ഗസ്സ കടുത്ത പട്ടിണിയിലേക്ക്; ഇതുവരെ കൊല്ലപ്പെട്ടത് 18,205 ഫലസ്തീനികൾ

ഗസ്സ സിറ്റി: ഒക്ടോബർ ഏഴുമുതലുള്ള ഇസ്രയേൽ ആക്രമണത്തിൽ കൊല്ലപ്പെട്ടത് 18,205 ഫലസ്തീനികളെന്ന് ഗസ്സയിലെ ആരോഗ്യമന്ത്രാലയം അറിയിച്ചു. കഴിഞ്ഞ 24 മണിക്കൂറിനുള്ളിൽ 208 ഫലസ്തീനികളുടെ മൃതദേഹങ്ങളാണ് ഗസ്സ മുനമ്പിലെ ആശുപത്രികളിലേക്ക് മാറ്റിയതെന്നും മന്ത്രാലയ വക്താവ് അഷ്റഫ് അൽ-ഖേദ്ര തിങ്കളാഴ്ച വാർത്താ സമ്മേളനത്തിൽ പറഞ്ഞു. ഹമാസിന്റെ തിരിച്ചടിയിൽ ഇതുവരെ 1,147 ഇസ്രായേലികളും കൊല്ലപ്പെട്ടു.

അതേസമയം, ഇസ്രയേലിന്റെ മനുഷ്യകുരുതിക്ക് ശമനമില്ലത്തതിനാൽ ഗസ്സയിലെ ഫലസ്തീനികൾ കടുത്ത പട്ടിണിയിലേക്കാണ് നീങ്ങുന്നതെന്ന് യു.എൻ വിദഗ്ധർ മുന്നറിയിപ്പ് നൽകുന്നുണ്ട്. ഇത് വലിയൊരു ദുരന്തത്തിലേക്ക് ജനതയെ എത്തിക്കുമെന്നാണ് വിദഗ്ധർ ചൂണ്ടിക്കാണിക്കുന്നത്. ഈജിപ്തിലെ റഫ അതിർത്തി വഴി മാത്രമാണ് ഗസ്സയിലേക്ക് നിലവിൽ സാധനങ്ങൾ എത്തിക്കാൻ അനുവദിക്കുന്നത്. അതും ഇസ്രയേൽ സൈന്യത്തിെൻറ കടുത്ത പരിശോധനകൾ പൂർത്തിയാക്കി വേണം ഗസ്സയിലേത്താൻ.

എന്നാൽ, തെ​ക്ക​ൻ ഗ​സ്സ​യി​ൽ ഇ​​സ്രാ​യേ​ൽ സൈ​ന്യം ക​ന​ത്ത ബോം​ബാ​ക്ര​മ​ണം തുടരുകായണ്. സി​വി​ലി​യ​ൻ കേ​ന്ദ്ര​ങ്ങ​ളെ ല​ക്ഷ്യ​മാ​ക്കി​യു​ള്ള ബോം​ബാ​ക്ര​മ​ണ​ത്തി​ൽ നി​ര​വ​ധി പേ​ർ ​കൊ​ല്ല​പ്പെ​ട്ട​താ​യി റി​പ്പോ​ർ​ട്ടുണ്ട്. ഗ​സ്സ സി​റ്റി, വ​ട​ക്ക​ൻ ഗ​സ്സ, ഖാ​ൻ യൂ​നി​സ്, ജ​ബ​ലി​യ തു​ട​ങ്ങി​യ ഭാ​ഗ​ങ്ങ​ളി​ൽ ഹ​മാ​സും ഇ​സ്രാ​യേ​ൽ സൈ​ന്യ​വും ത​മ്മി​ൽ ശ​ക്ത​മാ​യ ഏ​റ്റു​മു​ട്ട​ലാ​ണ് ന​ട​ക്കു​ന്ന​ത്. ആ​ശ​യ​വി​നി​മ​യ സം​വി​ധാ​ന​ങ്ങ​ൾ ത​ട​സ്സ​പ്പെ​ട്ട​തി​നാ​ൽ കൃ​ത്യ​മാ​യ ക​ണ​ക്ക് പു​റ​ത്തു​വ​ന്നി​ട്ടി​ല്ല.

ഗ​സ്സ​യി​ൽ ക​ന​ത്ത പോ​രാ​ട്ടം ന​ട​ക്കു​ന്ന​തി​നി​ടെ വാ​ക്പോ​രും വെ​ല്ലു​വി​ളി​യു​മാ​യി ഹ​മാ​സും ഇ​സ്രാ​യേ​ലും ഏറ്റുമുട്ടുന്നുമുണ്ട്. യ​ഹ്‍യ സി​ൻ​വാ​റി​നു​വേ​ണ്ടി മ​രി​ക്കാ​ൻ നി​ൽ​ക്കാ​തെ കീ​ഴ​ട​ങ്ങു​ന്ന​താ​ണ് ന​ല്ല​തെ​ന്നും ഹ​മാ​സി​ന്റെ അ​വ​സാ​ന​ത്തി​ന്റെ തു​ട​ക്ക​മാ​യെ​ന്നും ഇ​സ്രാ​യേ​ൽ പ്ര​ധാ​ന​മ​ന്ത്രി ബി​ന്യ​മി​ൻ നെ​ത​ന്യാ​ഹു പ​റ​ഞ്ഞ​പ്പോ​ൾ ഇ​സ്രാ​യേ​ലി​ന് ശ​ക്ത​മാ​യ തി​രി​ച്ച​ടി ന​ൽ​കു​ന്നു​ണ്ടെ​ന്നും അ​ധി​നി​വേ​ശ​ത്തി​ന്റെ അ​വ​സാ​നം ആ​രം​ഭി​ച്ച​താ​യും ഹ​മാ​സി​ന്റെ മു​തി​ർ​ന്ന നേ​താ​വ് മ​റു​പ​ടി ന​ൽ​കി. ബ​ല​പ്ര​യോ​ഗ​ത്തി​ലൂ​ടെ ഒ​റ്റ ബ​ന്ദി​യെ​യും ജീ​വ​നോ​ടെ തി​രി​കെ കൊ​ണ്ടു​പോ​കാ​ൻ ഇ​സ്രാ​യേ​ലി​ന് ക​ഴി​യി​ല്ലെ​ന്ന് ഹ​മാ​സ് മു​ന്ന​റി​യി​പ്പ് ന​ൽ​കി.