ജോൺസൺ & ജോൺസ​െൻറ ഒറ്റ ഡോസ്​ വാക്​സിന്​ ബ്രിട്ട​െൻറ അംഗീകാരം; ഇന്ത്യൻ വകഭേദത്തെ തടയാനാകുമെന്ന്​

ലണ്ടൻ: മറ്റൊരു കോവിഡ്​ വാക്​സിനുകൂടി ബ്രിട്ട​െൻറ അംഗീകാരം. മറ്റു വാക്​സിനുകളിൽ നിന്ന്​ വ്യത്യസ്​തമായ ഒറ്റ ഡോസ്​ വാക്​സിനാണ്​ വെള്ളിയാഴ്​ച ബ്രിട്ടൻ അംഗീകാരം നൽകിയത്​. ജോൺസൺ & ജോൺസൺ കമ്പനിയുടെ സിംഗിൾ ഡോസ്​ വാക്​സിൻ ഇനി ബ്രിട്ടനിൽ ഉപയോഗിക്കും. മെഡിസിൻ ആൻറ്​ ഹെൽത്​കെയർ റെഗുലേറ്ററി ഏജൻസി ഇതിന്​ അംഗീകാരം നൽകി.

വൈറസിനെതിരെ 72 ശതമാനം പ്രതിരോധം ഇൗ വാക്​സിനുണ്ടെന്നാണ്​ അമേരിക്കയിൽ നടത്തിയ ട്രയലി​ൽ തെളിഞ്ഞത്​. ഫൈസർ, ആസ്​ട്രസെനിക, മൊഡേണ വാക്​സിനുകളാണ്​ ഇപ്പോൾ ബ്രിട്ടനിൽ ഉപയോഗിക്കുന്നത്​. ജോൺസൺ & ജോൺസ​െൻറ ഒറ്റ ഡോസ്​ വാക്​സിൻ കൂടി ഇൗ ഗണത്തിലേക്ക്​ വരികയാണ്​.

കോവിഡ്​ വ്യാപനം തടയാനായി ഏർ​െപ്പടുത്തിയ നിയന്ത്രണങ്ങൾ പൂർണമായും പിൻവലിച്ച്​ ജൂൺ 21 ഒാടെ രാജ്യം പൂർണമായും തുറക്കാൻ ആലോചിക്കുന്നതിനിടെ കോവിഡ്​ പോസിറ്റീവാകുന്നവരുടെ എണ്ണം വർധിക്കുന്ന പ്രവണത ബ്രിട്ടനിൽ കണ്ടു തുടങ്ങിയിരുന്നു. കോവിഡി​െൻറ ഇന്ത്യൻ വകഭേദം മറ്റൊരു തരംഗം രാജ്യത്തുണ്ടാക്കുകയാണെന്ന ആശങ്ക ബ്രിട്ടനിലുണ്ടായിരുന്നു. അതിനിടെയാണ്​ പുതിയ വാക്​സിന്​ അംഗീകാരം നൽകുന്നത്​. ജോൺസൺ & ജോൺസ​െൻറ വാക്​സിൻ ഇന്ത്യൻ വകഭേദത്തിനെതിരെ ഫലപ്രദമാണെന്നാണ്​ കരുതുന്നത്​.