ഇ​സ്രാ​യേ​ലിന്റേത് വംശഹത്യ; ഉടൻ നിർത്തണം -കൊളംബിയ

ഗ​സ്സ: ഇ​സ്രാ​യേ​ലി​ന്റെ കൂ​ട്ട​ക്കു​രു​തി വം​ശ​ഹ​ത്യ​യാ​ണെ​ന്നും ഉ​ട​ൻ നി​ർ​ത്ത​ണ​മെ​ന്നും കൊ​ളം​ബി​യ​ൻ പ്ര​സി​ഡ​ന്റ് ഗു​സ്താ​വോ പെ​ട്രോ. ജ​ബ​ലി​യ അ​ഭ​യാ​ർ​ഥി ക്യാ​മ്പ് ആ​ക്ര​മ​ണ​ദൃ​ശ്യ​ത്തോ​ടൊ​പ്പം ‘എ​ക്സ്’ കു​റി​പ്പി​ലാ​ണ് അ​ദ്ദേ​ഹം ഈ ​ആ​വ​ശ്യ​മു​ന്ന​യി​ച്ച​ത്. ഫ​ല​സ്തീ​ൻ ജ​ന​ത​യെ ഗ​സ്സ മു​ന​മ്പി​ൽ​നി​ന്ന് തു​ട​ച്ചു​നീ​ക്കാ​നാ​ണ് ഇ​സ്രാ​യേ​ൽ ശ്ര​മ​മെ​ന്ന് ആ​രോ​പി​ച്ച അ​ദ്ദേ​ഹം ഇ​ത് മ​നു​ഷ്യ​ത്വ​ത്തി​നെ​തി​രാ​യ കു​റ്റ​കൃ​ത്യ​മാ​ണെ​ന്നും ആ​ഞ്ഞ​ടി​ച്ചു.

ഇ​സ്രാ​യേ​ൽ അ​ന്താ​രാ​ഷ്ട്ര നി​യ​മ​ങ്ങ​ൾ ലം​ഘി​ക്കു​ന്ന​ത് അ​സ്വീ​കാ​ര്യ​മാ​ണെ​ന്ന് ചി​ലി പ്ര​സി​ഡ​ന്റ് ഗ​ബ്രി​യേ​ൽ ബോ​റി​ക് പ​റ​ഞ്ഞു. നി​ര​പ​രാ​ധി​ക​ളാ​യ കു​ഞ്ഞു​ങ്ങ​ളെ​യ​ട​ക്കം കൊ​ന്നൊ​ടു​ക്കു​ന്ന​ത് ക്രൂ​ര​ത​യാ​ണെ​ന്ന് ബ്ര​സീ​ൽ പ്ര​സി​ഡ​ന്റ് ലു​ല ഡാ ​സി​ൽ​വ ‘എ​ക്സി’​ൽ കു​റി​ച്ചു. അ​ർ​ജ​ന്റീ​ന, പെ​റു, മെ​ക്സി​കോ എ​ന്നീ രാ​ജ്യ​ങ്ങ​ളും അ​ഭ​യാ​ർ​ഥി ക്യാ​മ്പ് ആ​ക്ര​മ​ണ​ത്തെ അ​പ​ല​പി​ച്ചു. ഇ​സ്രാ​യേ​ലി​ന്റെ വം​ശ​ഹ​ത്യ ത​ട​യാ​ൻ ന​ട​പ​ടി​യെ​ടു​ക്കാ​ത്ത ഐ​ക്യ​രാ​ഷ്ട്ര​സ​ഭ നി​ല​പാ​ടി​നെ യു.​എ​ൻ മ​നു​ഷ്യാ​വ​കാ​ശ ഏ​ജ​ൻ​സി ഉ​ദ്യോ​ഗ​സ്ഥ​നും അ​മേ​രി​ക്ക​ൻ അ​ഭി​ഭാ​ഷ​ക​നു​മാ​യ ക്രെ​യ്ഗ് മോ​ഖി​ബ​ർ വി​മ​ർ​ശി​ച്ചു. അ​റ​ബ് വം​ശ​ജ​രോ​ടു​ള്ള കാ​ല​ങ്ങ​ളാ​യു​ള്ള വി​രോ​ധ​മാ​ണ് യു.​എ​ൻ നി​ല​പാ​ടി​ന് കാ​ര​ണ​മെ​ന്ന് കു​റ്റ​പ്പെ​ടു​ത്തി​യ അ​ദ്ദേ​ഹം ജോ​ലി ഉ​പേ​ക്ഷി​ക്കു​ക​യാ​ണെ​ന്നും പ്ര​ഖ്യാ​പി​ച്ചു.

ഗ​സ്സ​ക്കാ​രു​ടെ ദു​രി​ത​ത്തി​ന് അ​മേ​രി​ക്ക​യും ​ബ്രി​ട്ട​നും യൂ​റോ​പ്പും കാ​ര​ണ​ക്കാ​രാ​ണെ​ന്ന് അ​ഭി​പ്രാ​യ​പ്പെ​ട്ട അ​ദ്ദേ​ഹം ദ്വി​രാ​ഷ്ട്ര ഫോ​ർ​മു​ല പ്ര​ശ്ന​പ​രി​ഹാ​ര​ത്തി​ന് ഉ​ചി​ത​മ​ല്ലെ​ന്നും നി​ർ​ദേ​ശി​ച്ചു. ഇ​സ്രാ​യേ​ൽ രാ​ജ്യ​ത്തി​ന് പ​ക​രം ക്രി​സ്ത്യ​ൻ, മു​സ്‍ലിം, ജൂ​ത വി​ഭാ​ഗ​ങ്ങ​ൾ​ക്ക് തു​ല്യ​പ​രി​ഗ​ണ​ന ല​ഭി​ക്കു​ന്ന ജ​നാ​ധി​പ​ത്യ, മ​തേ​ത​ര വി​ശാ​ല ഫ​ല​സ്തീ​ൻ രാ​ജ്യ​മാ​ണ് രൂ​പ​വ​ത്ക​രി​ക്കേ​ണ്ട​തെ​ന്നും അ​ദ്ദേ​ഹം പ​റ​ഞ്ഞു.