'ഫ്ലീറ്റ്​സ്​' സേവനം ട്വിറ്റർ അവസാനിപ്പിക്കുന്നു

ന്യൂഡൽഹി: മത്സരം കടുപ്പിച്ച ഇൻസ്റ്റഗ്രാം, സ്​നാപ്​ചാറ്റ്​ തുടങ്ങിയവരെ വെട്ടാൻ കഴിഞ്ഞ വർഷം ട്വിറ്റർ ആരംഭിച്ച ഫ്ലീറ്റ്​സ്​' സേവനം അടുത്ത മാസം അവസാനിപ്പിക്കുമെന്ന്​ പ്രഖ്യാപിച്ച്​ ട്വിറ്റർ. ആഗസ്റ്റ്​ മൂന്നിനു ശേഷം ട്വിറ്ററിൽ ഇത്​ ലഭ്യമാകില്ല.

ഫുൾസ്​ക്രീനിൽ ഫോ​ട്ടോകളും വിഡിയോകളും ട്വിറ്റർ പ്രതികരണങ്ങളും സാധാരണ ​ടെക്​സ്റ്റുംവരെ കാണിക്കാനാകുന്ന സേവനമാണ്​ 'ഫ്ലീറ്റ്​സ്​'. 24 മണിക്കൂറിനുള്ളിൽ ഇവ സ്വാഭാവികമായും അപ്രത്യക്ഷമാകും. സ്​നാപ്​ചാറ്റും ഫേസ്​ബുക്കും ഈ​ സേവനം വർഷങ്ങൾക്ക്​ മുമ്പ്​ ആരംഭിച്ചതായിരുന്നു.

കൂടുതൽ പേർ ട്വിറ്ററിലെത്തി ഉള്ളടക്കം പോസ്റ്റ്​ ചെയ്യുകയെന്ന ലക്ഷ്യത്തോടെയാണ്​ തുടങ്ങിയതെങ്കിലും നിലവിലെ ഉപയോക്​താക്കൾ മാത്രമാണ്​ പ്രയോജനപ്പെടുത്തുന്നതെന്ന്​ കമ്പനി അറിയിച്ചു. നിലവിൽ ട്വീറ്റ്​ ചെയ്യുന്നവർ കൂടുതൽ വ്യക്​തത ലഭിക്കാൻ ഇത്​ ഉപയോഗിക്കുന്നുണ്ട്​.

സേവനം തുടങ്ങു​േമ്പാൾ പ്രതിദിന ഉപയോക്​താക്കളുടെ എണ്ണം 31.5 കോടിയിലെത്തിക്കുകയെന്നതായിരുന്നു ട്വിറ്റർ ലക്ഷ്യം. 2023 ആകു​േമ്പാഴേക്ക്​ വരുമാനം ഇരട്ടിയാക്കലും.