പശ്ചിമേഷ്യയിൽ യുദ്ധം പടരാതിരിക്കാൻ സമ്മർദവുമായി ലോകം

ല​ണ്ട​ൻ: ഡ​മ​സ്ക​സി​ൽ എം​ബ​സി കെ​ട്ടി​ടം ആ​ക്ര​മി​ച്ച​തി​ന് ഇ​സ്രാ​യേ​ലി​ൽ ഡ്രോ​ണു​ക​ളും മി​സൈ​ലു​ക​ളു​മ​യ​ച്ച് ഇ​റാ​ൻ ​പ​ക​രം വീ​ട്ടി​യ​തി​നു പി​റ​കെ പ​ശ്ചി​മേ​ഷ്യ​ക്കു മേ​ൽ ഉ​രു​ണ്ടു​കൂ​ടി​യ യു​ദ്ധ​മേ​ഖ​ങ്ങ​ൾ ഒ​ഴി​വാ​ക്കാ​ൻ വ​ൻ​ശ​ക്തി​ക​ൾ. ഗ​സ്സ​യി​ലെ വം​ശ​ഹ​ത്യ​ക്കെ​തി​രാ​യ ആ​ഗോ​ള സ​മ്മ​ർ​ദം ശ​ക്ത​മാ​യി നി​ല​നി​ൽ​ക്കു​ന്ന ഘ​ട്ട​ത്തി​ൽ ആ​ക്ര​മ​ണം ഇ​റാ​നെ​തി​രെ​യാ​കു​മ്പോ​ൾ യു.​എ​സും ബ്രി​ട്ട​നു​മ​ട​ക്കം നേ​രി​ട്ട് പ​ങ്കാ​ളി​യാ​കു​മെ​ന്ന പ്ര​തീ​ക്ഷ​യി​ലാ​ണ് ഇ​സ്രാ​യേ​ൽ. ഇ​ത് ക​ണ​ക്കി​ലെ​ടു​ത്ത് ഉ​ട​ൻ തി​രി​ച്ച​ടി​ക്കു​ന്ന​ത് ആ​ലോ​ചി​ക്കാ​ൻ പ​ല​വ​ട്ടം ഇ​സ്രാ​യേ​ൽ യു​ദ്ധ മ​ന്ത്രി​സ​ഭ യോ​ഗം ചേ​ർ​ന്നു.

എ​ന്നാ​ൽ, ഗ​സ്സ​യി​ൽ​നി​ന്ന് ഇ​റാ​നി​ലേ​ക്ക് യു​ദ്ധം വ്യാ​പി​ക്കു​മ്പോ​ൾ കാ​ര്യ​ങ്ങ​ൾ കൈ​വി​ടു​മെ​ന്ന് വ​ൻ​ശ​ക്തി രാ​ജ്യ​ങ്ങ​ൾ ഭ​യ​ക്കു​ന്നു. ആ​ക്ര​മ​ണ​ത്തി​ന് കൂ​ടെ​യു​ണ്ടാ​കി​ല്ലെ​ന്ന് വ്യ​ക്ത​മാ​ക്കി​യ യു.​എ​സ് ഇ​സ്രാ​യേ​ലി​നു മേ​ൽ സ​മ്മ​ർ​ദ​വു​മാ​യി രം​ഗ​ത്തു​ണ്ട്. ഇ​സ്രാ​യേ​ലി​നൊ​പ്പം യു.​എ​സും ബ്രി​ട്ട​നും ഫ്രാ​ൻ​സു​മ​ട​ക്കം ചേ​ർ​ന്നാ​യി​രു​ന്നു ഇ​റാ​നി​ൽ​നി​ന്നു​ള്ള 300ഓ​ളം ഡ്രോ​ണു​ക​ളും മി​സൈ​ലു​ക​ളും നി​ർ​വീ​ര്യ​മാ​ക്കി​യ​ത്. ഒ​ന്നെ​ങ്കി​ലും ജ​ന​വാ​സ കേ​ന്ദ്ര​ത്തി​ൽ വീ​ണ് കൂ​ടു​ത​ൽ പേ​ർ മ​രി​ച്ചാ​ൽ സ്ഥി​തി ഗു​രു​ത​ര​മാ​കു​മാ​യി​രു​ന്നു.

ബ്ര​സ​ൽ​സി​ൽ യോ​ഗം ചേ​ർ​ന്ന് യൂ​റോ​പ്യ​ൻ യൂ​നി​യ​ൻ വി​ദേ​ശ​കാ​ര്യ കൗ​ൺ​സി​ൽ സം​ഘ​ർ​ഷം ല​ഘൂ​ക​രി​ക്കാ​ൻ വേ​ണ്ട​തു ചെ​യ്യാ​ൻ തീ​രു​മാ​ന​മെ​ടു​ത്തി​ട്ടു​ണ്ട്. ക​ഴി​ഞ്ഞ ദി​വ​സം യു.​എ​സ് വി​ദേ​ശ​കാ​ര്യ സെ​ക്ര​ട്ട​റി ലോ​യ്ഡ് ജോ​ർ​ജ് ഇ​സ്രാ​യേ​ലി​ൽ പ്ര​തി​രോ​ധ മ​ന്ത്രി യൊ​ആ​വ് ഗാ​ല​ന്റി​നെ ക​ണ്ട് കൂ​ടു​ത​ൽ തി​രി​ച്ച​ടി​യി​ല്ലാ​തെ രം​ഗം ത​ണു​പ്പി​ക്കാ​ൻ ആ​വ​ശ്യ​പ്പെ​ട്ടി​ട്ടു​ണ്ട്.

അ​തേ​സ​മ​യം, ഏ​തു​ത​രം തി​രി​ച്ച​ടി​യും അ​തി​ഗു​രു​ത​ര പ്ര​ത്യാ​ഘാ​തം വി​ളി​ച്ചു​വ​രു​ത്തു​മെ​ന്നാ​ണ് ഇ​റാ​ന്റെ മു​ന്ന​റി​യി​പ്പ്. ഇ​ത് ക​ണ​ക്കി​ലെ​ടു​ത്ത് ജ​പ്പാ​ൻ വി​ദേ​ശ​കാ​ര്യ മ​ന്ത്രി യോ​കോ കാ​മി​കാ​വ, ചൈ​നീ​സ് മ​ന്ത്രി വാ​ങ് യി ​എ​ന്നി​വ​ർ ഇ​റാ​ൻ മ​ന്ത്രി​യെ വി​ളി​ച്ച് സ​മാ​ധാ​നം പാ​ലി​ക്കാ​ൻ ആ​വ​ശ്യ​പ്പെ​ട്ടു.

അ​തി​നി​ടെ, ഗ​സ്സ​യി​ൽ ഇ​സ്രാ​യേ​ൽ കു​രു​തി തു​ട​രു​ക​യാ​ണ്. 24 മ​ണി​ക്കൂ​റി​നി​ടെ 46 പേ​ർ കൂ​ടി കൊ​ല്ല​പ്പെ​ട്ട​തോ​ടെ മ​ര​ണ​സം​ഖ്യ 33,843 ആ​യി. പ​രി​ക്കേ​റ്റ​വ​ർ 76,575ഉം. ​വെ​സ്റ്റ് ബാ​ങ്കി​ൽ ഇ​സ്രാ​യേ​ലി കു​ടി​യേ​റ്റ​ക്കാ​ർ ന​ട​ത്തി​​യ വെ​ടി​വെ​പ്പി​ൽ ര​ണ്ടു ഫ​ല​സ്തീ​നി​ക​ൾ കൊ​ല്ല​പ്പെ​ട്ടി​രു​ന്നു.

നഗരങ്ങൾ നിശ്ചലമാക്കി ഗസ്സ പ്രതി​ഷേധം

വാ​ഷി​ങ്ട​ൺ: ക​ഴി​ഞ്ഞ ദി​വ​സം യു.​എ​സി​ലെ വി​വി​ധ ന​ഗ​ര​ങ്ങ​ളി​ൽ ഫ​ല​സ്തീ​ൻ അ​നു​കൂ​ല മു​​ദ്രാ​വാ​ക്യ​ങ്ങ​ളു​മാ​യി റോ​ഡു​ക​ൾ ഉ​പ​രോ​ധി​ച്ച് പ്ര​തി​ഷേ​ധം. ഗ​സ്സ​യി​ൽ വെ​ടി​നി​ർ​ത്ത​ലി​ന് രാ​ജ്യാ​ന്ത​ര സ​മ്മ​ർ​ദം ശ​ക്ത​മാ​ക്കാ​ൻ ല​ക്ഷ്യ​മി​ട്ട് ന​ട​ത്തി​യ സ​മ​ര​ത്തി​ലാ​ണ് പ്ര​ധാ​ന ന​ഗ​ര​ങ്ങ​ളി​ൽ മ​ണി​ക്കൂ​റു​ക​ളോ​ളം സു​പ്ര​ധാ​ന നി​ര​ത്തു​ക​ൾ നി​ശ്ച​ല​മാ​യ​ത്. യു.​എ​സി​ൽ കാ​ലി​ഫോ​ർ​ണി​യ, ഷി​കാ​ഗോ, സാ​ൻ അ​ന്റോ​ണി​യോ, ഫി​ല​ഡെ​ൽ​ഫി​യ, മി​ഡി​ൽ​ടൗ​ൺ തു​ട​ങ്ങി​യ ന​ഗ​ര​ങ്ങ​ളി​ൽ വ​ൻ പ്ര​തി​ഷേ​ധ​ങ്ങ​ൾ ന​ട​ന്ന​പ്പോ​ൾ ലോ​ക​ത്തി​ന്റെ മ​റ്റു ഭാ​ഗ​ങ്ങ​ളി​ൽ ബെ​ൽ​ഫാ​സ്റ്റ്, സി​ഡ്നി, ബാ​ഴ്സ​ലോ​ണ എ​ന്നി​വി​ട​ങ്ങ​ളി​ലും വെ​ടി​നി​ർ​ത്ത​ൽ ആ​വ​ശ്യ​പ്പെ​ട്ട് ജ​നം നി​ര​ത്തു​ക​ളി​ലി​റ​ങ്ങി.