സ്നേക് ദ്വീപ് തിരിച്ചുപിടിച്ച് യുക്രെയ്ൻ; വിട്ടുനൽകിയതെന്ന് റഷ്യ

കി​യ​വ്: ക​രി​ങ്ക​ട​ലി​ലെ ത​ന്ത്ര​പ്ര​ധാ​ന​മാ​യ സ്നേ​ക് ദ്വീ​പി​ൽ​നി​ന്ന് സൈ​ന്യ​ത്തെ അ​ടി​യ​ന്ത​ര​മാ​യി പി​ൻ​വ​ലി​ച്ച് റ​ഷ്യ. ഫെ​ബ്രു​വ​രി 24ന് ​യു​ക്രെ​യ്ൻ അ​ധി​നി​വേ​ശം ആ​രം​ഭി​ച്ച​യു​ട​ൻ നി​യ​ന്ത്ര​ണ​ത്തി​ലാ​ക്കി​യ പ്ര​ദേ​ശ​ത്തു​നി​ന്നാ​ണ് പി​ന്മാ​റ്റം. ക​ന​ത്ത ആ​ക്ര​മ​ണ​ത്തെ​തു​ട​ർ​ന്ന് റ​ഷ്യ നി​ർ​ബ​ന്ധി​ത​മാ​യാ​ണ് പി​ന്മാ​റി​യ​തെ​ന്ന് യു​ക്രെ​യ്ൻ അ​വ​കാ​ശ​പ്പെ​ട്ടു. ര​ണ്ട് സ്പീ​ഡ് ബോ​ട്ടു​ക​ളി​ൽ രാ​ത്രി​​യി​ലാ​യി​രു​ന്നു റ​ഷ്യ​ൻ സൈ​ന്യം ദ്വീ​പ് വി​ട്ട​ത്.

ആ​ഴ്ച​ക​ൾ​ക്കു​മു​മ്പ് റ​ഷ്യ​യു​ടെ വി​മാ​ന​വാ​ഹി​നി ക​പ്പ​ൽ 'മോ​സ്കോ' ത​ക​ർ​ക്ക​പ്പെ​ട്ട​തോ​ടെ ഈ ​ദ്വീ​പ് വ്യോ​മ​സേ​ന താ​വ​ള​മാ​ക്കാ​ൻ റ​ഷ്യ പ​ദ്ധ​തി​യി​ട്ടി​രു​ന്ന​താ​യും പി​ന്മാ​റ്റ​ത്തോ​ടെ മേ​ഖ​ല​യി​ൽ നി​ർ​ണാ​യ​ക നീ​ക്ക​ങ്ങ​ൾ​ക്ക് ശേ​ഷി ന​ഷ്ട​പ്പെ​ട്ട​താ​യും യു​ക്രെ​യ്ൻ സേ​ന പ​റ​ഞ്ഞു. ദ്വീ​പ് റ​ഷ്യ നി​യ​ന്ത്ര​ണ​ത്തി​ലാ​ക്കി ഏ​റെ​ക്ക​ഴി​ഞ്ഞി​ട്ടും യു​ക്രെ​യ്ൻ ഇ​വി​ടെ തു​ട​ർ​ച്ച​യാ​യി ആ​ക്ര​മ​ണം ന​ട​ത്തി​യി​രു​ന്നു. ര​ണ്ടാ​ഴ്ച​യാ​യി ആ​ക്ര​മ​ണം ശ​ക്ത​മാ​ക്കു​ക​യും ചെ​യ്തു. ഇ​തോ​ടെ​യാ​ണ് പി​ന്മാ​റ്റ​ത്തി​ന് നി​ർ​ബ​ന്ധി​ത​മാ​യ​തെ​ന്നാ​ണ് സൂ​ച​ന.

എ​ന്നാ​ൽ, മാ​നു​ഷി​ക ന​ട​പ​ടി​യെ​ന്ന നി​ല​ക്കാ​ണ് ക​രി​ങ്ക​ട​ൽ തു​റ​മു​ഖ​ങ്ങ​ൾ​വ​ഴി ച​ര​ക്കു​ക​ട​ത്തി​ന് അ​വ​സ​ര​മൊ​രു​ക്കി സൈ​ന്യ​ത്തെ തി​രി​ച്ചു​വി​ളി​ച്ച​തെ​ന്ന് റ​ഷ്യ പ​റ​യു​ന്നു. ഒ​ഡേ​സ ഉ​ൾ​പ്പെ​ടെ തു​റ​മു​ഖ​ങ്ങ​ളി​ൽ​നി​ന്ന് ഇ​തോ​ടെ റ​ഷ്യ​ൻ ധാ​ന്യ​ങ്ങ​ൾ ക​യ​റ്റു​മ​തി ചെ​യ്യാ​നാ​കും. ക​യ​റ്റു​മ​തി നി​ല​ച്ച​തോ​ടെ ലോ​ക​ത്ത് ഭ​ക്ഷ്യ​വി​ല കു​തി​ച്ചു​യ​ർ​ന്നി​രു​ന്നു.

അ​തി​നി​ടെ, യു​ക്രെ​യ്ന് 120 കോ​ടി ഡോ​ള​ർ (9,487 കോ​ടി രൂ​പ) ബ്രി​ട്ട​ൻ സ​ഹാ​യം പ്ര​ഖ്യാ​പി​ച്ചു. വ്യോ​മ​പ്ര​തി​രോ​ധ സം​വി​ധാ​നം, ഡ്രോ​ണു​ക​ൾ എ​ന്നി​വ​യാ​ണ് ന​ൽ​കു​ക. നേ​ര​ത്തേ 140 കോ​ടി ഡോ​ള​റി​ന്റെ ആ​യു​ധ​ങ്ങ​ൾ ബ്രി​ട്ട​ൻ കൈ​മാ​റി​യി​രു​ന്നു.

റ​ഷ്യ​ൻ ആ​ക്ര​മ​ണ​ത്തി​ന്റെ പ​ശ്ചാ​ത്ത​ല​ത്തി​ൽ, മു​മ്പെ​ങ്ങു​മി​ല്ലാ​ത്ത​വി​ധം യൂ​റോ​പ്പി​ൽ അ​മേ​രി​ക്ക​ൻ സേ​ന സാ​ന്നി​ധ്യം കൂ​ട്ടു​മെ​ന്ന് പ്ര​സി​ഡ​ന്റ് ജോ ​ബൈ​ഡ​ൻ പ​റ​ഞ്ഞു. ക​ര, നാ​വി​ക, വ്യോ​മ മേ​ഖ​ല​ക​ളി​ൽ പ്രാ​തി​നി​ധ്യം കൂ​ട്ടും. സ്‍പെ​യി​നി​ൽ യു.​എ​സ് യു​ദ്ധ​ക്ക​പ്പ​ലു​ക​ളു​ടെ എ​ണ്ണം നാ​ലു​ള്ള​ത് ആ​റാ​ക്കും. പോ​ള​ണ്ടി​ൽ അ​ഞ്ചാം സൈ​നി​ക വി​ഭാ​ഗ​ത്തി​ന് സ്ഥി​രം ആ​സ്ഥാ​നം പ​ണി​യും. റു​മേ​നി​യ​യി​ൽ 5,000 അ​ധി​ക സൈ​നി​ക​രെ വി​ന്യ​സി​ക്കും. ബാ​ൾ​ട്ടി​ക് രാ​ജ്യ​ങ്ങ​ളി​ൽ നി​രീ​ക്ഷ​ണം ശ​ക്ത​മാ​ക്കും തു​ട​ങ്ങി​യ​വ​യാ​ണ് പു​തി​യ മാ​റ്റ​ങ്ങ​ൾ.