''ട്രംപിനിപ്പോൾ കൂട്ട്​ കടുത്ത ഏകാന്തതയും ദുഃഖവും'' -വൈറ്റ്ഹൗസിലെ അവസാന നിമിഷങ്ങൾ വിവരിച്ച് മാധ്യമപ്രവർത്തകൻ

ന്യൂയോർക്ക്: ഇനിയൊരിക്കൽ കൂടി അവസരം ലഭിക്കുമെന്ന പ്രതീക്ഷയുടെ സ്വർഗത്തിലിരിക്കെ ജനം വോട്ടുകുത്തി താ​ഴെയിട്ട ട്രംപി​െൻറ അവസാന നിമിഷങ്ങൾ അതീവ ദുഃഖിതവും ഏകാന്തവുമായിരുന്നുവെന്ന്​ മുതിർന്ന അമേരിക്കൻ മാധ്യമ പ്രവർത്തക​െൻറ മൊഴി. ട്രംപ്​ പ്രസിഡൻറായിരിക്കെ ഉടനീളം ഒപ്പം സഞ്ചരിക്കുകയും റിപ്പോർട്ട്​ ചെയ്യുകയും ചെയ്​ത സി.എൻ.എൻ സീനിയർ റിപ്പോർട്ടർ ജിം അക്കോസ്​റ്റയുടെയാണ്​ വെളിപ്പെടുത്തൽ. ​ജോ ബൈഡൻ അധികാരമേറ്റ ബുധനാഴ്​ച രാവിലെ വൈറ്റ്​ഹൗസിൽനിന്ന്​ പടിയിറങ്ങി നാടുപിടിക്കാനായി ജോയിൻറ്​ ബേസ്​ ആൻഡ്രൂസിൽ വിമാനമേറാൻ നിൽക്കു​േമ്പാൾ വിട നൽകാനുണ്ടായിരുന്നത്​ 200 ഓളം പേർ മാത്രം. കുടുംബവും അക്കോസ്​റ്റ ഉൾപെടെ മാധ്യമ പ്രവർത്തകരും അനുഗമിച്ച്​ എയർ ഫോഴ്​സ്​ വൺ വിമാനത്തിലായിരുന്നു പിന്നീട്​ ​േഫ്ലാറിഡ ലക്ഷ്യമിട്ട്​ യാത്ര.

''ദുഃഖം കിനിയുന്ന ദയനീയ കാഴ്​ചയായിരുന്നു അത്​''- അക്കോസ്​റ്റ ഓർക്കുന്നു. ''ഇ​ത്രയും ഖിന്നനായി പ്രസിഡൻറ്​ പദവി കാലയളവിൽ ഒരിക്കൽ പോലും കണ്ടിട്ടില്ല''. സി.എൻ.എൻ ചാനലി​ൽ അമേരിക്കൻ രാഷ്​ട്രീയവും നേതാക്കളെയും കൈകാര്യം ചെയ്യുന്നതിൽ ഒന്നാം നിരയിലുള്ള അക്കോസ്​റ്റ ഉടനീളം ട്രംപിനൊപ്പമായിരുന്നിട്ടും വലിയ മാറ്റം അദ്​ഭുതപ്പെടുത്തിയെന്ന്​ പറയുന്നു. ജനുവരി ആറിന്​ ഭരണസിരാ കേന്ദ്രമായ യു.എസ്​ കാപിറ്റോളിൽ തെമ്മാടിക്കൂട്ടത്തെ ഇളക്കിവിട്ട്​ നിരവധി പേരുടെ മരണത്തിനും ലോകത്തിനു മുന്നിൽ അമേരിക്ക നാണംകെടാനും ഇടയാക്കിയ സംഭവമാണ്​ അമേരിക്കയെ മൊത്തത്തിൽ ട്രംപിനെതിരാക്കിയതെന്നാണ്​ അക്കോസ്​റ്റയുടെ പക്ഷം. ഇല്ലായിരുന്നുവെങ്കിൽ യാത്ര രാജകീയമാക്കാനാകുമായിരുന്നു. തെരഞ്ഞെടുപ്പ്​ അട്ടിമറിക്കാനായിരുന്നു ശ്രമമെങ്കിലും അത്​ നടന്നില്ലെന്ന്​ മാത്രമല്ല, നീണ്ടകാലം ട്രംപിൽ വിശ്വാസമർപിച്ച അണികളിൽ മഹാഭൂരിപക്ഷവും ശത്രുവായി അദ്ദേഹത്തെ കാണുന്നതിലേക്ക്​ കാര്യങ്ങൾ എത്തുകയും ചെയ്​തു.

''ട്രംപ്​ പ്രസിഡൻസിയുടെ ദുർമുഖം അവിടെ പൂർത്തിയാകുകയായിരുന്നു. നാല്​- അഞ്ച്​ വർഷമെടുത്ത്​ വൈറ്റ്​ഹൗസിലിരുന്ന്​ പ്രസിഡൻറ്​ നിർമിതി പൂർത്തിയാക്കിയ കുപ്രചാരണ ദുർമേതസ്സ്​ അങ്ങനെ അനാവരണം ചെയ്യപ്പെട്ടു''- അ​ക്കോസ്​റ്റയുടെ വാക്കുകൾ. കാപിറ്റോൾ കലാപത്തോടെ, ട്വിറ്ററിൽ ട്രംപിന്​ വിലക്കുവീണു. ഒന്നുരണ്ട്​ വിഡിയോ മെസ്സേജുകൾ മാറ്റിനിർത്തിയാൽ പുറംലോകത്തോടുള്ള വീരസ്യങ്ങളും അതോടെ അവസാനിച്ചു. പിന്നീട്​ മുഴങ്ങി കേട്ടത്​ ജോയിൻറ്​ ബേസ്​ ആൻഡ്രൂസിൽ പറഞ്ഞ ഒന്നുരണ്ട്​ വാക്കുകൾ മാത്രം. പൊതു മണ്​ഡലത്തിൽ തുടിച്ചുപറന്ന ട്രംപിനിത്​ അസാധാരണമായ മൗനവൃത കാലം.

വൈറ്റ്​ഹൗസിനു പുറത്താകുന്നതോടെ ട്രംപിനെയും തിരഞ്ഞ്​ മാധ്യമങ്ങൾ പായുന്ന ആ കാലവും അസ്​തമിക്കും. ഫോക്​സ്​ ഉൾപെടെ മുൻനിര ചാനലുകൾ ​​േഫ്ലാറിഡയിൽ ട്രംപ്​ പറയുന്നതു കേൾക്കാൻ ആളെ നിർത്തേണ്ടെന്നുവരെ തീരുമാനമെടുത്തുകഴിഞ്ഞു.പക്ഷേ, ഏറെ കാലം മൗനീബാബയായി തുടരാൻ ട്രംപിനാകില്ലെന്ന്​ അക്കോസ്​റ്റ പറയുന്നു.

''ഇത്​ താത്​കാലികം മാത്രം. ട്രംപിനെ വൈറ്റ്​ഹൗസിലേക്കയച്ച ആൾക്കൂട്ട രാഷ്​ട്രീയ ശക്​തികൾ ഇനിയും തിരിച്ചുവരാൻ ശേഷിയുള്ളവരാണ്​. ഇനിയും ഇത്തരം ശക്​തികളുടെ ബലത്തിൽ രാജ്യത്ത്​ വിഘടന രാഷ്​ട്രീയം ട്രംപ്​ തുടരുക തന്നെ ചെയ്യും''.പക്ഷേ, അവസാന നാളുകളിൽ ജനം തിരിഞ്ഞുനോക്കാതായതു കൂട്ടിവായിച്ചാൽ വലിയ ആൾക്കൂട്ടം ഇനിയും രാഷ്​ട്രീയം കൂടാൻ അദ്ദേഹത്തിനു പിന്നാലെയുണ്ടാകണമെന്നില്ല. പ്രസിഡൻറ്​ പദവി വീണ്ടെടുക്കാനുമാകില്ല. അംഗീകാരമായ ഇംപീച്ച്​മെൻറ്​ സെനറ്റിൽ പരാജയപ്പെട്ടാലേ സാധ്യതകൾ തന്നെയുള്ളൂ.

''ഇനി ഒന്നും നേരെ പോകാൻ സാധ്യത കാണുന്നില്ല''- അക്കോസ്​റ്റ കട്ടായം പറയുന്നു. അധികാരം പോയെങ്കിലും നുണകളുടെ സുൽത്താനാണ്​ ട്രംപെന്നതിന്​ മാറ്റമില്ലെന്നും അക്കോസ്​റ്റ.'എന്നല്ല, സ്വന്തം മുറിവുകൾ നുണഞ്ഞ്​ മാർ-എ-ലാഗോയിൽ കഴിയു​േമ്പാഴും അ​യാൾ രാഷ്​ട്രത്തിന്​ ഭീഷണി തന്നെയാണ്​''. വസ്​തുതകൾ പരിശോധിക്കുന്നവർ പണി നിർ​ത്താറായിട്ടില്ല. ഈ നീക്കവും കൃത്യമായി പരിശോധനക്കു വിധേയമാകണം. ട്രംപ്​ പോയിട്ടുണ്ടാകാം, ട്രംപിസം പക്ഷേ, അവിടെത്തന്നെയുണ്ട്