ബ​ഖ്മൂ​ത്ത് ന​ഗ​ര​ത്തി​ൽ ക​ട​ന്ന​താ​യി യു​ക്രെ​യ്ൻ

കി​യ​വ്: റ​ഷ്യ​ൻ അ​ധി​നി​വേ​ശ​ത്തി​നു കീ​ഴി​ലു​ള്ള കി​ഴ​ക്ക​ൻ മേ​ഖ​ല​യി​ലെ ബ​ഖ്മൂ​ത്ത് ന​ഗ​ര​ത്തി​ന്റെ ര​ണ്ടു കി​ലോ​മീ​റ്റ​റോ​ളം ഉ​ള്ളി​ലേ​ക്ക് ക​ട​ന്നു​ക​യ​റി​യ​താ​യി യു​ക്രെ​യ്ൻ അ​വ​കാ​ശ​പ്പെ​ട്ടു. ഉ​പ​പ്ര​തി​രോ​ധ​മ​ന്ത്രി ഹ​ന്ന മ​ല്യാ​റാ​ണ് ഇ​ക്കാ​ര്യം അ​റി​യി​ച്ച​ത്.

ഒ​രാ​ഴ്ച​ക്കി​ടെ റ​ഷ്യ​ൻ സേ​ന​ക്ക് ക​ന​ത്ത നാ​ശ​ന​ഷ്ടം ​നേ​രി​ട്ട​താ​യും മ​ല്യാ​ർ പ​റ​ഞ്ഞു. അ​തേ​സ​മ​യം, റ​ഷ്യ​ക്കെ​തി​രെ യു​ക്രെ​യ്ൻ ആ​രം​ഭി​ക്കു​മെ​ന്ന് ക​രു​തു​ന്ന പ്ര​ത്യാ​ക്ര​മ​ണം തു​ട​ങ്ങി​യ​താ​യി സൂ​ച​ന​ക​ളി​ല്ല.

ബ​ഖ്മൂ​ത്തി​ൽ പ്ര​വേ​ശി​ച്ച​താ​യു​ള്ള യു​ക്രെ​യ്ൻ അ​വ​കാ​ശ​വാ​ദം റ​ഷ്യ നി​ഷേ​ധി​ച്ചു. ‘മു​ന്നേ​റ്റ’​മു​ണ്ടാ​ക്കി​യ​താ​യി ചി​ല വ്യ​ക്തി​ക​ൾ ടെ​ലി​ഗ്രാ​മി​ൽ ന​ട​ത്തു​ന്ന ​പ്ര​ഖ്യാ​പ​ന​ങ്ങ​ൾ യാ​ഥാ​ർ​ഥ്യ​ത്തി​ന് നി​ര​ക്കു​ന്ന​ത​ല്ലെ​ന്ന് റ​ഷ്യ​ൻ പ്ര​തി​രോ​ധ മ​ന്ത്രാ​ല​യം പ്ര​സ്താ​വ​ന​യി​ൽ പ​റ​ഞ്ഞു.

പ്ര​ത്യേ​ക സൈ​നി​ക പ്ര​വ​ർ​ത്ത​ന മേ​ഖ​ല​യി​ലെ പൊ​തു സാ​ഹ​ച​ര്യം നി​യ​ന്ത്ര​ണ​വി​​ധേ​യ​മാ​ണെ​ന്നും മ​ന്ത്രാ​ല​യം പ​റ​ഞ്ഞു. യു​ക്രെ​യ്നി​ലെ അ​ധി​നി​വേ​ശ​ത്തി​ന് റ​ഷ്യ ന​ൽ​കി​യ പേ​രാ​ണ് പ്ര​ത്യേ​ക സൈ​നി​ക പ്ര​വ​ർ​ത്ത​ന മേ​ഖ​ല എ​ന്ന​ത്.

ബ​ഖ്മൂ​ത്തി​ലെ താ​വ​ള​ങ്ങ​ൾ റ​ഷ്യ​ൻ ​സേ​ന ഉ​പേ​ക്ഷി​ച്ചു​പോ​വു​ക​യാ​ണെ​ന്ന് റ​ഷ്യ​ക്കു​വേ​ണ്ടി യു​ദ്ധം ചെ​യ്യു​ന്ന വാ​ഗ്ന​ർ സം​ഘ​ത്തി​ന്റെ ത​ല​വ​ൻ യെ​വ്ജെ​നി പ്രി​ഗോ​ഷി​ൻ ക​ഴി​ഞ്ഞ ദി​വ​സം ആ​രോ​പി​ച്ചി​രു​ന്നു.