ഇ​നി നാ​ലാ​ണ്ട് അ​മേ​രി​ക്ക​യി​ൽ ട്രം​പ് 2.0 യു​ഗം; ഇ​നി എ​ന്തെ​ന്ന​തി​ന്റെ പ്ര​വ​ച​നാ​തീ​ത കാ​ലം

ന്യൂ​യോ​ർ​ക്: ഡോണൾഡ് ട്രംപ് സത്യപ്രതിജ്ഞ ചെയ്ത് അധികാരമേറ്റതോടെ ഇ​നി നാ​ലാ​ണ്ട് അ​മേ​രി​ക്ക​ ട്രം​പ് 2.0 യു​ഗത്തിന് സാക്ഷ്യം വഹിക്കും. ലോ​ക​ത്തി​നി​ത് ഇ​നി എ​ന്തെ​ന്ന​തി​ന്റെ പ്ര​വ​ച​നാ​തീ​ത കാ​ലം കൂടിയാണ്. അ​മേ​രി​ക്ക​ൻ ച​രി​ത്ര​ത്തി​ൽ പ്ര​സി​ഡ​ന്റാ​യി തെ​ര​ഞ്ഞെ​ടു​ക്ക​പ്പെ​ട്ട ഏ​റ്റ​വും പ്രാ​യം കൂ​ടി​യ വ്യ​ക്തി, വ്യ​വ​സാ​യി, റി​യ​ൽ എ​സ്റ്റേ​റ്റ് വ്യാ​പാ​രി, റി​യാ​ലി​റ്റി ടി.​വി താ​രം, കു​റ്റ​വാ​ളി​യാ​യി പ്ര​ഖ്യാ​പി​ക്ക​പ്പെ​ട്ട​ശേ​ഷ​വും പ്ര​സി​ഡ​ന്റ് ക​സേ​ര​ക്ക് ഇ​ള​ക്കം ത​ട്ടാ​ത്ത​യാ​ൾ... വി​ശേ​ഷ​ണ​ങ്ങ​ൾ ഏ​റെ​യാ​ണ് ട്രം​പി​ന്. അ​മേ​രി​ക്ക​യു​ടെ 47ാമ​ത് പ്ര​സി​ഡ​ൻ​റാ​യി സ​ത്യ​പ്ര​തി​ജ്ഞ ചെ​യ്ത അ​ദ്ദേ​ഹം 2024ൽ ​തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​നി​ടെ അ​തി​ജീ​വി​ച്ച​ത് ര​ണ്ട് വ​ധ​ശ്ര​മ​ങ്ങ​ൾ. വൈ​റ്റ് ഹൗ​സി​ലെ ആ​ദ്യ​ത്തെ വ​നി​താ പ്ര​സി​ഡ​ൻ​റാ​കാ​ൻ ക​ച്ച​കെ​ട്ടി​യി​റ​ങ്ങി​യ ക​മ​ലാ ഹാ​രി​സി​നെ മു​ട്ടു​കു​ത്തി​ച്ചാ​ണ് 78 കാ​ര​നാ​യ ട്രം​പി​നെ അ​മേ​രി​ക്ക​ൻ വോ​ട്ട​ർ​മാ​ർ ര​ണ്ടാം​ത​വ​ണ പി​ന്തു​ണ​ച്ച​ത്. 2016ലെ ​തെ​ര​ഞ്ഞെ​ടു​പ്പി​ൽ ഹി​ല​രി ക്ലി​ൻ​റ​നെ​തി​രെ​യാ​യി​രു​ന്നു വി​ജ​യം.

ന്യൂ​യോ​ർ​ക്കി​ലെ ക്വീ​ൻ​സി​ൽ 1946 ജൂ​ൺ 14ന് ​മേ​രി​യു​ടെ​യും ഫ്രെ​ഡ് ട്രം​പി​ന്റെ​യും അ​ഞ്ച് മ​ക്ക​ളി​ൽ നാ​ലാ​മ​നാ​യാ​ണ് ജ​ന​നം. 1968ൽ ​പെ​ൻ​സ​ൽ​വേ​നി​യ സ​ർ​വ​ക​ലാ​ശാ​ല​യി​ലെ വാ​ർ​ട്ട​ൺ സ്കൂ​ൾ ഓ​ഫ് ഫി​നാ​ൻ​സ് ആ​ൻ​ഡ് കൊ​മേ​ഴ്സി​ൽ നി​ന്ന് ധ​ന​കാ​ര്യ ബി​രു​ദം നേ​ടി. 1971ൽ ​പി​താ​വി​ന്റെ ക​മ്പ​നി ഏ​റ്റെ​ടു​ത്ത് ‘ട്രം​പ് ഓ​ർ​ഗ​നൈ​സേ​ഷ​ൻ’ എ​ന്ന് പു​ന​ർ​നാ​മ​ക​ര​ണം ചെ​യ്തു. താ​മ​സി​യാ​തെ ഹോ​ട്ട​ലു​ക​ൾ, റി​സോ​ർ​ട്ടു​ക​ൾ, റെ​സി​ഡ​ൻ​ഷ്യ​ൽ, കൊ​മേ​ഴ്‌​സ്യ​ൽ കെ​ട്ടി​ട​ങ്ങ​ൾ, കാ​സി​നോ​ക​ൾ, ഗോ​ൾ​ഫ് കോ​ഴ്‌​സു​ക​ൾ തു​ട​ങ്ങി പ​ല പ​ദ്ധ​തി​ക​ളാ​യി വി​ക​സി​ച്ചു.

2004ൽ ‘​ദ അ​പ്ര​ൻ​റി​സ്’ ചി​ത്ര​ത്തി​ലൂ​ടെ റി​യാ​ലി​റ്റി ടി.​വി​യി​ലും ട്രം​പ് ഇ​ടം​പി​ടി​ച്ചു. ചെ​ക്ക് അ​ത്‌​ല​റ്റും മോ​ഡ​ലു​മാ​യ ഇ​വാ​ന സെ​ൽ​നി​ക്കോ​വ​യാ​ണ് ആ​ദ്യ ഭാ​ര്യ, 1990ൽ ​വി​വാ​ഹ​മോ​ച​നം നേ​ടി. ഇ​തി​ൽ മൂ​ന്ന് മ​ക്ക​ളു​ണ്ട് -ഡോ​ണ​ൾ​ഡ് ജൂ​നി​യ​ർ, ഇ​വാ​ങ്ക, എ​റി​ക്.1993​ൽ മാ​ർ​ല മാ​പ്പി​ൾ​സി​നെ വി​വാ​ഹം ക​ഴി​ച്ചു. അ​വ​ർ​ക്ക് ടി​ഫാ​നി എ​ന്ന മ​ക​ളു​ണ്ട്. 1999ൽ ​വി​വാ​ഹ​മോ​ച​നം. 2005ലാ​ണ് നി​ല​വി​ലെ ഭാ​ര്യ മെ​ലാ​നി​യ​യെ വി​വാ​ഹം ക​ഴി​ച്ച​ത്. മു​ൻ സ്ലോ​വേ​നി​യ​ൻ മോ​ഡ​ലാ​ണ് ഇ​വ​ർ. ഒ​രു മ​ക​നു​ണ്ട്. ബാ​ര​ൺ വി​ല്യം ട്രം​പ്.

സ​മ്പ​ദ്‌​വ്യ​വ​സ്ഥ, അ​ന​ധി​കൃ​ത കു​ടി​യേ​റ്റം, പ​ശ്ചി​മേ​ഷ്യ​യി​ലെ​യും യൂ​റോ​പ്പി​ലെ​യും യു​ദ്ധ​ങ്ങ​ൾ എ​ന്നി​വ​യെ​ക്കു​റി​ച്ചു​ള്ള ആ​ശ​ങ്ക​ക​ളു​ടെ പ​ശ്ചാ​ത്ത​ല​ത്തി​ലാ​ണ് തെ​ര​ഞ്ഞെ​ടു​പ്പ് ന​ട​ന്ന​ത്. ഇ​വ പ​രി​ഹ​രി​ക്കാ​ൻ ക​ഴി​യു​ന്ന ഒ​രേ​യൊ​രു വ്യ​ക്തി​യാ​യി അ​മേ​രി​ക്ക​ക്കാ​ർ അ​ദ്ദേ​ഹ​ത്തെ ക​ണ്ടു. അ​മേ​രി​ക്ക​യി​ലെ ഏ​റ്റ​വും വ​ലി​യ നാ​ടു​ക​ട​ത്ത​ൽ പ്ര​വ​ർ​ത്ത​ന​ത്തി​ന് മേ​ൽ​നോ​ട്ടം വ​ഹി​ക്കു​ക​യാ​ണ് ആ​ദ്യ ല​ക്ഷ്യം. ഇ​ന്നു​മു​ത​ൽ ഷി​കാ​ഗോ​യി​ൽ ‘ഉ​ദ്ഘാ​ട​നാ​ന​ന്ത​ര’ ഇ​മി​ഗ്രേ​ഷ​ൻ റെ​യ്ഡു​ക​ൾ തു​ട​ങ്ങാ​ൻ ട്രം​പ് ഭ​ര​ണ​കൂ​ടം ഉ​ദ്ദേ​ശി​ക്കു​ന്ന​താ​യി ന്യൂ​യോ​ർ​ക് ടൈം​സ് റി​പ്പോ​ർ​ട്ട് ചെ​യ്തു. താ​ൻ വൈ​റ്റ് ഹൗ​സി​ൽ തി​രി​ച്ചെ​ത്തി​യാ​ൽ പ​ണ​പ്പെ​രു​പ്പം പൂ​ർ​ണ​മാ​യും ഇ​ല്ലാ​താ​ക്കു​മെ​ന്ന് ട്രം​പ് നേ​ര​ത്തെ പ്ര​തി​ജ്ഞ​യെ​ടു​ത്തി​രു​ന്നു.

സ്ഥാ​നാ​ർ​ഥി​ത്വ​ത്തെ അ​ഭി​ന​ന്ദി​ക്കാ​ൻ യു​ക്രെ​യ്ൻ പ്ര​സി​ഡ​ൻ​റ് സെ​ല​ൻ​സ്‌​കി എ​ത്തി​യ​പ്പോ​ൾ റ​ഷ്യ-​യു​ക്രെ​യ്ൻ യു​ദ്ധം അ​വ​സാ​നി​പ്പി​ക്കു​മെ​ന്ന് ട്രം​പ് ശ​പ​ഥം ചെ​യ്തി​രു​ന്നു. ട്രം​പി​ന്റെ ര​ണ്ടാം​വ​ര​വി​ൽ അ​മേ​രി​ക്ക ആ​ഭ്യ​ന്ത​ര പ്ര​ശ്ന​ങ്ങ​ളെ എ​ങ്ങ​നെ കൈ​കാ​ര്യം ചെ​യ്യു​ന്നു എ​ന്ന് മാ​ത്ര​മ​ല്ല, ലോ​ക​ത്ത് അ​തി​ന്റെ സ്ഥാ​നം നി​ർ​ണ​യി​ക്കു​ന്ന​ത് എ​ങ്ങ​നെ​യെ​ന്ന് ലോ​കം ഉ​റ്റു​നോ​ക്കു​ക​യാ​ണ്. അ​തി​നാ​യി ഒ​രു​ങ്ങു​ക​യും ചെ​യ്യു​ന്നു.

ട്രംപിന്റെ എമിഗ്രേഷൻ നയം: ആശങ്കയിൽ ആയിരങ്ങൾ

വാ​ഷി​ങ്ട​ൺ: ഡോ​ണ​ൾ​ഡ് ട്രം​പ് അ​മേ​രി​ക്ക​യു​ടെ വി​ദേ​ശ​പൗ​ര​ൻ​മാ​രോ​ടു​ള്ള പൊ​തു​സ​മീ​പ​ന​ത്തി​ൽ വ​ലി​യ മാ​റ്റ​ങ്ങ​ൾ കൊ​ണ്ടു​വ​രു​മെ​ന്ന് അ​ഭ്യൂ​ഹം. വി​വി​ധ രാ​ജ്യ​ങ്ങ​ളി​ൽ​നി​ന്നു​ള്ള​വ​ർ​ക്ക് അ​ഭ​യം ന​ൽ​കു​ന്ന​ത് അ​വ​സാ​നി​പ്പി​ക്ക​ൽ, ദ​ക്ഷി​ണ അ​തി​ർ​ത്തി​യി​ലേ​ക്ക് പ​ട്ടാ​ള​ക്കാ​രെ അ​യ​ക്ക​ൽ, യു.​എ​സി​ൽ ജ​നി​ക്കു​ന്ന​വ​ർ​ക്കെ​ല്ലാം പൗ​ര​ത്വം ന​ൽ​കു​ന്ന​ത് നി​ർ​ത്ത​ൽ തു​ട​ങ്ങി​യ ന​യ​ങ്ങ​ളാ​യി​രി​ക്കും ട്രം​പ് സ്വീ​ക​രി​ക്കു​ക​യെ​ന്ന് പു​തി​യ ​വൈ​റ്റ്ഹൗ​സ് ഉ​ദ്യോ​ഗ​സ്ഥ സം​വി​ധാ​ന​ത്തി​ൽ വ​രു​ന്ന ഒ​രാ​ളെ ഉ​ദ്ധ​രി​ച്ച് വാ​ർ​ത്ത ഏ​ജ​ൻ​സി റി​പ്പോ​ർ​ട്ട് ചെ​യ്തു. എ​ങ്ങ​നെ​യാ​കും ട്രം​പ് എ​ക്സി​ക്യൂ​ട്ടി​വ് ഉ​ത്ത​ര​വു​ക​ൾ ന​ൽ​കു​ക എ​ന്ന​തി​ൽ വ്യ​ക്ത​ത​യി​ല്ല. ഇ​തി​ൽ പ​ല​തും കോ​ട​തി​യി​ൽ ചോ​ദ്യം ചെ​യ്യ​പ്പെ​ടാ​നും സാ​ധ്യ​ത​യു​ണ്ട്. ട്രം​പി​​ന്റെ ഉ​ത്ത​ര​വു​ക​ളും ന​യ​ങ്ങ​ളും എ​ന്താ​കു​മെ​ന്ന കാ​ര്യ​ത്തി​ൽ ആ ​രാ​ജ്യ​ത്തെ വി​ദേ​ശി​ക​ൾ ആ​ശ​ങ്ക​യി​ലാ​ണ്.

ട്രംപിന്റെ തീരുമാനം അപമാനം -മാർപാപ്പ​

റോം: ​അ​ധി​കാ​ര​മേ​റ്റ​യു​ട​ൻ കു​ടി​യേ​റ്റ​ക്കാ​രെ നാ​ടു​ക​ട​ത്താ​നു​ള്ള ഉ​ത്ത​ര​വി​ൽ ഒ​പ്പു​വെ​ക്കാ​നു​ള്ള യു.​എ​സ് പ്ര​സി​ഡ​ന്റ് ഡോ​ണ​ൾ​ഡ് ട്രം​പി​ന്റെ തീ​രു​മാ​ന​ത്തെ ക​ടു​ത്ത​ഭാ​ഷ​യി​ൽ വി​മ​ർ​ശി​ച്ച് ​ഫ്രാ​ൻ​സി​സ് മാ​ർ​പാ​പ്പ. ട്രം​പി​ന്റെ തീ​രു​മാ​നം അ​പ​മാ​ന​മാ​ണെ​ന്ന് ഞാ​യ​റാ​ഴ്ച രാ​ത്രി ഒ​രു ടി.​വി അ​ഭി​മു​ഖ​ത്തി​നി​ടെ മാ​ർ​പാ​പ്പ തു​റ​ന്ന​ടി​ച്ചു. ഈ ​തീ​രു​മാ​നം കാ​ര​ണം, ന​യാ​പൈ​സ​യി​ല്ലാ​തെ ഒ​രു​പാ​ട് പ്ര​ശ്ന​ങ്ങ​ളി​ൽ ന​ട്ടം​തി​രി​യു​ന്ന പാ​വ​ങ്ങ​ളെ കൂ​ടു​ത​ൽ ദ​രി​ദ്ര​നാ​​ക്കും. ഇ​തു​കൊ​ണ്ട് ഒ​രു നേ​ട്ട​വു​മി​ല്ല. ഇ​ത​ല്ല പ്ര​ശ്ന​ങ്ങ​ൾ പ​രി​ഹ​രി​ക്കാ​നു​ള്ള വ​ഴി. കാ​ര്യ​ങ്ങ​ൾ പ​രി​ഹ​രി​ക്കേ​ണ്ട​ത് ഇ​ങ്ങ​നെ​യ​ല്ലെ​ന്നും മാ​ർ​പാ​പ്പ പ​റ​ഞ്ഞു.

ഇ​താ​ദ്യ​മാ​യ​ല്ല, ട്രം​പി​ന്റെ കു​ടി​യേ​റ്റ​വി​രു​ദ്ധ ന​യ​ങ്ങ​ളെ മാ​ർ​പാ​പ്പ വി​മ​ർ​ശി​ക്കു​ന്ന​ത്. 2016ൽ ​ട്രം​പ് ആ​ദ്യ​മാ​യി പ്ര​സി​ഡ​ന്റ് തെ​ര​ഞ്ഞെ​ടു​പ്പി​ൽ മ​ത്സ​രി​ച്ച​പ്പോ​ൾ കു​ടി​യേ​റ്റം ത​ട​യാ​ൻ യു.​എ​സി​ന്റെ മെ​ക്സി​ക്ക​ൻ അ​തി​ർ​ത്തി​യി​ൽ കൂ​റ്റ​ൻ മ​തി​ൽ പ​ണി​യു​മെ​ന്ന് പ്ര​ഖ്യാ​പി​ച്ചി​രു​ന്നു. കു​ടി​യേ​റ്റ​ക്കാ​രെ ത​ട​യാ​ൻ മ​തി​ൽ കെ​ട്ടു​ന്ന​വ​ർ ക്രൈ​സ്ത​വ​ര​ല്ലെ​ന്നാ​യി​രു​ന്നു അ​ന്ന് മാ​ർ​പാ​പ്പ​യു​ടെ പ്ര​തി​ക​ര​ണം.

അ​തേ​സ​മ​യം, പ്ര​സി​ഡ​ന്റാ​യി അ​ധി​കാ​ര​മേ​ൽ​ക്കു​ന്ന ട്രം​പി​നെ അ​ഭി​ന​ന്ദി​ച്ച് തി​ങ്ക​ളാ​ഴ്ച മാ​ർ​പാ​പ്പ ഔ​ദ്യോ​ഗി​ക ടെ​ലി​ഗ്രാം സ​ന്ദേ​ശ​മ​യ​ച്ചു. എ​ല്ലാ​വ​രെ​യും സ്വീ​ക​രി​ക്കു​ന്ന അ​വ​സ​ര​ങ്ങ​ളു​ടെ നാ​ടാ​യി അ​മേ​രി​ക്ക നി​ല​നി​ൽ​ക്ക​ട്ടെ എ​ന്ന് പ്രാ​ർ​ഥി​ക്കു​ന്ന​താ​യി മാ​ർ​പാ​പ്പ പ​റ​ഞ്ഞു. നി​ങ്ങ​ളു​ടെ നേ​തൃ​ത്വ​ത്തി​ൽ അ​മേ​രി​ക്ക​ൻ ജ​ന​ത അ​ഭി​വൃ​ദ്ധി പ്രാ​പി​ക്കു​മെ​ന്നും വി​ദ്വേ​ഷ​ത്തി​നും വി​വേ​ച​ന​ത്തി​നും മാ​റ്റി​നി​ർ​ത്ത​ലി​നും ഇ​ട​മി​ല്ലാ​ത്ത സ​മൂ​ഹ​മാ​യി വ​ള​രു​മെ​ന്നു​മാ​ണ് പ്ര​തീ​ക്ഷ​യെ​ന്നും മാ​ർ​പാ​പ്പ പ​റ​ഞ്ഞു.