ഹോർമുസിൽ നിന്ന് കപ്പലുകൾ തിരിച്ചുപോകുന്നതായി റിപ്പോർട്ടുകൾ

തെഹ്റാൻ: പ്രധാന സമുദ്രപാതയായ ഹോർമുസ് കടലിടുക്കിൽ നിന്ന് കപ്പലുകൾ മടങ്ങിപ്പോകുന്നതായി റിപ്പോർട്ടുകൾ. ഇസ്രായേലിനൊപ്പം യു.എസും ഇറാനെ ആക്രമിച്ചതോടെ സംഘർഷ സാധ്യത വർധിച്ച സാഹചര്യത്തിലാണിത്. യു.എസ് ആക്രമണങ്ങളുടെ പശ്ചാത്തലത്തിൽ പ്രതിരോധമെന്ന നിലയിൽ തങ്ങളുടെ നിയന്ത്രണത്തിലുള്ള ഹോർമുസ് കടലിടുക്ക് അടക്കുമെന്ന് ഇറാൻ മുന്നറിയിപ്പ് നൽകിയിരുന്നു.

രണ്ട് കൂറ്റൻ ഓയിൽ ടാങ്കറുകളാണ് ഹോർമുസിൽ നിന്ന് കാലിയായി മടങ്ങിപ്പോകുന്നതെന്ന് ബ്ലൂംബെർഗ് റിപ്പോർട്ട് ചെയ്യുന്നു. കോസ് വിസ്ഡം ലേക്, സൗത്ത് ലോയൽറ്റി എന്നീ സൂപ്പർടാങ്കറുകളാണിവ. രണ്ട് ദശലക്ഷം ബാരൽ ക്രൂഡോയിൽ വഹിക്കാനുള്ള ശേഷിയുള്ളവയാണിവ. ഞായറാഴ്ച ഹോർമുസ് കടലിടുക്കിൽ പ്രവേശിച്ച ഇവ പിന്നീട് യു-ടേൺ എടുത്തുവെന്ന് റിപ്പോർട്ടിൽ പറയുന്നു.

തന്ത്രപ്രധാനമായ ഹോര്‍മുസ് കടലിടുക്ക് അടയ്ക്കുന്നതിന് ഇറാന്‍ പാര്‍ലമെന്റ് ഇന്നലെ അംഗീകാരം നല്‍കിയിരുന്നു. അന്തിമ തീരുമാനമായിട്ടില്ലെന്നും ഇറാന്റെ ഉന്നത സുരക്ഷാ അതോറിറ്റിയായ പരമോന്നത ദേശീയ സുരക്ഷാ കൗണ്‍സിലിന്റെ തീരുമാനംകൂടി വന്നാൽ മാത്രമേ ഇക്കാര്യത്തിൽ തീരുമാനം ഉണ്ടാകൂ എന്നും റിപ്പോർട്ടുകൾ പറയുന്നു.

പേര്‍ഷ്യന്‍ ഗള്‍ഫിനും ഗള്‍ഫ് ഓഫ് ഒമാനും ഇടയിലുള്ള കടലിടുക്കാണ് ഹോര്‍മുസ്. ഇറാന്റെയും ഒമാന്റെയും നിയന്ത്രണത്തിലുള്ള ഈ പാതയാണ് പേര്‍ഷ്യന്‍ ഗള്‍ഫില്‍ നിന്ന് തുറന്ന സമുദ്രത്തിലേക്കുള്ള ഏക കടല്‍ പാത. ലോകത്തിലെ ഏറ്റവും തന്ത്രപ്രധാനമായ മേഖലകളില്‍ ഒന്നാണിത്. സൗദി അറേബ്യ, യുനൈറ്റഡ് അറബ് എമിറേറ്റ്‌സ്, ഇറാഖ്, കുവൈത്ത് തുടങ്ങിയ ഗള്‍ഫ് രാജ്യങ്ങളിലെ ഉല്‍പന്നങ്ങള്‍ കയറ്റുമതി ചെയ്യുന്നതിനുള്ള പ്രധാനപാതയാണിത്.

ലോ​ക​ത്തി​ലെ ക​ട​ൽ​മാ​ർ​ഗ​മു​ള്ള എ​ണ്ണ ച​ര​ക്കു​നീ​ക്ക​ത്തി​ന്റെ 40 ശ​ത​മാ​ന​വും മൊ​ത്തം എ​ണ്ണ ഉ​പ​ഭോ​ഗ​ത്തി​ന്റെ 20 ശ​ത​മാ​ന​വും ഹോ​ർ​മു​സ് വ​ഴി​യാ​ണ്. പാ​ശ്ചാ​ത്യ​ൻ നാ​ടു​ക​ളി​ൽ​നി​ന്ന് ഏ​ഷ്യ​യി​ലേ​ക്കു​ള്ള പ്ര​ധാ​ന ച​ര​ക്കു​നീ​ക്ക​വും ഇ​തു​വ​ഴി​ത​ന്നെ. ഈ ​ത​ന്ത്ര​പ്ര​ധാ​ന ജ​ല​പാ​ത അ​ട​ച്ചു​പൂ​ട്ടി​യാ​ൽ ച​ര​ക്കു​നീ​ക്കം പ്ര​തി​സ​ന്ധി​യി​ലാ​വു​ക​യും എ​ണ്ണ​വി​ല കു​ത്ത​നെ ഉ​യ​രു​ക​യും ചെ​യ്യും.

പേ​ർ​ഷ്യ​ൻ ഗ​ൾ​ഫി​നും ഒ​മാ​ൻ ഉ​ൾ​ക്ക​ട​ലി​നു​മി​ട​യി​ലു​ള്ള ക​ട​ലി​ടു​ക്കി​ന്റെ വ​ട​ക്ക​ൻ തീ​ര​ത്താ​ണ് ഇ​റാ​ൻ സ്ഥി​തി ചെ​യ്യു​ന്ന​ത്. 54 കി​ലോ​മീ​റ്റ​ർ (29 നോ​ട്ടി​ക്ക​ൽ മൈ​ൽ) ആ​ണ് ഹോ​ർ​മു​സി​ന്റെ വീ​തി. ഏ​റ്റ​വും ഇ​ടു​ങ്ങി​യ ഭാ​ഗ​ത്ത് 39 കി​ലോ​മീ​റ്റ​ർ (21 നോ​ട്ടി​ക്ക​ൽ മൈ​ൽ) മാ​ത്ര​മേ വീ​തി​യു​ള്ളൂ. ലോ​ക​ത്താ​കെ വി​ല​ക്ക​യ​റ്റ​ത്തി​നും സാ​മ്പ​ത്തി​ക പ്ര​തി​സ​ന്ധി​ക്കും കാ​ര​ണ​മാ​കു​ന്ന​താ​ണ് ഹോ​ർ​മു​സ് വ​ഴി ച​ര​ക്കു​നീ​ക്കം ത​ട​സ്സ​പ്പെ​ടു​ന്ന​ത്. പ​ശ്ചി​മേ​ഷ്യ​യി​ൽ നിന്നുള്ള എ​ണ്ണ ക​യ​റ്റു​മ​തി നിലക്കുന്നത് രാ​ജ്യ​ങ്ങ​ളെ വ​ലി​യ​തോ​തി​ൽ ബാ​ധി​ക്കും.