അ​ഭ​യാ​ർ​ഥി​ക​ളു​ടെ വ​ര​വ് 'അ​ധി​നി​വേ​ശ​'മെ​ന്ന് യു.​കെ ആ​ഭ്യ​ന്ത​ര​ മ​ന്ത്രി

ല​ണ്ട​ൻ: അ​ഭ​യാ​ർ​ഥി​ക​ളു​ടെ വ​ര​വി​നെ 'അ​ധി​നി​വേ​ശം' എ​ന്ന് വി​ശേ​ഷി​പ്പി​ച്ച യു.​കെ ​ആ​ഭ്യ​ന്ത​ര മ​ന്ത്രി സു​​വെ​ല്ല ബ്രേ​വ​ർ​മാ​നെ​തി​രെ പ്ര​തി​പ​ക്ഷ​വും അ​ഭ​യാ​ർ​ഥി​ക​ൾ​ക്കാ​യി പ്ര​വ​ർ​ത്തി​ക്കു​ന്ന സം​ഘ​ട​ന​ക​ളും രം​ഗ​ത്ത്. രാ​ജ്യ​ത്തേ​ക്കു​ള്ള അ​ന​ധി​കൃ​ത കു​ടി​യേ​റ്റം നി​യ​ന്ത്ര​ണാ​തീ​ത​മാ​യെ​ന്നും അ​ഭ​യാ​ർ​ഥി​ക​ൾ​ക്കാ​യു​ള്ള സം​വി​ധാ​നം ത​ക​ർ​ന്ന നി​ല​യി​ലാ​ണെ​ന്നും മ​ന്ത്രി ക​ഴി​ഞ്ഞ​ദി​വ​സം പാ​ർ​ല​മെ​ന്റി​ൽ പ​റ​ഞ്ഞു.

ഇം​ഗ്ലീ​ഷ് ചാ​ന​ൽ​വ​ഴി നി​ര​വ​ധി പേ​രാ​ണ് ചെ​റു​ബോ​ട്ടു​ക​ളി​ൽ എ​ത്തു​ന്ന​ത്. അ​വ​ർ​​ക്കെ​ല്ലാം പാ​ർ​പ്പി​ടം ന​ൽ​കാ​നാ​കി​ല്ല. ദ​ക്ഷി​ണ​തീ​ര​​ത്തെ അ​ധി​നി​വേ​ശം ത​ട​യു​ന്ന​ത് ആ​രാ​ണ് ഗൗ​ര​വ​മാ​യെ​ടു​ക്കു​ന്ന​തെ​ന്നും ആ​രാ​ണ് അ​ത് അ​വ​ഗ​ണി​ക്കു​ന്ന​തെ​ന്നും ബ്രി​ട്ടീ​ഷ് ജ​ന​ത അ​റി​യേ​ണ്ട​തു​ണ്ടെ​ന്നും ഇ​ന്ത്യ​യി​ൽ വേ​രു​ള്ള ബ്രേ​വ​ർ​മാ​ൻ പ​റ​ഞ്ഞു.

ഈ ​വ​ർ​ഷം മാ​ത്രം ദ​ക്ഷി​ണ തീ​ര​ത്ത് 40,000 പേ​രെ​ത്തി. ഇ​തി​ൽ ക്രി​മി​ന​ൽ സം​ഘ​ങ്ങ​ളി​ൽ​പെ​ട്ട​വ​രും ഉ​ണ്ട്. അ​തു​​കൊ​ണ്ട്, ഇം​ഗ്ല​ണ്ടി​ലെ​ത്തു​ന്ന​വ​രെ​ല്ലാം അ​ഭ​യാ​ർ​ഥി​ക​ളാ​ണ് എ​ന്ന ധാ​ര​ണ ന​മ്മ​ൾ മാ​റ്റ​ണം. രാ​ജ്യ​ത്തെ ജ​ന​ങ്ങ​ൾ​ക്കെ​ല്ലാം ഈ ​കാ​ര്യം അ​റി​യാം. പ്ര​തി​പ​ക്ഷം അ​റി​ഞ്ഞി​ല്ലെ​ന്ന് ന​ടി​ക്കു​ക​യാ​ണ് -അ​വ​ർ പ​റ​ഞ്ഞു.

മ​ന്ത്രി​ക്കെ​തി​രെ പ്ര​തി​പ​ക്ഷ​മാ​യ ലേ​ബ​ർ പാ​ർ​ട്ടി​യും സ്കോ​ട്ടി​ഷ് നാ​ഷ​ന​ൽ പാ​ർ​ട്ടി​യും രം​ഗ​ത്തെ​ത്തി. ഗു​രു​ത​ര സ്വ​ഭാ​വ​മു​ള്ള പ​രാ​മ​ർ​ശ​മാ​ണ് മ​ന്ത്രി​യു​ടേ​തെ​ന്ന് ലേ​ബ​ർ പാ​ർ​ട്ടി പ​റ​ഞ്ഞു. ക​ഴി​ഞ്ഞ​ ദി​വ​സം ഇം​ഗ്ല​ണ്ടി​ലെ ദ​ക്ഷി​ണ​തീ​ര​ത്തെ അ​ഭ​യാ​ർ​ഥി​കേ​ന്ദ്ര​ത്തി​ൽ പെ​ട്രോ​ൾ ബോം​ബ് ആ​ക്ര​മ​ണ​മു​ണ്ടാ​യ​ത് രാ​ജ്യ​ത്തെ ന​ടു​ക്കി​യി​രു​ന്നു.