ക്വാറന്‍റീനില്ലാതെ സെംപ്​റ്റംബർ മുതൽ സഞ്ചാരികളെ സ്വീകരിക്കാനൊരുങ്ങി ഈ രാജ്യം

സിംഗപ്പൂർ: കോവിഡ്​ ലോക്​ഡൗണിൽ കൂടുതൽ ഇളവുകൾ അനുവദിക്കാനൊരുങ്ങി സിംഗപ്പൂർ. സെപ്​റ്റംബർ മുതൽ ക്വാറന്‍റീൻ മാനദണ്ഡങ്ങളില്ലാതെ യാത്രക്കാരെ രാജ്യത്തേക്ക്​ അനുവദിക്കും.

ഒരു വർഷത്തോളമായി കർശന നിയന്ത്രണങ്ങളുടെ പിടിയിലായിരുന്നു രാജ്യം. ആദ്യമായാണ്​ കൂടുതൽ ഇളവു​കളോടെ അതിർത്തികൾ മറ്റു രാജ്യങ്ങൾക്കായി സിംഗപ്പൂർ തുറന്നു നൽകുന്നത്​.

സെപ്​റ്റംബറോടെ രാജ്യത്തെ 80 ശതമാനം ജനങ്ങൾക്ക്​ വാക്​സിൻ നൽകാ​നാക​ുമെന്നാണ്​ പ്രതീക്ഷയെന്ന്​ ധനകാര്യ മന്ത്രി ​േലാറൻസ്​ വോങ്​ പാർലമെന്‍റിൽ അറിയിച്ചു.

വാക്​സിനെടുത്തവരുടെ നിരക്ക്​ ഉയരുന്നതോടെ രാജ്യത്ത്​ കൂടുതൽ ഇളവുകൾ പ്രഖ്യാപിച്ചേക്കും. വാക്​സിൻ സ്വീകരിച്ചവർക്ക്​ വലിയ പരിപാടികളിൽ പ​ങ്കെടുക്കാൻ അവസരം നൽകും.