ബാഗു നിറയെ പണവുമായി ദുബൈയിലേക്ക്​ കടക്കാൻ ശ്രമിച്ച യുവതിയും യുവാവും പിടിയിൽ

ലണ്ടന്‍: ബാഗുകളിലും സ്യൂട്ട്‌കേസുകളിലുമായി പണം കടത്താന്‍ ശ്രമിച്ച ചെക്ക് റിപബ്ലിക്​​ പൗരൻമാരായ യുവാവും യുവതിയ​ും ലണ്ടനിൽ പിടിയിലായി. ദുബൈയിലേക്ക്​ കടക്കാൻ ശ്രമിച്ച ഇവരെ ഹീത്രൂ വിമാനത്താവളത്തില്‍ വെച്ചാണ്​ പിടികൂടിയത്​.

37 കാരനായ യുവാവിനേയും 27 കാരിയേയുമാണ് ഉദ്യോഗസ്ഥര്‍ നവംബര്‍ എട്ടിന് അറസ്റ്റ് ചെയ്തതെന്ന് ബ്രിട്ടീഷ് സര്‍ക്കാര്‍ വെള്ളിയാഴ്ച അറിയിച്ചു.1.2 ദശലക്ഷം പൗണ്ടാണ്(1.58 ദശലക്ഷം ഡോളര്‍)ഇവരിൽ പിടികൂടിയത്.

രണ്ട് ലഗേജ് ബാഗുകളിലും മൂന്ന് സ്യൂട്ട്‌കേസുകളിലുമായാണ് ഇവർ പണം സൂക്ഷിച്ചിരുന്നത്. സംഘടിത ക്രിമിനല്‍ സംഘങ്ങൾക്കെതിരെയ​ുള്ള തങ്ങളുടെ ​േപാരാട്ടത്തിലെ സുപ്രധാനമായ നീക്കമാണ്​ അനധികൃത പണം കടത്ത്​ പിടികൂടിയതെന്ന്​ മന്ത്രി ക്രിസ് ഫിലിപ്പ് പറഞ്ഞു.

കഴിഞ്ഞ ഒക്ടോബറില്‍ 1.9 ദശലക്ഷം പൗണ്ടുമായി ദുബൈയി​േലക്ക്​ കടക്കാൻ​ ശ്രമിച്ച മറ്റൊരു സ്ത്രീയും പിടിക്കപ്പെട്ടിരുന്നു.