മൊൺസാ​േന്‍റാ ഉൽപന്നം മൂലം മസ്​തിഷ്​കക്ഷതം: മൂന്ന്​ സ്​കൂൾ അധ്യാപകർക്ക്​ കമ്പനി 1,375 കോടി നൽകണം

വാഷിങ്​ടൺ: ഫ്ലൂറസന്‍റ്​ ബൾബുകളിൽ കൂളന്‍റായി ചേർക്കുന്ന വസ്​തുവിന്‍റെ പാർശ്വഫലമായി മസ്​തിഷ്കത്തിന്​ കേടുപാട്​ പറ്റിയ മൂന്ന്​ അധ്യാപകർ നൽകിയ കേസിൽ കെമിക്കൽ ഭീമൻ മൊൺസാ​േന്‍റാ നഷ്​ടപരിഹാരമായി 18.5 കോടി ​(1,375 കോടി രൂപ) നൽകണമെന്ന്​ കോടതി വിധി. വാഷിങ്​ടണിലെ മൺറോയിലുള്ള സ്​കൈ വാലി എജുക്കേഷൻ സെന്‍റർ അധ്യാപകർ നൽകിയ കേസിലാണ്​ കിങ്​ കൗണ്ടി സുപീരിയർ കോടതി വൻതുക പിഴ വിധിച്ചത്​. സ്​കൂളിൽ സ്​ഥാപിച്ച ഫ്ലൂറസന്‍റ്​ ബൾബുകളിൽ അടങ്ങിയ പോളി​േക്ലാറിനേറ്റഡ്​ ബൈഫിനൈൽസ്​ (പി.സി.ബി) ആണ്​ തങ്ങളുടെ മസ്​തിഷ്​കത്തിന്​ ക്ഷതം വരുത്തിയതെന്നായിരുന്നു കണ്ടെത്തൽ. ​ഇതേ വിദ്യാലയത്തിൽ പഠനവും അധ്യാപനവും മറ്റുമായി സമയം ചെലവഴിച്ച അധ്യാപകരും രക്ഷിതാക്കളും വിദ്യാർഥികളും നൽകിയ 22 കേസുകളിൽ ആദ്യ വിധിയാണിത്​.

എന്നാൽ, വിധി അംഗീകരിക്കുന്നില്ലെന്നും അപ്പീൽ പോകുമെന്നും 2018ൽ മൊൺസാ​േന്‍റായെ സ്വന്തമാക്കിയ ബയേർ കമ്പനി വൃത്തങ്ങൾ പ്രതികരിച്ചു. 2019ൽ അസോസിയേറ്റഡ്​ പ്രസ്​ നടത്തിയ ​അന്വേഷണത്തിൽ ഇപ്പോഴും നിരവധി വിദ്യാലയങ്ങളിൽ പോളി​േക്ലാറിനേറ്റഡ്​ ബൈഫിനൈൽസ് അടങ്ങിയ ഫ്ലൂറസന്‍റ്​ ബൾബുകളുണ്ടെന്ന്​ കണ്ടെത്തിയിരുന്നു. ഇവ കാൻസറിനും മറ്റു ഗുരുതര രോഗങ്ങൾക്കും കാരണമാകുമെന്നാണ്​ കണ്ടെത്തൽ. ഇവ ഉപയോഗിച്ച്​ നിർമിച്ച സീലിങ്​ ടൈലുകൾ ഉൾപെടെ മറ്റു വസ്​തുക്കളും വിവിധ സ്​ഥാപനങ്ങളിൽ ഉപയോഗിച്ചിട്ടുണ്ട്​.

പോളി​േക്ലാറിനേറ്റഡ്​ ബൈഫിനൈൽസ് ആരോഗ്യപ്രശ്​നങ്ങളുണ്ടാക്കുന്നുവെന്ന്​ കണ്ട്​ 1979ൽ നിരോധിച്ചിരുന്നു. അതിനു ശേഷം ഉൽപാദിപ്പിച്ചിട്ടില്ലെന്നാണ്​ മൊൺസാ​േന്‍റായുടെ വാദം.

കമ്പനി ഉൽപാദിപ്പിച്ച റൗണ്ടപ്​ കീടനാശിനിയുടെ പേരിലും ലക്ഷത്തിലേറെ കേസുകൾ കോടതികളിൽ പുരോഗമിക്കുകയാണ്​. ഈ കേസുകളിൽ മാത്രം 1000 കോടി ഡോളർ നഷ്​ടപരിഹാരമായി നൽകുമെന്ന്​ ബയേർ അറിയിച്ചിട്ടുണ്ട്​.