പാകിസ്താനിൽ ഇരട്ട സ്ഫോടനം: മൂന്ന് പൊലീസുകാർ കൊല്ലപ്പെട്ടു

പെഷാവർ: ഖൈബർ പഖ്തുൻഖ്വ പ്രവിശ‍്യയിലുണ്ടായ ഇരട്ട സ്ഫോടനത്തിൽ മുതിർന്ന ഉദ‍്യോഗസ്ഥനടക്കം മൂന്ന് പൊലീസുകാർ കൊല്ലപ്പെട്ടു.

ആദ്യ സ്ഫോടനം നടന്നത് ഘുൽമിന പൊലീസ് ചെക്ക് പോസ്റ്റിലേക്ക് വരുകയായിരുന്ന എസ്.പി അസദ് സുബൈറിന്റെ സംഘത്തെ തീവ്രവാദികൾ റിമോട്ട് കൺട്രോൾ ബോംബ് ഉപയോഗിച്ച് കൊലപ്പെടുത്തുകയായിരുന്നു. .

അതേസമയം, ഖൈബർ പഖ്തൂൻഖ്വ പ്രവിശ‍്യയിൽ സൈന്യം എട്ട് തഹ്‍രീകെ താലിബാൻ പാകിസ്താൻ’ തീവ്രവാദികളെ വധിച്ചു. അഞ്ചുപേർക്ക് പരിക്കേറ്റു.

ടാൻക് ജില്ലയിൽ പെൺകുട്ടികൾക്കുള്ള പുതിയ പ്രൈമറി സ്കൂൾ അജ്ഞാതർ സ്ഫോടനത്തിൽ തകർത്തു. ആളപായമില്ല.