Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightWorldchevron_rightയുക്രെയ്​നെ നാറ്റോയിൽ...

യുക്രെയ്​നെ നാറ്റോയിൽ നിന്നും വിലക്കണമെന്ന റഷ്യൻ ആവശ്യം നിരസിച്ച്​ അമേരിക്ക

text_fields
bookmark_border
യുക്രെയ്​നെ നാറ്റോയിൽ നിന്നും വിലക്കണമെന്ന റഷ്യൻ ആവശ്യം നിരസിച്ച്​ അമേരിക്ക
cancel

വാഷിങ്​ടൺ: യുക്രെയ്​നെ നാറ്റോ സഖ്യത്തിൽ നിന്നും വിലക്കണമെന്ന റഷ്യൻ ആവശ്യം നിരസിച്ച്​ യു.എസ്​. യുക്രെയ്​ൻ പ്രതിസന്ധി അവസാനിപ്പിക്കാൻ റഷ്യ മുന്നോട്ടുവെച്ച നിർദേശങ്ങൾക്ക്​ യു.എസ്​ സ്​റ്റേറ്റ്​ സെക്രട്ടറി ആൻറണി ബ്ലിങ്കൺ ഔദ്യോഗികമായി മറുപടി നൽകി. റഷ്യക്കായി ഒരു ഇളവും ഉണ്ടാവില്ലെന്നും പ്രശ്​നം പരിഹരിക്കാൻ അവർക്ക്​ മുന്നിൽ നയതന്ത്ര വഴി തുറന്നിടുമെന്നും അദ്ദേഹം പറഞ്ഞു.

എന്നാൽ, യു.എസ്​ മറുപടി പഠിച്ചതിന്​ ശേഷം പ്രതികരിക്കാമെന്നാണ്​ റഷ്യയുടെ നിലപാട്​. യുക്രെയ്​ൻ വിഷയത്തിൽ തങ്ങളുടെ ആശങ്കകൾ റഷ്യ യു.എസുമായി പങ്കുവെച്ചിരുന്നു. ഇതിൽ നാറ്റോയുടെ സൈനിക സഖ്യത്തി​െൻറ വിപുലീകരണം ഉൾപ്പടെയുള്ള ആശങ്കകൾ റഷ്യ പങ്കിട്ടിരുന്നു.

യുക്രെയ്​നും മറ്റു പല രാജ്യങ്ങളും എപ്പോഴെങ്കിലും സഖ്യത്തിൽ ചേരാനുള്ള സാധ്യത തള്ളക്കളയണമെന്നും നാറ്റോയോട്​ റഷ്യ ആവശ്യപ്പെട്ടിരുന്നു.എന്നാൽ, യുക്രെയ്​നി​െൻറ പരമാധികാരം സംരക്ഷിക്കുക എന്നതിനാണ്​ യു.എസ്​ പ്രാധാന്യം നൽകുന്നതെന്നായിരുന്നു ഇതിന്​ ആൻറണി ബ്ലിങ്ക​െൻറ മറുപടി. നാറ്റോ പോലുള്ള സുരക്ഷാ സഖ്യങ്ങളിൽ ചേരാനുള്ള യുക്രെയ്​ൻ അവകാശത്തേയും യു.എസ്​ സംരക്ഷിക്കുമെന്ന്​ അദ്ദേഹം മറുപടി നൽകിയിരുന്നു. യുക്രെയ്​നെതിരെ റഷ്യ നീങ്ങിയാൽ ശക്​തമായ ഭാഷയിൽ മറുപടിയുണ്ടാകുമെന്നും അദ്ദേഹം കൂട്ടിച്ചേർത്തു.

നേരത്തെ യുക്രെയ്​ൻ അതിർത്തിയിൽ റഷ്യ സൈനികരുടെ എണ്ണം വർധിപ്പിച്ചിരുന്നു. ഇതിനെ അധിനിവേശത്തി​െൻറ മുന്നൊരുക്കമായാണ്​ പാശ്​ചാത്യലോകം കണ്ടത്​. എന്നാൽ, ഇത്തരം ആരോപണങ്ങൾ റഷ്യ നിരസിക്കുകയാണ്​ ഉണ്ടായത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:putinJoe Biden
News Summary - Ukraine crisis: US rejects Russian demand to bar Ukraine from Nato
Next Story