യു.എസ് സ്പീക്കർ തായ്‍വാൻ പ്രസിഡന്‍റുമായി കൂടിക്കാഴ്ച നടത്തും

വാഷിങ്ടൺ: ചൈനയുടെ ഭീഷണി അവഗണിച്ച് ഈ ആഴ്ച തായ്‍വാൻ പ്രസിഡന്റുമായി കൂടിക്കാഴ്ച നടത്തുമെന്ന് യു.എസ് ഹൗസ് സ്പീക്കർ കെവിൻ മക്കാർത്തി പറഞ്ഞു. മധ്യ അമേരിക്കയിലെ തായ്‍വാൻ അനുകൂല രാജ്യങ്ങൾ സന്ദർശിച്ച് മടങ്ങുന്ന പ്രസിഡന്റ് ത്സായ് ഇങ് വെൻ ബുധനാഴ്ചയാണ് അമേരിക്കയിൽ എത്തുന്നത്.

കഴിഞ്ഞ വർഷം മുൻ സ്പീക്കർ നാൻസി പെലോസി നടത്തിയ തായ്‍വാൻ സന്ദർശനം ചൈനയെ പ്രകോപിപ്പിച്ചിരുന്നു. തായ്‍വാന് ചുറ്റും സൈനികാഭ്യാസം നടത്തിയാണ് ചൈന ഇതിനോട് പ്രതികരിച്ചത്.