'എ​െൻറ നാലു പൊന്നോമന മക്കളാണ്​ ഈ മരിച്ചു കിടക്കുന്നത്​. അനീതിനിറഞ്ഞ ലോകമേ, ഈ അക്രമം നിങ്ങൾ കാണണം..'

ഗസ്സ: 'എ​െൻറ നാലു പൊന്നോമന മക്കളാണ്​ ഈ മരിച്ചു കിടക്കുന്നത്​. അനീതിനിറഞ്ഞ ലോകം ഈ അക്രമങ്ങ​ളൊക്കെ കാണണം' - പിടിച്ചുനിർത്താൻ പാടുപെടുന്ന കണ്ണീർ ചാലി​ട്ടൊഴുകുന്നതിനിടെ, മുഹമ്മദ്​ അൽ ഹദീദി ഇടറുന്ന സ്വരത്തിൽ പറയുന്നു. കരഞ്ഞു തളർന്നുപോയിരിക്കുന്നു ഈ മനുഷ്യൻ. ഇ​​സ്രായേലി​െൻറ മഹാക്രൂരതകൾ ആകാശത്ത്​ വട്ടമിട്ടുപറക്കുന്നുവെന്നറിയാതെ തനിക്കൊപ്പം ചിരിച്ചുകളിച്ച്​ നടന്നിരുന്ന കുഞ്ഞുമക്കളാണ്​ ഒരു നിമിഷം കൊണ്ട് ജീവിതത്തിൽനിന്ന്​ അടർന്നുപോയത്​. ​

'എ​െൻറ മക്കൾ സുരക്ഷിതരായി വീട്ടിൽ കഴിഞ്ഞവരാണ്​. അവർ ആയുധമെടു​ത്തവരല്ല. അവർക്ക്​ അക്രമങ്ങളെക്കുറിച്ചറിയില്ല. ഈൗദുൽ ഫിത്വറി​െൻറ പുതിയ കുഞ്ഞുടുപ്പുകളണിഞ്ഞ നിലയിലാണ്​ അവരെ കൊന്നുകളഞ്ഞത്​' -മുഹമ്മദ്​ അൽ ഹദീദി വിതുമ്പുന്നു.

ഇ​സ്രായേലി പോർവിമാനങ്ങൾ നടത്തിയ ബോംബിങ്ങിൽ ഒരു കുടുംബത്തിലെ എട്ടു കുട്ടികളടക്കം പത്തുപേരാണ്​ മരിച്ചത്​. മുഹമ്മദ്​ അൽ ഹദീദിയുടെയും ഭാര്യാസഹോദരൻ മുഹമ്മദ്​ അബൂ ഹതബി​െൻറയും കുടുംബങ്ങൾ താമസിച്ചിരുന്ന കെട്ടിടം ബോംബിങ്ങിൽ തകർന്നാണ്​ രണ്ടു സ്​ത്രീകളും എട്ടു​ കു​ട്ടികളും മരിച്ചത്​. അബൂ ഹതബി​െൻറ അഞ്ചു മാസം പ്രായമുള്ള മകനെ കെട്ടിടാവശിഷ്​ടങ്ങൾക്കിടയിൽനിന്ന്​ പിന്നീട്​ ജീവനോടെ കണ്ടെത്തിയിരുന്നു. ദുരന്തം നടക്കു​േമ്പാൾ മുഹമ്മദ്​ അൽ ഹദീദിയും മുഹമ്മദ്​ അബൂ ഹതബും വീട്ടിലില്ലായിരുന്നു.

ഇരുകുടുംബങ്ങളിലുമായി മരിച്ച പത്തുപേരുടെയും മയ്യത്ത്​ നമസ്​കാരത്തി​െൻറയും വിലാപയാത്രയുടെയും ചിത്രങ്ങൾ ഫലസ്​തീൻ മാധ്യമങ്ങൾ പ്രസിദ്ധീകരിച്ചു. ഫലസ്​തീൻ​ ക്രോണിക്ക്​ളി​െൻറ ഫോ​ട്ടോഗ്രാഫർ മുഹമ്മദ്​ അജൂർ എടുത്ത ചിത്രങ്ങളാണ്​ ഈ വാർത്തക്കൊപ്പം പുനഃപ്രസിദ്ധീകരിക്കുന്നത്​.

ഇരുകുടുംബത്തിലുമായി മരിച്ചവർ

മർയം അബൂ ഹതബ്​ (15)

യമിൻ അബൂ ഹതബ്​ (5)

ബിലാൽ അബൂ ഹതബ്​ (10)

യൂസുഫ്​ അബൂ ഹതബ്​ (11)

യാസ്​മിൻ മു​ഹമ്മദ്​ ഹസ്സൻ (31)

അബ്​ദുർറഹ്​മാൻ മുഹമ്മദ്​ അൽ ഹദീദി (8)

സുഹൈബ്​ മുഹമ്മദ്​ അൽ ഹദീദി (14)

മഹ മുഹമ്മദ്​ അൽ ഹദീദി (36)

യഹ്​യ മുഹമ്മദ്​ അൽ ഹദീദി (11)

പേരിടാത്ത ഒരു​ കുഞ്ഞ്​