Begin typing your search above and press return to search.
exit_to_app
exit_to_app
Homechevron_rightNewschevron_rightWorldchevron_rightഒമ്പതു പേരെ കൊന്നതായി ...

ഒമ്പതു പേരെ കൊന്നതായി ജപ്പാനിലെ​ 'ട്വിറ്റർ കില്ലർ'; കൊല ഇരകളുടെ സമ്മതപ്രകാരമെന്ന്​ അഭിഭാഷകൻ

text_fields
bookmark_border
ഒമ്പതു പേരെ കൊന്നതായി ജപ്പാനിലെ​ ട്വിറ്റർ കില്ലർ; കൊല ഇരകളുടെ സമ്മതപ്രകാരമെന്ന്​ അഭിഭാഷകൻ
cancel

ടോക്യോ: ഒമ്പത്​ പേരെ കൊലപ്പെടുത്തിയതായി കോടതിയിൽ സമ്മതിച്ച്​ ജപ്പാനിലെ 'ട്വിറ്റർ കില്ലർ' എന്നറിയപ്പെടുന്ന തകാഹിരോ ഷിറൈഷി. എന്നാൽ ഷിറൈഷിയെ വധശിക്ഷക്ക്​ വിധിക്കരുതെന്നും സ്വയം ജീവനൊടുക്കാൻ തീരുമാനിച്ചവരെ അവരുടെ സമ്മതത്തോടെയാണ്​​ ഷിറൈഷി കൊലപ്പെടുത്തിയതെന്നും അയാളുടെ അഭിഭാഷകൻ കോടതിയിൽ വാദിച്ചു.

29കാരനായ ഷിറൈഷി ഇരകളെ കൊലപ്പെടുത്തിയ ശേഷം അവരുടെ ശരീര ഭാഗങ്ങൾ കഷണങ്ങളാക്കുകയും അവ തണുത്ത പെട്ടികളിലാക്കി സൂക്ഷിച്ചു വെക്കുകയുമായിരുന്നു. കഷണങ്ങളാക്കിയ ഒമ്പത്​ മൃതദേഹങ്ങളും 240ലേറെ എല്ലിൻ കഷണങ്ങളും പെട്ടികളിലാക്കി വെച്ചത്​ ഇയാളുടെ വീട്ടിൽ നിന്ന്​ പൊലീസ്​ കണ്ടെടുത്തു. മാലിന്യങ്ങൾക്കിടയിലായിരുന്നു ഇവ ​വെച്ചിരുന്നത്​. ഇയാൾക്കെതിരെ ബലാത്സംഗ കുറ്റവും നിലവിലുള്ളതായാണ്​ റിപ്പോർട്ട്​.

ആത്മഹത്യ ചെയ്യുന്നതായി ട്വീറ്റ്​ ചെയ്​ത 15നും 26നും മധ്യേ പ്രായമുള്ളവരുമായി ട്വിറ്ററിലൂടെ ബന്ധ​പ്പെടുകയും ജീവനൊടുക്കാൻ താൻ സഹായിക്കാമെന്നും അല്ലെങ്കിൽ അവർക്കൊപ്പം മരിക്കാമെന്നും വാഗ്​ദാനം ചെയ്ത ശേഷം അവരെ കൊല​പ്പെടുത്തുകയായിരുന്നു ഷിറൈഷിയുടെ രീതി. ട്വി​റ്റ​റി​ലൂ​ടെ ഇ​ര​ക​ളെ ക​ണ്ടെ​ത്തി കൊ​ല​പ്പെ​ടു​ത്തു​ന്ന​തി​നാ​ലാ​ണ്​ 'ട്വിറ്റർ കില്ലർ' എന്ന പേരു വന്നത്​.

തകാഹിരോ ഷിറൈഷിയുടെ പേരിലുള്ള കുറ്റം തെളിഞ്ഞാൽ അയാൾ വധശിക്ഷ നേരിടേണ്ടി വരും. എന്നാൽ കൊല നടന്നത്​ കൊല്ലപ്പെട്ടവരുടെ സമ്മതത്തോടെയായിരുന്നുവെന്ന്​ സ്ഥാപിച്ച്​ വധശിക്ഷയിൽ ഇളവ്​ നേടുകയും ആറ്​ മാസം മുതൽ ഏഴ്​ വർഷം വരെ തടവ്​ ശിക്ഷയിലേക്ക്​ എത്തിക്കുകയാണ്​ അഭിഭാഷകൻെറ ലക്ഷ്യം.

എന്നാൽ ഒരു ജാപ്പനീസ്​ മാധ്യമത്തിന്​ നൽകിയ അഭിമുഖത്തിൽ കൊല നടന്നത്​ കൊല്ലപ്പെട്ടവരുടെ സമ്മതത്തോടെയല്ലെന്ന്​ ഷിറൈഷി പറഞ്ഞിരുന്നു. ''കൊല്ലപ്പെട്ടവരുടെ തലക്ക്​ പിന്നിൽ മുറിവുണ്ട്​. കൊലക്ക്​ അവരുടെ സമ്മതമില്ലായിരുന്നുവെന്നും അവർ എതിർക്കാതിരിക്കാനാണ്​ ഞാൻ അങ്ങനെ ചെയ്​തതെന്നുമാണ്​ അതിനർഥം'' - എന്നായിരുന്നു ഷിറൈഷിയുടെ പ്രതികരണം.

തനിക്ക്​ സ്വയം ജീവനൊടുക്കണമെന്ന്​ തുടർച്ചയായി ട്വീറ്റ്​ ചെയ്​ത 23കാരിയെ കാണാതായതിനെ തുടർന്ന് സഹോദരൻ യുവതിയുടെ ട്വിറ്റർ അക്കൗണ്ട്​ പരിശോധിച്ചപ്പോൾ സംശയാസ്​പദമായ ട്വിറ്റർ ഹാൻഡിൽ ശ്രദ്ധയിൽ പെടുകയായിരുന്നു. തുടർന്ന്​​ നടത്തിയ അന്വേഷണത്തിനൊടുവിലാണ്​ മൂന്ന്​ വർഷം മുമ്പ്​ തകാഹിരോ ഷിറൈഷി പൊലീസിൻെറ പിടിയിലാവുന്നത്​.

Show Full Article
TAGS:Twitter killer Japan Killing murder 
Next Story