റഷ്യൻ പിന്തുണയോ​ടെ അട്ടിമറിക്ക്​ സാധ്യത –യുക്രെയ്​ൻ

കിയവ്​: റഷ്യയുടെ പിന്തുണയോടെ ഡിസംബറിൽ സർക്കാരിനെതിരെ അട്ടിമറിശ്രമം നടക്കുമെന്ന്​ വിവരം ലഭിച്ചതായി യുക്രെയ്​ൻ പ്രസിഡൻറ്​ വൊളോദിമിർ സെലൻസ്​കി. ശബ്​ദസന്ദേശമുൾപ്പെടെ തെളിവുമായാണ്​ സെലൻസ്​കി മാധ്യമങ്ങൾക്കു മുന്നിലെത്തിയത്​.

എന്നാൽ അട്ടിമറിയിൽ റഷ്യൻ പിന്തുണയെകുറിച്ച്​ അദ്ദേഹം നേരിട്ട്​ സൂചിപ്പിച്ചില്ല. ആരോപണം റഷ്യ തള്ളി. അട്ടിമറി നടത്താൻ യാതൊരു പദ്ധതിയുമില്ലെന്നായിരുന്നു റഷ്യയുടെ പ്രതികരണം. 2014ൽ യു​ക്രെയ്​​െൻറ ക്രീമിയ റഷ്യയുടെ ഭാഗമായതോടെയാണ്​ ഇരുരാജ്യങ്ങളും തമ്മിൽ ബന്ധം വഷളായത്​.