ഇതാണ് ​ ​'സ്വർണമത്സ്യം'; വില​ ഒന്നര കോടി

ടോക്കിയോ: ജപ്പാനിൽ 208 കിലോ ഗ്രാം ഭാരമുള്ള ട്യൂണ മത്സ്യത്തിന്​ റെക്കോർഡ്​ ലേലതുക. ബ്ല്യുഫിൻ ഇനത്തിൽ പെടുന്ന ട്യൂണ 2,02,197 യു.എസ്​ ഡോളറിനാണ്(1,48,13,164 രൂപ)​ ടോക്കിയോയി​ലെ ടോയുസു മാർക്കറ്റി​ൽ വിറ്റുപോയത്​. കഴിഞ്ഞ മാസം 193 മില്യൺ യെന്നിന്​ ട്യൂണ മത്സ്യം ജപ്പാനിൽ ലേലത്തിൽ പോയിരുന്നു.

കോവിഡിന്​ ശേഷം ജനങ്ങൾക്ക്​ റസ്​റ്ററന്‍റുകളിലിരുന്ന്​ ഭക്ഷണം കഴിക്കാൻ ഭയമുണ്ട്​. എന്നാൽ, ഉയർന്ന ലേലതുകയിൽ വിറ്റുപോകുന്ന മത്സ്യത്തിന്​ മാധ്യമശ്രദ്ധ കിട്ടുന്നതിനാൽ റസ്റ്ററന്‍റിൽ ഇപ്പോഴും ആവശ്യക്കാർ ഏറെയാണെന്ന്​ ലേലത്തിൽ പ​ങ്കെടുത്ത കമ്പനികളിലൊന്നായ കിയോമുറ ​കോർപറേഷൻ പറയുന്നു.

ഓരോ വർഷവും ജപ്പാനിൽ ട്യൂണ മത്സ്യത്തിന്‍റെ ലേലതുക ഉയരുകയാണെന്ന്​ കണക്കുകളിൽ നിന്ന്​ വ്യക്​തമാകും. 2019ൽ 333.6 മില്യൺ യെന്നിനാണ്​ ജപ്പാനിൽ ട്യൂണ മത്സ്യം ലേലത്തിൽ പോയത്​. അതേസമയം, ജപ്പാനിൽ കോവിഡ്​ രോഗികളുടെ എണ്ണം ഉയരുകയാണ്​. ഈയൊരു സാഹചര്യത്തിൽ വീണ്ടും ലോക്​ഡൗൺ ഏർപ്പെടുത്താനൊരുങ്ങുകയാണ്​ സർക്കാർ.