വെടിനിർത്തലിന് ഇസ്രായേൽ സമ്മതിച്ചില്ലെങ്കിൽ ഫലസ്തീൻ രാഷ്ട്രത്തെ അംഗീകരിക്കും; മുന്നറിയിപ്പുമായി ബ്രിട്ടൻ

ലണ്ടൻ: ഗസ്സ മുനമ്പിൽ വെടിനിർത്തലിന് ഇസ്രായേൽ സമ്മതിച്ചില്ലെങ്കിൽ സെപ്റ്റംബറോടെ ഫലസ്തീൻ രാഷ്ട്രത്തെ അംഗീകരിക്കുമെന്ന് യു.കെ പ്രധാനമന്ത്രി കെയർ സ്റ്റാർമർ. ഗസ്സയിലെ ദുരന്തസാഹചര്യവും ദ്വിരാഷ്ട്ര പരിഹാരത്തിലെത്താനുള്ള സാധ്യത മങ്ങുന്നതും കണക്കിലെടുത്താണ് ഇതെന്ന് സ്റ്റാർമർ മന്ത്രിമാരോട് പറഞ്ഞു.

‘‘ആത്യന്തികമായി, ഈ പ്രതിസന്ധി അവസാനിപ്പിക്കാനുള്ള ഏക മാർഗം ദീർഘകാല ഒത്തുതീർപ്പാണ്. സുരക്ഷിതവും പരമാധികാരവുമുള്ള ഫലസ്തീൻ രാഷ്ട്രത്തോടൊപ്പം സുരക്ഷിതമായ ഒരു ഇസ്രായേലാണ് ഞങ്ങളുടെ ലക്ഷ്യം. ശരിയായ സമാധാനത്തിനുള്ള സംഭാവനയായി ഫലസ്തീൻ രാഷ്ട്രത്തെ അംഗീകരിക്കുമെന്ന് മുമ്പും പറഞ്ഞിട്ടുണ്ട്. ദ്വിരാഷ്ട്ര പരിഹാരത്തിന്, പ്രവർത്തിക്കേണ്ട സമയമാണിത്’’- കെയർ സ്റ്റാർമർ കൂട്ടിച്ചേര്‍ത്തു.

സ്വതന്ത്ര ഫലസ്തീൻ രാഷ്ട്രത്തെ അംഗീകരിക്കുമെന്ന് ഫ്രാൻസ് നേരത്തേ വ്യക്തമാക്കിയിരുന്നു. സെപ്റ്റംബറിൽ നടക്കുന്ന ഐക്യരാഷ്ട്രസഭയുടെ പൊതുസഭയിൽ ഫലസ്തീൻ രാഷ്ട്രത്തെ ഫ്രാൻസ് ഔദ്യോഗികമായി അംഗീകരിക്കുമെന്ന് ഫ്രഞ്ച് പ്രസിഡന്‍റ് ഇമ്മാനുവൽ മാക്രോൺ അടുത്തിടെ പ്രഖ്യാപിച്ചിരുന്നു.

ഗസ്സ വംശഹത്യ: 60,000 പിന്നിട്ട് മരണം; 10 ല​ക്ഷം ഫ​ല​സ്തീ​നി​ക​ൾ കൊ​ടും​പ​ട്ടി​ണി​യി​ലാ​ണ്

ഗ​സ്സ സി​റ്റി: ലോ​ക​മൊ​ട്ടു​ക്കും പ്ര​തി​ഷേ​ധ​ത്തി​നി​ടെ 662 നാ​ൾ പി​ന്നി​ട്ടും വം​ശ​ഹ​ത്യ തു​ട​രു​ന്ന ഇ​സ്രാ​യേ​ൽ ഗ​സ്സ​യി​ൽ കൊ​ന്നു​തീ​ർ​ത്ത​ത് 60,000ത്തി​ലേ​റെ ഫ​ല​സ്തീ​നി​ക​ളെ. ഓ​രോ ദി​ന​വും ശ​രാ​ശ​രി 36 പേ​ർ എ​ന്ന തോ​തി​ൽ 60,034 പേ​രു​ടെ മ​ര​ണം സ്ഥി​രീ​ക​രി​ച്ചി​ട്ടു​ണ്ട്. ഗ​സ്സ കൊ​ടും​പ​ട്ടി​ണി​യു​ടെ പ​ര​കോ​ടി​യി​ലാ​കു​ക​യും 88 കു​ട്ടി​ക​ള​ട​ക്കം 147 പേ​ർ മ​ര​ണ​ത്തി​ന് കീ​ഴ​ട​ങ്ങു​ക​യും ചെ​യ്ത​തി​നി​ടെ​യാ​ണ് ലോ​ക മ​നഃ​സാ​ക്ഷി​യെ ഞെ​ട്ടി​ച്ച് ഇ​സ്രാ​യേ​ൽ ന​ര​ഹ​ത്യ തു​ട​രു​ന്ന​ത്.

ഭ​ക്ഷ​ണ​ത്തി​നാ​യി വ​രി​നി​ന്ന 19 പേ​ര​ട​ക്കം 62 പേ​ർ ഇ​ന്ന​ലെ​യും കൊ​ല്ല​പ്പെ​ട്ടു. 637 പേ​ർ​ക്ക് പ​രി​ക്കേ​റ്റി​ട്ടു​ണ്ട്. റ​ഫ​യി​ലെ ഭ​ക്ഷ്യ കേ​ന്ദ്ര​ത്തി​ൽ കാ​ത്തു​നി​ന്ന​വ​​ർ​ക്കു നേ​രെ സൈ​ന്യം ന​ട​ത്തി​​യ വെ​ടി​വെ​പ്പി​ൽ 11 പേ​രും അ​ഭ​യാ​ർ​ഥി​ക​ൾ തി​ങ്ങി​ക്ക​ഴി​യു​ന്ന അ​ൽ​മ​വാ​സി​യി​ലെ ക്യാ​മ്പി​നു​മേ​ൽ ബോം​ബു​വ​ർ​ഷ​ത്തി​ൽ നാ​ലു​പേ​രും കൊ​ല്ല​പ്പെ​ട്ടു.

10 ല​ക്ഷം ഫ​ല​സ്തീ​നി​ക​ൾ നി​ല​വി​ൽ ഗ​സ്സ​യി​ൽ കൊ​ടും​പ​ട്ടി​ണി​യി​ലാ​ണ്. അ​ഞ്ചു വ​യ​സ്സി​നു താ​ഴെ​യു​ള്ള കു​ട്ടി​ക​ളി​ൽ അ​ഞ്ചി​ലൊ​ന്നും ഗു​രു​ത​ര​മാ​യ പോ​ഷ​കാ​ഹാ​ര​ക്കു​റ​വു​ള്ള​വ​രാ​ണെ​ന്നും യു.​എ​ൻ അ​നു​ബ​ന്ധ പ​ട്ടി​ണി നി​ർ​ണ​യ സം​ഘ​ട​ന​യാ​യ ഐ.​പി.​സി റി​പ്പോ​ർ​ട്ട് പ​റ​യു​ന്നു.