യുക്രെയ്​ൻ പ്രസവാശുപത്രിയിൽ മിസൈലാക്രമണം; നവജാത ശിശു മരിച്ചു

കിയവ്​: യുക്രെയ്​നിലെ വിൽനിയാൻസ്കിൽ പ്രസവാശുപത്രിയിൽ മിസൈൽ ആക്രമണമുണ്ടായി നവജാത ശിശു മരിച്ചതായി അധികൃതർ പറഞ്ഞു. മാതാവിനും ഡോക്ടർക്കും പരിക്കേറ്റു.

രണ്ടുനില കെട്ടിടം തകർന്നു. ഈ സമയം വാർഡിൽ ഇവരല്ലാതെ ആരുമില്ലാത്തതിനാൽ കൂടുതൽ മരണം ഒഴിവായി. സപൊറീഷ്യ ഗവർണർ ടെലഗ്രാമിലൂടെ വിഡിയോ പങ്കുവഹിച്ചു.

റഷ്യ സംഭവത്തോട്​ പ്രതികരിച്ചിട്ടില്ല. അതിനിടെ, സംഭവത്തോടുള്ള പ്രതികരണമായി യൂറോപ്യൻ പാർലമെന്‍റ്​ റഷ്യയെ തീവ്രവാദത്തിന്‍റെ സ്​പോൺസർ എന്ന്​ വിശേഷിപ്പിച്ചു.