കൊല്ലപ്പെട്ട റഷ്യൻ സൈനികരെ കണ്ടെത്താൻ വെബ്സൈറ്റ് തുറന്ന് യുക്രെയ്ൻ

കി​യ​വ്: അ​ധി​നി​വേ​ശ​ത്തി​ൽ കൊ​ല്ല​പ്പെ​ടു​ക​യോ പി​ടി​ക്ക​പ്പെ​ടു​ക​യോ ചെ​യ്ത സൈ​നി​ക​രെ ക​ണ്ടെ​ത്താ​ൻ റ​ഷ്യ​ൻ കു​ടും​ബ​ങ്ങ​ളെ സ​ഹാ​യി​ക്കു​ന്ന​തി​ന് വെ​ബ്‌​സൈ​റ്റ് തു​റ​ന്ന് യു​ക്രെ​യ്ൻ. 200rf.com എ​ന്ന വെ​ബ്സൈ​റ്റി​ലാ​ണ് കൊ​ല്ല​പ്പെ​ട്ട റ​ഷ്യ​ൻ സൈ​നി​ക​രു​ടെ മൃ​ത​ദേ​ഹ​ങ്ങ​ളു​ടെ​യും രേ​ഖ​ക​ളു​ടെ​യും ചി​ത്ര​ങ്ങ​ളു​ള്ള​ത്. യു​ക്രെ​യ്ൻ സൈ​ന്യം പി​ടി​കൂ​ടി​യ റ​ഷ്യ​ൻ സൈ​നി​ക​രു​ടെ വി​ഡി​യോ​ക​ളും ഇ​തി​ലു​ണ്ട്.

'ഞാ​ൻ റ​ഷ്യ​ൻ ഭാ​ഷ​യി​ലാ​ണ് നി​ങ്ങ​ളോ​ട് സം​സാ​രി​ക്കു​ന്ന​ത്, കാ​ര​ണം ഈ ​സൈ​റ്റ് നി​ങ്ങ​ൾ​ക്കാ​യി സൃ​ഷ്ടി​ച്ച​താ​ണ്' -യു​ക്രെ​യ്ൻ ആ​ഭ്യ​ന്ത​ര മ​ന്ത്രി​യു​ടെ ഉ​പ​ദേ​ശ​ക​നാ​യ വി​ക്ട​ർ ആ​ൻ​ഡ്രൂ​സി​വ് സൈ​റ്റി​ൽ പോ​സ്റ്റ് ചെ​യ്ത വി​ഡി​യോ​യി​ൽ പ​റ​യു​ന്നു. 'പ​ല റ​ഷ്യ​ക്കാ​രും ത​ങ്ങ​ളു​ടെ മ​ക്ക​ളും ഭ​ർ​ത്താ​വും എ​വി​ടെ​യാ​ണ്, അ​വ​ർ​ക്ക് എ​ന്ത് സം​ഭ​വി​ക്കു​ന്നു എ​ന്ന​തി​നെ​ക്കു​റി​ച്ച് ആ​ശ​ങ്കാ​കു​ല​രാ​ണെ​ന്ന് എ​നി​ക്ക​റി​യാം. അ​തി​നാ​ൽ ഞ​ങ്ങ​ൾ ഈ ​വി​വ​രം ഓ​ൺ​ലൈ​നി​ൽ പ്ര​സി​ദ്ധീ​ക​രി​ക്കാ​ൻ തീ​രു​മാ​നി​ച്ചു. അ​തു​വ​ഴി ഓ​രോ​രു​ത്ത​ർ​ക്കും നി​ങ്ങ​ളു​ടെ പ്രി​യ​പ്പെ​ട്ട​വ​രെ ക​ണ്ടെ​ത്താ​ൻ ക​ഴി​യും. ക​ഴി​ഞ്ഞ മൂ​ന്ന് ദി​വ​സ​ത്തി​ന​കം 3,000ല​ധി​കം റ​ഷ്യ​ൻ സൈ​നി​ക​ർ കൊ​ല്ല​പ്പെ​ട്ട​താ​യും 200 പേ​രെ പി​ടി​കൂ​ടി​യ​താ​യും ആ​ൻ​ഡ്രൂ​സി​വ് പ​റ​ഞ്ഞു. ഇ​വ​രു​ടെ​യെ​ല്ലാം രേ​ഖ​ക​ളും ഫോ​ട്ടോ​ക​ളും വി​ഡി​യോ​ക​ളും ഞ​ങ്ങ​ളു​ടെ പ​ക്ക​ലു​ണ്ടെ​ന്നും ആ​ൻ​ഡ്രൂ​സി​വ് കൂ​ട്ടി​ച്ചേ​ർ​ത്തു.

1980ക​ളി​ൽ ന​ട​ന്ന അ​ഫ്ഗാ​നി​സ്താ​ൻ-​സോ​വി​യ​റ്റ് യു​ദ്ധ​ത്തി​ൽ കൊ​ല്ല​പ്പെ​ട്ട​വ​രു​ടെ മൃ​ത​ദേ​ഹ​ങ്ങ​ൾ കൊ​ണ്ടു​വ​രാ​ൻ സോ​വി​യ​റ്റ് സൈ​ന്യം ഉ​പ​യോ​ഗി​ച്ചി​രു​ന്ന ഗ്രൂ​സ്-200 (കാ​ർ​ഗോ-200) വി​മാ​ന​ത്തി​ന്റെ പേ​രി​നോ​ട് സാ​ദൃ​ശ്യം പു​ല​ർ​ത്തു​ന്ന​താ​ണ് വെ​ബ്സൈ​റ്റി​ന്റെ പേ​ര്.