മകളുടെ ജീവൻ രക്ഷിക്കാൻ പേരമകൾക്ക്​​ ജന്മം നൽകി 53കാരി

​േഫ്ലാറിയാനോപൊളിസ്​: തെക്കൻ ബ്രസീലിയൻ സംസ്​ഥാനമായ സാന്ത കാറ്റാറിനയിലെ ​േഫ്ലാറിയാനോപൊളിസിൽ മകള​ുടെ ജീവൻ രക്ഷിക്കാൻ പേരകുഞ്ഞിന്​ ജന്മം നൽകി 53കാരി. 53കാരിയായ അധ്യാപികയാണ്​ മകൾ ഇൻഗ്രിഡി​െൻറ പെൺകുഞ്ഞിന്​ ജന്മം നൽകിയത്​.

ഗർഭം ധരിച്ചാൽ ജീവൻ അപകടത്തിലാകുമെന്ന്​ 29കാരിയോട്​ ഡോക്​ടർമാർ നിർദേശിച്ചതോടെയാണ്​ മകളുടെ കുഞ്ഞിനെ ഗർഭം ധരിക്കാൻ മാതാവ്​ തയാറായത്​. 2014ൽ ഇൻഗ്രിഡിന്​ ശ്വാസകോശ സംബന്ധമായ രോഗങ്ങളുണ്ടായിരുന്നു. തുടർന്ന്​ രക്തം കട്ടപിടിക്കുന്നതിനാൽ ഗർഭം ധരിച്ചാൽ ജീവൻ അപകടത്തിലാകുമെന്ന്​ ഡോക്​ടർമാർ നിർദേശിക്കുകയായിരുന്നു.

ഇതോടെ മകളുടെയും ഭർത്താവി​െൻറയും കുഞ്ഞ്​ വേണമെന്ന ആഗ്രഹം പൂർത്തീകരിക്കാൻ റോസിക്ലിയ​ ഐ.വി.എഫിലൂടെ മകളുടെ കുഞ്ഞിനെ ഗർഭം ധരിക്കുകയായിരുന്നു. അവൾ (മകൾ) ജനിച്ച അതേ വയറ്റിൽ​ തന്നെ അവളുടെ മകളും ജനിച്ചതെന്ന വ്യത്യാസം മാത്രമേ ഇവിടെയുള്ളൂവെന്ന്​ റോസിക്ലിയ പറഞ്ഞു.

ആഗസ്​റ്റ്​ 19നാണ്​ പേരമകൾ മരിയ ക്ലാരയു​െട ജനനം. പ്രസവത്തിന്​ മകൾ ഇൻഗ്രിഡും ഭർത്താവ്​ ഫാബി​യാനോ ചേവ്​സും സാക്ഷിയായിരുന്നു. 'ഒരു വലിയ സ്വപ്​നം സത്യമായി. ഇത്​ വാക്കുകളില്ലാത്ത സ്​നേഹമാണ്​. എല്ലാവരും പറയുന്നതുപോലെ ഒരു പിതാവാകുകയെന്നതും, പിതാവാകുന്ന നിമിഷവും വിവരിക്കാൻ കഴിയില്ല' -ഫാബി​യാനോ ചേവ്സ്​ പറഞ്ഞു.

ഐ.വി.എഫ്​ ചികിത്സക്കും മറ്റുമായി ഏക​േദശം 5000 പൗണ്ട്​ ചെലവായിരുന്നു. ഫേസ്​ മാസ്​ക്​ വിൽപ്പനയു​ൾപ്പെടെ നടത്തി പണം സ്വരൂപിച്ചായിരുന്നു ചികിത്സ. പ്രായമായതിനാൽ ആരോഗ്യത്തിന്​ ചിലപ്പോൾ അപകടം സംഭവി​ച്ചേക്കാമെന്ന്​ അറിഞ്ഞുകൊണ്ടും പൂർണമനസോടെ 53കാരി മകളുടെ ആഗ്രഹം സഫലമാക്കാൻ തയാറായതെന്ന്​ കുടുംബം പറയുന്നു. ​