സുപ്രീംകോടതി ജസ്​റ്റിസ്​ നിയമനം; ട്രംപിനെതിരെ വനിതകളുടെ വൻ പ്രതിഷേധം

വാഷിങ്​ടൺ: സുപ്രീംകോടതി ജസ്​റ്റിസ്​ നിയമനവുമായി ബന്ധപ്പെട്ട്​ യു.എസ്​ ​പ്രസിഡൻറ്​ ഡോണൾഡ്​ ട്രംപിനെതിരെ വനിതകളുടെ വൻ പ്രതിഷേധം. യു.എസ്​ തലസ്ഥാനമായ വാഷിങ്​ടണിലാണ്​ ആയിരക്കണക്കിന്​ വനിതകൾ അണിനിരന്ന പ്രതിഷേധമുണ്ടായത്​. നവംബർ മൂന്നിന്​ നടക്കുന്ന പ്രസിഡൻറ്​ തെരഞ്ഞെടുപ്പിൽ ട്രംപിനെ തോൽപ്പിക്കണമെന്നും പ്രതിഷേധക്കാർ ആവശ്യപ്പെട്ടു.

2017ന്​ ശേഷം ഇതാദ്യമായാണ്​ ട്രംപിനെതിരെ ഇത്രയും വലിയ പ്രതിഷേധമുണ്ടാവുന്നത്​. അമേരിക്കയിലെ ഏറ്റവും വലിയ രാഷ്​ട്രീയ ശക്​തിയാണ്​ വനിതകളെന്ന്​ പ്രതിഷേധക്കാർ പറഞ്ഞു. ട്രംപിനെന്നല്ല ഒന്നിനും ഞങ്ങളെ തടയാനാവില്ലെന്നും​ പ്രതിഷേധക്കാർ വ്യക്​തമാക്കി. വനിത മുന്നേറ്റങ്ങളുടെ മുൻനിരയിൽ നിന്ന്​ പ്രവർത്തിക്കുന്ന സുപ്രീംകോടതി ജസ്​റ്റിസ്​ റുത്ത്​ ബാഡർ ജിൻസ്​ബർഗിന്​ പകരണം കൺസർവേറ്റീവ്​ ജഡ്​ജ്​ ആമി കോണി​ ബാരറ്റിനെ നിയമിക്കാനുള്ളള പ്രസിഡൻറ്​ ട്രംപി​െൻറ തീരുമാനമാണ്​ പ്രതിഷേധങ്ങൾക്കുള്ള പ്രധാനകാരണം.

ഒക്​ടോബർ 22ന്​ നടക്കുന്ന ജുഡീഷ്യറി കമ്മിറ്റി യോഗത്തിൽ ബാരറ്റി​െൻറ നിയമനത്തിൽ തീരുമാനമുണ്ടാകും. നവംബർ മൂന്നിനാണ്​ യു.എസിൽ പ്രസിഡൻറ്​ തെരഞ്ഞെടുപ്പ്​ നടക്കുന്നത്​.