ത​െൻറ ലിമോസിനിലെ ഗുഡ്​ ഇയർ ടയർ മാറ്റുമെന്ന്​ ട്രംപ്​

വാഷിങ്​​ടൻ: ഒഹായോ ആസ്ഥാനമായുള്ള ഗുഡ്​ ഇയർ കമ്പനി ബഹിഷ്​കരിക്കണമെന്ന്​ അമേരിക്കൻ പ്രസിഡൻറ്​ ഡൊണാൾഡ് ട്രംപ്. 'രാഷ്ട്രീയം കളിക്കുന്നു'എന്ന് ആരോപിച്ചാണ്​ ബഹിഷ്​കരണ ആഹ്വാനം നടത്തിയത്​.ബദൽ മാർഗമുണ്ടെങ്കിൽ ത​​െൻറ ലിമോസിനിൽ ഇട്ടിരിക്കുന്ന ഗുഡ് ഇയർ ടയർ മാറ്റുമെന്നും ട്രംപ്​ പറഞ്ഞു.

വരുന്ന തെരഞ്ഞെടുപ്പിൽ രണ്ടാമതും പ്രസിഡൻറായി മത്സരിക്കാനൊരുങ്ങുകയാണ്​ ട്രംപ്​. 'ഗുഡ് ടയർ വാങ്ങരുത്. അവർ മാഗാ തൊപ്പികളിൽ നിരോധനം പ്രഖ്യാപിച്ചു'- അദ്ദേഹം ട്വിറ്ററിൽ എഴുതി, 'ഗുഡ്‌ഇയറി​െൻറ കാര്യത്തിൽ ഞാൻ സന്തോഷവാനല്ല. കാരണം അവർ രാഷ്ട്രീയം കളിക്കുകയാണ്' -ട്രംപ് വൈറ്റ് ഹൗസ് ബ്രീഫിംഗിൽ പറഞ്ഞു.

കറുത്ത വർഗക്കാരനായ ജോർജ്​ ഫ്ലോയിഡി​െൻറ മരണത്തെതുടർന്ന്​ 'ബ്ലാക്ക്​ ലീവ്​സ്​ മാറ്റർ' എന്ന പേരിൽ അമേരിക്കയിൽ കാമ്പയിൻ നടക്കുന്നുണ്ട്​. ഇതിന്​ ബദലായി 'ബ്ലൂ ലീവ്സ് മാറ്റർ' എ​െന്നാരു കാമ്പയിൻ ട്രംപ്​ അനുകൂലികൾ ആരംഭിച്ചിരുന്നു. നിയമപാലകരെ പിന്തുണക്കാനെന്ന പേരിലാണ്​ കാമ്പയിൻ നടത്തുന്നത്​.

Don't buy GOODYEAR TIRES - They announced a BAN ON MAGA HATS. Get better tires for far less! (This is what the Radical Left Democrats do. Two can play the same game, and we have to start playing it now!).

— Donald J. Trump (@realDonaldTrump) August 19, 2020

ഇതിനെ പിന്തുണക്കുന്ന ടീ ഷർട്ടുകളും തൊപ്പികളും അണിയുന്നതിൽ നിന്ന്​ ഗുഡ്​ ഇയർ തങ്ങളുടെ ജീവനക്കാരെ വിലക്കിയതാണ്​ ട്രംപി​നെ പ്രകോപിതനാക്കിയത്​. കഴിഞ്ഞ വർഷം ഏകദേശം 15 ബില്യൺ ഡോളർ വരുമാനമുണ്ടായിരുന്ന കമ്പനിയാണ്​ ഗുഡ്‌ഇയർ. തങ്ങൾ ബോധപൂർവ്വം പ്രശ്​നങ്ങളൊന്നും സൃഷ്​ടിക്കാൻ ശ്രമിച്ചിട്ടില്ലെന്ന്​ കമ്പനി അധികൃതർ പറഞ്ഞു.