കഴുത്തിൽ ബലപ്രയോഗം; ലണ്ടനിൽ ഒാഫിസർക്ക്​ സസ്​പെൻഷൻ

ലണ്ടൻ: അറസ്​റ്റ്​ ചെയ്​ത കറുത്തവർഗക്കാര​​െൻറ കഴുത്തിലും തലയിലും മുട്ടുകാൽ  അമർത്തിപ്പിടിച്ച്​ ബലം പ്രയോഗിച്ചതിനെ തുടർന്ന്​ ലണ്ടനിൽ വെള്ളക്കാരനായ പൊലീസ്​ ഒാഫിസർക്ക്​ സസ്​പെൻഷൻ. വടക്കൻ ലണ്ടനിൽ വ്യാഴാഴ്​ചയാണ്​ കറുത്ത വർഗക്കാരൻ അറസ്​റ്റിലായത്​. വിലങ്ങ്​ വെക്കപ്പെട്ട ഇയാളുടെ കഴുത്തിൽ കൈ ഉപയോഗിച്ച്​ അമർത്തുന്ന ദൃശ്യങ്ങൾ പുറത്തുവന്നതോടെയാണ്​ നടപടി.

അമേരിക്കയിൽ മിനിയപൊളിസിൽ ജോർജ്​ ഫ്ലോയ്​ഡ്​ എന്ന കറുത്തവർഗക്കാര​​െൻറ കഴുത്തിൽ കാൽമുട്ട്​ അമർത്തി ശ്വാസം മുട്ടിച്ച്​ വെള്ളക്കാരായ പൊലീസുകാർ കൊന്നതിനെ തുടർന്ന്​ ലോകത്തുടനീളം ‘ബ്ലാക്ക്​ ലൈവ്​സ്​ മാറ്റർ’ പ്രതിഷേധം നടക്കുന്നതിനിടെയാണ്​ ബ്രിട്ടനിലും സമാന രീതിയിൽ സംഭവമുണ്ടായത്​.

‘ഞാൻ തെറ്റായി ഒന്നും ചെയ്​തിട്ടില്ല. എ​​െൻറ കഴുത്തിൽ നിന്ന്​ പിടി ഒഴിവാക്കൂ’ എന്ന്​ അറസ്​റ്റിലായ കറുത്തവർഗക്കാരൻ പറയുന്നതും ദൃശ്യത്തിൽ വ്യക്​തമാണ്​. വെള്ളക്കാരനായ പൊലീസുകാരനൊപ്പം കിഴക്കനേഷ്യൻ വംശജനായ പൊലീസുകാരനും ഉണ്ടായിരുന്നു. അറസ്​റ്റിലായ യുവാവ്​ പിന്നീട്​ നിലത്ത്​ ഇരുന്ന്​ പൊലീസിനോട്​ സംസാരിക്കുന്നതും കാണാം.

ആയുധം കൈവശം വെച്ചതിനും സംഘർഷമുണ്ടാക്കിയതിനും അറസ്​റ്റിലായ ഇയാൾ കസ്​റ്റഡിയിലാണ്​. ദൃശ്യം പുറത്തുവന്നതിനെ തുടർന്ന്​ ലണ്ടൻ പൊലീസിനെതിരെ രൂക്ഷ വിമർശമാണ്​ ഉയർന്നത്. സംഭവത്തെ കുറിച്ച്​ സ്വതന്ത്ര അന്വേഷണം മെട്രോപൊളിറ്റൻ പൊലീസ്​ പ്രഖ്യാപിച്ചിട്ടുണ്ട്. അങ്ങേയറ്റം അസഹ്യമായ പെരുമാറ്റമാണ്​ പൊലീസിൽ നിന്നുണ്ടായതെന്ന്​ ലണ്ടൻ മേയർ സാദിഖ്​ ഖാൻ പറഞ്ഞു.