സൈനിക വേഷത്തിൽ വിവാഹിതരായി യുക്രെയിൻ ദമ്പതികൾ

വിവാഹത്തിന് സൈനിക വേഷത്തിലെത്തിയ യുക്രെയിൻ ദമ്പതികളുടെ വിഡിയോ വൈറൽ. റഷ്യയുമായുള്ള സംഘർഷത്തിന്റെ പശ്ചാത്തലത്തിലാണ് ദമ്പതികൾ വെള്ള വസ്ത്രങ്ങൾ ഒഴിവാക്കി പ്രതീകാത്മക വേഷത്തിൽ വിവാഹം നടത്തിയത്.

യുക്രൈൻ ആഭ്യന്തര മന്ത്രിയുടെ ഉപദേഷ്ടാവ് ആന്റൺ ഗെരാഷ്‌ചെങ്കോയാണ് ട്വിറ്ററിൽ നവദമ്പതികൾ ഒരു പള്ളിയിൽനിന്ന് പുറത്തേക്ക് വരുന്ന വിഡിയോ പങ്കുവെച്ചത്. തിങ്കളാഴ്ചയാണ് വിഡിയോ പോസ്റ്റ് ചെയ്തത്. ഇതിന് താഴെ ആശംസകളും അഭിനന്ദനങ്ങളും നിറഞ്ഞ കമന്റുകൾ നിറഞ്ഞിരിക്കുകയാണ്.