കിഴക്കിൽ കേന്ദ്രീകരിച്ച് റഷ്യ, ഡോൺബാസ് വിട്ട് ആയിരങ്ങൾ

കി​യ​വ്: യു​ക്രെ​യ്നി​ലെ ഡോ​ൺ​ബാ​സി​ൽ നി​ന്ന് ആ​യി​ര​ക്ക​ണ​ക്കി​ന് ആ​ളു​ക​ൾ പ​ലാ​യ​നം ചെ​യ്യു​ന്ന​താ​യി റി​പ്പോ​ർ​ട്ടു​ക​ൾ. ത​ല​സ്ഥാ​ന​മാ​യ കി​യ​വി​ൽ​നി​ന്ന് പി​ന്മാ​റി​യ റ​ഷ്യ രാ​ജ്യ​ത്തി​ന്റെ കി​ഴ​ക്ക​ൻ മേ​ഖ​ല​യി​ൽ ആ​ക്ര​മ​ണം ക​ടു​പ്പി​ച്ച​തോ​ടെ​യാ​ണി​ത്. കു​ടും​ബ​ങ്ങ​ൾ ദി​വ​സ​ങ്ങ​ളാ​യി ക്രാ​മാ​റ്റോ​ർ​സ്ക് സെ​ൻ​ട്ര​ൽ സ്റ്റേ​ഷ​നി​ൽ ക്യൂ​വി​ലാ​ണ്. വീ​ടു​വി​ട്ടോ​ടു​ന്ന​വ​ർ പ്രി​യ​പ്പെ​ട്ട​വ​രോ​ട് വി​ട​പ​റ​യു​ന്ന കാ​ഴ്ച​യും ഹൃ​ദ​യ​ഭേ​ദ​ക​മാ​ണ്.

യു​ക്രെ​യ്നി​ന്റെ കി​ഴ​ക്ക​ൻ മേ​ഖ​ല​യാ​യ ലു​ഹാ​ൻ​സ്കി​ലെ റൂ​ബി​ഷ്നെ ന​ഗ​ര​ത്തി​ന്റെ 60 ശ​ത​മാ​ന​വും റ​ഷ്യ​ൻ സൈ​ന്യം പി​ടി​ച്ചെ​ടു​ത്ത​താ​യി ഗ​വ​ർ​ണ​ർ അ​റി​യി​ച്ചു. 24 മ​ണി​ക്കൂ​റി​നി​ടെ 81 മോ​ർ​ട്ടാ​ർ, പീ​ര​ങ്കി​ക​ൾ, റോ​ക്ക​റ്റ് ആ​ക്ര​മ​ണ​ങ്ങ​ൾ പ്ര​ദേ​ശ​ത്തു​ട​നീ​ളം റ​ഷ്യ ന​ട​ത്തി​യ​താ​യി ഗ​വ​ർ​ണ​ർ സെ​ർ​ഹി ​ഹൈ​ദാ​യി പ​റ​ഞ്ഞു. വു​ഹ്ലെ​ദാ​ർ പ​ട്ട​ണ​ത്തി​ലെ മ​നു​ഷ്യ സ​ഹാ​യ വി​ത​ര​ണ കേ​ന്ദ്ര​ത്തി​ൽ റ​ഷ്യ​ൻ പീ​ര​ങ്കി ആ​ക്ര​മ​ണ​ത്തി​ൽ ര​ണ്ട് സി​വി​ലി​യ​ന്മാ​ർ കൊ​ല്ല​പ്പെ​ടു​ക​യും അ​ഞ്ച് പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്ത​താ​യി ഡൊ​ണെ​റ്റ്സ്കി​ലെ ഗ​വ​ർ​ണ​ർ പാ​വ്‌​ലോ കൈ​റി​ലെ​ങ്കോ പ​റ​ഞ്ഞു. .

മ​രി​യു​പോ​ളി​ൽ കു​ടു​ങ്ങി​ക്കി​ട​ക്കു​ന്ന സാ​ധാ​ര​ണ​ക്കാ​രെ​യ​ട​ക്കം 11 മാ​നു​ഷി​ക ഇ​ട​നാ​ഴി​ക​ളി​ലൂ​ടെ ഒ​ഴി​പ്പി​ക്കാ​ൻ ശ്ര​മി​ക്കു​മെ​ന്ന് ഉ​പ​പ്ര​ധാ​ന​മ​ന്ത്രി ഐ​റി​ന വെ​രേ​ഷ്ചു​ക്ക് പ​റ​ഞ്ഞു. ലു​ഹാ​ൻ​സ്ക് മേ​ഖ​ല​യി​ൽ നി​ന്ന് 1,080 പേ​ർ ഉ​ൾ​പ്പെ​ടെ 3,846 പേ​രെ ചൊ​വ്വാ​ഴ്ച ഒ​ഴി​പ്പി​ച്ച​താ​യി ഐ​റി​ന അറിയിച്ചു. ആ​ളു​ക​ളെ ഒ​ഴി​പ്പി​ക്കാ​ൻ ബ​സു​ക​ൾ എ​ത്തി​ക്കാ​നു​ള്ള ശ്ര​മ​ങ്ങ​ൾ ആ​വ​ർ​ത്തി​ച്ച് പ​രാ​ജ​യ​പ്പെ​ട്ടി​രു​ന്നു.

അ​തി​നി​ടെ ഹോ​സ്‌​റ്റോ​മെ​ൽ പ​ട്ട​ണ​ത്തി​ൽ​നി​ന്ന് 400ല​ധി​കം പേ​രെ കാ​ണാ​താ​യ​താ​യി യു​ക്രെ​യ്ൻ ഉ​ദ്യോ​ഗ​സ്ഥ​ർ പ​റ​യു​ന്നു.

12 റ​ഷ്യ​ൻ ന​യ​ത​ന്ത്ര​ജ്ഞ​രോ​ട് രാ​ജ്യം വി​ടാ​ൻ ആ​വ​ശ്യ​​​പ്പെ​ട്ട​താ​യി ഗ്രീ​സ് വി​ദേ​ശ​കാ​ര്യ മ​ന്ത്രാ​ല​യം അ​റി​യി​ച്ചു.

കൂ​ട്ട​ക്കൊ​ല​യെ അ​പ​ല​പി​ച്ച ഫ്രാ​ൻ​സി​സ് മാ​ർ​പാ​പ്പ ബുച്ച പ​ട്ട​ണ​ത്തി​ൽ​നി​ന്ന് അ​യ​ച്ച യു​ക്രെ​യ്ൻ പ​താ​ക​യി​ൽ ചും​ബി​ച്ചു. ആ​ശ്വാ​സ​ത്തി​നും പ്ര​തീ​ക്ഷ​ക്കും പ​ക​രം യു​ക്രെ​യ്നി​ൽ​നി​ന്ന് ക്രൂ​ര​ത​ക​ളു​ടെ വാ​ർ​ത്ത​ക​ളാ​ണ് അ​ടു​ത്തി​ടെ​യാ​യി പു​റ​ത്തു​വ​രു​ന്ന​തെ​ന്ന് വ​ത്തി​ക്കാ​നി​ലെ ഓ​ഡി​റ്റോ​റി​യ​ത്തി​ൽ ത​ന്റെ പ്ര​തി​വാ​ര സ​ദ​സ്സി​ന്റെ അ​വ​സാ​നം മാ​ർ​പാ​പ്പ പ​റ​ഞ്ഞു. 'ഈ ​യു​ദ്ധം നി​ർ​ത്തൂ, ആ​യു​ധ​ങ്ങ​ൾ നി​ശ്ശ​ബ്ദ​മാ​ക​ട്ടെ' അ​ദ്ദേ​ഹം ആ​ഹ്വാ​നം ചെ​യ്തു.