അറൂറിക്ക് വിട; വിലാപയാത്രയിൽ സ്ത്രീകൾ ഉൾപ്പെടെ ആയിരങ്ങൾ

ബൈ​റൂ​ത്: ല​ബ​നാ​നി​ൽ കൊ​ല്ല​പ്പെ​ട്ട ഹ​മാ​സ് നേ​താ​വ് സാ​ലി​ഹ് അ​ൽ അ​റൂ​റി​ക്ക് ആ​യി​ര​ങ്ങ​ൾ വി​ട​ന​ൽ​കി. വി​ലാ​പ​യാ​ത്ര​യി​ലും ല​ബ​നാ​നി​ലെ ഷാ​തി​ല അ​ഭ​യാ​ർ​ഥി ക്യാ​മ്പി​ന് പു​റ​ത്തെ ഖ​ബ​ർ​സ്ഥാ​നി​ൽ ന​ട​ന്ന സം​സ്കാ​ര​ത്തി​ലും നി​ര​വ​ധി പേ​രാ​ണ് പ​ങ്കു​കൊ​ണ്ട​ത്. ഫ​ല​സ്തീ​ന്റെ​യും ഹ​മാ​സി​ന്റെ​യും പ​താ​ക​യേ​ന്തി വ​നി​ത​ക​ൾ ഉ​ൾ​പ്പെ​ടെ മു​ദ്രാ​വാ​ക്യം മു​ഴ​ക്കി. വ​ഴി​യ​രി​കി​ലും ആ​യി​ര​ങ്ങ​ൾ നി​ല​യു​റ​പ്പി​ച്ചി​രു​ന്നു.

അതിനിടെ ഇ​സ്രാ​യേ​ൽ ആ​ക്ര​മ​ണ​ത്തി​ൽ ഗ​സ്സ​യി​ൽ 24 മ​ണി​ക്കൂ​റി​നി​ടെ 125 മ​ര​ണം. 318​ പേ​ർ​ക്ക് പ​രി​ക്കേ​റ്റു. ഇ​തോ​ടെ മൊ​ത്തം മ​ര​ണം 22,438 ആ​യ​താ​യി ഗ​സ്സ ആ​രോ​ഗ്യ​മ​ന്ത്രാ​ല​യം അ​റി​യി​ച്ചു. 57,614 പേ​ർ​ക്ക് പ​രി​ക്കു​ണ്ട്. വെ​സ്റ്റ്ബാ​ങ്കി​ലെ നൂ​ർ ശം​സ് അ​ഭ​യാ​ർ​ഥി ക്യാ​മ്പി​ൽ ന​ട​ത്തി​യ പ​രി​ശോ​ധ​ന​യി​ൽ 120 പേ​രെ ഇ​​സ്രാ​യേ​ൽ സേ​ന അ​റ​സ്റ്റ് ചെ​യ്തു. മൂ​ന്ന് വീ​ടു​ക​ൾ ത​ക​ർ​ത്തു.