മാറ്റത്തിനുള്ള സമയം; പഴയ വികസനമാതൃകയുമായി ഇനി മുന്നോട്ട്​ പോകാനാവില്ല -ഷീ ജിങ്​പിങ്​

ബെയ്​ജിങ്​: ആഗോളതലത്തിലെ കയറ്റുമതിയെ ആശ്രയിക്കുന്ന പഴയ വികസനമാതൃകയുമായി ഇനി മുന്നോട്ട്​ പോകാനാവില്ലെന്ന്​ ചൈനീസ്​ പ്രസിഡൻറ്​ ഷീ ജിങ്​പിങ്​. സ്വയം നിയന്ത്രണത്തിലുള്ളതും സുരക്ഷിതവും വിശ്വസ്​തവുമായ ആഭ്യന്തര ഉൽപാദന-വിതരണക്രമം വികസിപ്പിക്കണമെന്ന്​ ഷീ ജിങ്​പിങ്​ പറഞ്ഞു.

ചൈനീസ്​ കമ്യൂണിസ്​റ്റ്​ പാർട്ടിയുടെ പ്ലീനറി യോഗത്തിലാണ്​ ഷീ ജിങ്​പിങ്ങി​െൻറ പ്രസ്​താവന. 14ാമത്​ പഞ്ചവത്സര പദ്ധതി അവതരിപ്പിക്കു​കയായിരുന്നു ചൈനീസ്​ പ്രസിഡൻറ്​. ചൈനയുടെ ആഭ്യന്തര ഉപഭോഗം വർധിപ്പിച്ച്​ ഇപ്പോൾ തകർച്ചയെ അഭിമുഖീകരിക്കുന്ന കയറ്റുമതി പരമാവധി കുറക്കണമെന്ന്​ ഷീ ആവശ്യപ്പെട്ടു. ഇതിനായി വിഷൻ 2035 എന്ന പദ്ധതിയും ചൈനീസ്​ പ്രസിഡൻറ്​ പ്രഖ്യാപിച്ചു.

പഴയ മോഡലുമായി ഇനിയും മുന്നോട്ട്​ പോവാനാവില്ല. പുതിയ ഒരു വ്യവസായ വിതരണ ശൃഖല ആവശ്യമാണ്​. ഇറക്കുമതിക്ക്​ ബദലായുള്ള ഉൽപനങ്ങൾ ആഭ്യന്തര വിപണിയിൽനിന്ന്​ തന്നെ കണ്ടെത്തണം. ഘടനാപരമായ മാറ്റം സമ്പദ്​വ്യവസ്ഥയിൽ വേണമെന്നും ചൈനീസ്​ പ്രസിഡൻറ്​ ആവശ്യപ്പെട്ടു.