ഫ്രാൻസിനെതിരായ ബഹിഷ്​കരണാഹ്വാനം; തുർക്കിക്കെതിരേ യൂറോപ്യൻ യൂനിയൻ

ബ്രസൽസ്: ഫ്രാൻസിനെചൊല്ലി യൂറോപ്യൻ യൂനിയനും തുർക്കിയും തമ്മിലുള്ള സംഘർഷം കനക്കുന്നു. പ്രവാചക കാർട്ടൂൺ വിഷയത്തിൽ ഫ്രഞ്ച്​ പ്രസിഡൻറ്​ ഇമ്മാനുവൽ മാക്രോണി​ന്‍റെ നിലപാടിനെ നിശിതമായി വിമർശിച്ച്​ ഉറുദുഗാ​ൻ രംഗത്തുവന്നതോടെയാണ്​ സംഘർഷം ആരംഭിച്ചത്​. മുസ്​ലിംകളോടും ഇസ്​ലാമിനും നേരെയുള്ള ഫ്രഞ്ച്​ പ്രസിഡൻറ്​ ഇമാനുവൽ മാക്രോണി​െൻറ സമീപനം മുൻനിർത്തി അദ്ദേഹത്തി​െൻറ മനോനില പരിശോധിക്കുകയും ചികിത്സിക്കുകയും വേണമെന്നാണ്​​ തുർക്കി പ്രസിഡൻറ്​ റജബ്​ ത്വയ്യിബ്​ ഉറുദുഗാൻ പറഞ്ഞത്​.

'മറ്റൊരു മതത്തില്‍ വിശ്വസിക്കുന്ന ലക്ഷക്കണക്കിന് പൗരന്‍മാര്‍ ഉള്‍പ്പെടുന്ന സമൂഹത്തോട് ഈ വിധം പെരുമാറുന്ന ഒരു രാഷ്ട്രത്തലവനെക്കുറിച്ച് എന്താണ് പറയാന്‍ കഴിയുക?. ഒന്നാമതായി, മാനസിക പരിശോധന നടത്തുക എന്നല്ലാതെ എന്ത് പറയാന്‍' -​ ഉറുദുഗാന്‍ പറഞ്ഞു. ഉറുദുഗാ​െൻറ അഭിപ്രായത്തിനെതിരേ ജർമനിയും ഇറ്റലിയും നെതർലൻഡ്​സും ഗ്രീസും സൈപ്രസും ഉൾപ്പടെയുള്ള രാജ്യങ്ങൾ പരസ്യമായി രംഗത്ത്​ വന്നിട്ടുണ്ട്​. യൂറോപ്യൻ യൂനിയൻ വിദേശ നയ മേധാവി ജോസെപ് ബോറെൽ ഉറുദുഗാ​െൻറ അഭിപ്രായത്തെ 'അസ്വീകാര്യം' എന്ന്​ പറഞ്ഞു. 'അപകടകരമായ ഈ ഏറ്റുമുട്ടൽ അവസാനിപ്പിക്കണമെന്നും' അദ്ദേഹം ആവശ്യപ്പെട്ടു.

'മെഡിറ്ററേനിയൻ പ്രദേശങ്ങളിൽ ഏകപക്ഷീയമായ നടപടികൾക്കാണ്​ തുർക്കി ശ്രമിച്ചതെന്ന്​' യൂറോപ്യൻ കൗൺസിൽ പ്രസിഡൻറ്​ ചാൾസ് മൈക്കൽ കുറ്റപ്പെടുത്തുന്നു. ഈ മാസം ആദ്യം നടന്ന ഉച്ചകോടിയിൽ യൂറോപ്യൻ യൂനിയൻ അംഗരാജ്യങ്ങൾ ഉറുദുഗാ​െൻറ 'പ്രകോപനങ്ങൾ' അവസാനിപ്പിച്ചില്ലെങ്കിൽ ഉപരോധം ഏർപ്പെടുത്തുമെന്ന് ഭീഷണിപ്പെടുത്തിയിരുന്നു. ഇതിനിടയിലാണ്​ പുതിയ സംഭവവികാസങ്ങൾ ഉടലെടുത്തത്​.

'പ്രവർത്തനത്തിലും പ്രഖ്യാപനത്തിലും ടർക്കിഷ് ഭാഗത്തു നിന്നുള്ള മാറ്റം ഞങ്ങൾ വ്യക്തമായി പ്രതീക്ഷിക്കുന്നു'-യൂറോപ്യൻ യൂണിയൻ വക്താവ് പീറ്റർ സ്റ്റാനോ പറഞ്ഞു. കാത്തിരിക്കണോ അല്ലെങ്കിൽ നടപടിയെടുക്കുമോ എന്നറിയാൻ അംഗരാജ്യങ്ങളുമായി ചർച്ചകൾ നടത്തുമെന്നും അദ്ദേഹം പറഞ്ഞു. അഭിപ്രായ സ്വാതന്ത്ര്യത്തിനും തീവ്രവാദത്തിനും എതിരായി ത​െൻറ രാജ്യം ഫ്രാൻസിനൊപ്പം നിൽക്കുന്നുവെന്ന് ഡച്ച് പ്രധാനമന്ത്രി മാർക്ക് റുട്ടെ പറഞ്ഞു.

ഇസ്ലാമിക തീവ്രവാദികൾക്കെതിരായ പോരാട്ടത്തിൽ ഫ്രാൻസിന്​ ജർമ്മനിയുടെ പിന്തുണ നൽകുമെന്ന്​ ജർമൻ വിദേശകാര്യമന്ത്രി ഹെയ്‌കോ മാസ്​ പറഞ്ഞു. നാഗരികതകളുടെ ഏറ്റുമുട്ടലി​െൻറ പേരിലുള്ള ഉറുദുഗാ​െൻറ വാചാടോപം മതഭ്രാന്തും അസഹിഷ്​ണുതയും വളർത്തുമെന്ന്​ ഗ്രീസ്​ പ്രസിഡൻറ്​ കാതെറിന സകെല്ലറോപ പറഞ്ഞു.'ഫ്രഞ്ച് പ്രസിഡൻറിനെതിരായ ആക്രമണം യൂറോപ്യൻ മൂല്യങ്ങൾക്കും തത്വങ്ങൾക്കും എതിരാണെന്ന്​' സൈ​പ്രസ്​ പ്രസിഡൻറ്​ നിക്കോസ് അനസ്​താസിയോഡസ്​ പറഞ്ഞു. തുർക്കിയുടെ പ്രസ്​താവന അംഗീകരിക്കാൻ കഴിയാത്തതാണെന്നും അതിനാൽ തങ്ങളുടെ സ്​ഥാനപതിയെ തിരികെ വിളിക്കുന്നതായും നേര​ത്തേ ഫ്രാൻസ്​ പ്രതികരിച്ചിരുന്നു.