇ​സ്രാ​യേ​ൽ പ​റ​യു​ന്ന​ത്. വാ​ർ​ത്ത ഏ​ജ​ൻ​സി​യാ​യ അ​സോ​സി​യേ​റ്റ​ഡ് പ്ര​സി​നോ​ട് സം​സാ​രി​ക്ക​വേ, യു​ദ്ധം എ​ന്ന് അ​വ​സാ​നി​ക്കു​മെ​ന്ന് കൃ​ത്യ​മാ​യി പ​റ​യാ​ൻ ഇ​സ്രാ​യേ​ൽ പ്ര​തി​രോ​ധ​മ​ന്ത്രി യോ​വ് ഗാ​ല​ന്റ് ത​യാ​റാ​യി​ല്ല. നി​ല​വി​ലെ ക​ര​യു​ദ്ധ​വും വ്യോ​മാ​ക്ര​മ​ണ​വും ആ​ഴ്ച​ക​ൾ തു​ട​രു​മെ​ന്ന് അ​ദ്ദേ​ഹം സൂ​ചി​പ്പി​ച്ചു. തു​ട​ർ​ന്നു​ള്ള സൈ​നി​ക ന​ട​പ​ടി​ക​ൾ മാ​സ​ങ്ങ​ളോ​ളം തു​ട​ർ​ന്നേ​ക്കു​മെ​ന്നും അ​ദ്ദേ​ഹം പ​റ​ഞ്ഞു. യു​ദ്ധ​ത്തി​െ​ന്റ അ​ടു​ത്ത​ഘ​ട്ടം തീ​വ്ര​ത കു​റ​ഞ്ഞ രീ​തി​യി​ൽ പ്ര​ധാ​ന ചെ​റു​ത്തു​നി​ൽ​പ് കേ​ന്ദ്ര​ങ്ങ​ളി​ൽ മാ​ത്ര​മാ​യി ചു​രു​ക്കും.

ഗ​സ്സ​യു​ടെ സു​ര​ക്ഷ നി​യ​ന്ത്ര​ണം അ​നി​ശ്ചി​ത​മാ​യി ഇ​സ്രാ​യേ​ൽ ഏ​റ്റെ​ടു​ക്കു​മെ​ന്ന് പ്ര​ധാ​ന​മ​ന്ത്രി ബി​ന്യാ​മി​ൻ നെ​ത​ന്യാ​ഹു ക​ഴി​ഞ്ഞ​ദി​വ​സം പ​റ​ഞ്ഞി​രു​ന്നു.