വാക്​സിനേഷൻ പ്രോത്സാഹിപ്പിക്കാൻ ലോട്ടറിയുമായി ഈ യൂറോപ്യൻ രാജ്യം; ദശലക്ഷങ്ങൾ സമ്മാനം

വാർസോ: വാക്​സിനേഷൻ ​േപ്രാത്സാഹിപ്പിക്കാൻ ഒരു ലക്ഷം പോളിഷ്​ സ്ലോട്ടി ( ഏകദേശം 1.98 ​കോടി രൂപ) സമ്മാനത്തുകയുള്ള ലോട്ടറി അവതരിപ്പിക്കാൻ ഒരുങ്ങുകയാണ്​ പോളണ്ട്​. കോവിഡ്​ പ്രതിരോധ ചുമതലയുള്ള മന്ത്രി മൈക്കൽ ഡൗർസിക്കാണ്​ ചൊവ്വാ​​ഴ്​ച ഇക്കാര്യം അറിയിച്ചത്​.

69 ശതമാനം പോളണ്ടുകാര​ും വാക്​സിൻ എടുക്കാൻ സമ്മതമാണെന്ന്​ അറിയിച്ചിട്ടുണ്ടെങ്കിലും ഇത്​ ഉറപ്പുവരുത്താനാണ്​ സർക്കാർ ഇത്തരമൊരു നീക്കം​. സർക്കാർ സ്​ഥാപനങ്ങളുടെയും ലോട്ടറി ഓപറേറ്റർമാരായ ടോട്ടലിസേറ്റർ സപോർടേവേിയുടെയും സഹകരണത്തോടെയാണ്​ പദ്ധതി നടപ്പാക്കുക.

ലോട്ടറിയിൽ പങ്കെടുക്കുന്നവരുടെ എണ്ണം 2,000 തികക്കുന്ന ഓരോ വ്യക്തിക്കും 500 സ്ലോട്ടികൾ ലഭിക്കും. രണ്ട് ഭാഗ്യാലികൾക്ക്​ ഒരു ദശലക്ഷം സ്ലോട്ടികളും ഒരു ഹൈബ്രിഡ് കാറും നേടാനാകും. ഏറ്റവും ഉയർന്ന വാക്​സിനേഷൻ​ നിരക്ക് നേടുന്ന മുനിസിപ്പാലിറ്റികളെയും പ്രോത്സാഹിപ്പിക്കും, ആദ്യ 500 പേർക്ക് 75% എന്ന നിരക്കിൽ 100,000 സ്ലോട്ടികൾ നൽകും.

രാജ്യത്ത്​ 2020 ലെ പ്രസിഡൻറ്​ തെരഞ്ഞെടുപ്പിൽ ഉയർന്ന പോളിങ്​ രേഖപ്പെടുത്തിയ മുനിസിപ്പാലിറ്റികൾക്ക് ഫയർ എഞ്ചിനുകൾ വാഗ്ദാനം ചെയ്​തിരുന്നു.