റഷ്യൻ ദ്വീപിൽ ഭൂചലനം; സുനാമി മുന്നറിയിപ്പ്

ന്യൂയോർക്ക്​: റഷ്യയിലെ കുറിൽ ദ്വീപുകളിലുണ്ടായ ഭൂചലനത്തെത്തുടർന്ന് സുനാമിക്ക്​ സാധ്യതയെന്ന്​ മുന്നറിയിപ്പ്​. റിക്​ടർ സ്​കെയിലിൽ 7.8 തീവ്രത രേഖപ്പെടുത്തിയ ഭൂചലനത്തെത്തുടർന്ന് യു.എസ് കാലാവസ്​ഥ നിരീക്ഷകരാണ്​ ബുധനാഴ്ച സുനാമി മുന്നറിയിപ്പ് നൽകിയത്​.

ഹവായ് സംസ്ഥാനം സുനാമി ജാഗ്രത പാലക്കണമെന്ന്​ യുഎസ് ഓഷ്യാനിക് ആൻഡ് അറ്റ്മോസ്ഫെറിക് അഡ്മിനിസ്ട്രേഷൻ അറിയിച്ചു. സുനാമി തിരമാലകൾ വേലിയേറ്റ നിരപ്പിൽനിന്ന്​ 0.3 മീറ്ററിൽ താഴെയായിരിക്കുമെന്നാണ്​ പ്രതീക്ഷിക്കുന്നത്​. ഭൂകമ്പത്തെ തുടർന്ന്​ വിനാശകരമായ സുനാമിക്ക്​ സാധ്യതയുണ്ടെന്ന് പസഫിക് സുനാമി മുന്നറിയിപ്പ് കേന്ദ്രവും അറിയിച്ചു.

സെവേറോ പട്ടണത്തിന് തെക്ക്-തെക്കുകിഴക്കായി 56.7 കിലോമീറ്റർ വേഗതയിൽ കാറ്റ്​ വീശിയതായി യുഎസ് ജിയോളജിക്കൽ സർവേ (യു.എസ്.ജി.എസ്​) അറിയിച്ചു. നാശനഷ്​ടങ്ങളൊന്നും റിപ്പോർട്ട്​ ചെയ്​തിട്ടില്ല.