ഗസ്സയിൽ യു.എൻ അഭയാർഥി ഏജൻസിയെയും തകർക്കണം; ഇസ്രായേൽ ലക്ഷ്യം കാണുന്നു

ല​ണ്ട​ൻ: ഉ​പ​ജീ​വ​ന​ത്തി​ന്റെ​യും അ​തി​ജീ​വ​ന​ത്തി​ന്റെ​യും എ​ല്ലാ വ​ഴി​ക​ളും ഇ​സ്രാ​യേ​ൽ അ​ട​ച്ചു​ക​ള​ഞ്ഞ​പ്പോ​ഴും ഫ​ല​സ്തീ​നി​ക​ൾ​ക്ക് ആ​ശ്വാ​സ​ത്തു​രു​ത്താ​യി​രു​ന്നു യു.​എ​ൻ അ​ഭ​യാ​ർ​ഥി ഏ​ജ​ൻ​സി. ലോ​കം മു​ഴു​ക്കെ 59 ല​ക്ഷം അ​ഭ​യാ​ർ​ഥി​ക​ൾ​ക്ക് അ​ന്നം ന​ൽ​കു​ന്ന ഏ​ജ​ൻ​സി ഫ​ല​സ്തീ​നി​ൽ മാ​ത്രം 20 ല​ക്ഷ​ത്തോ​ളം പേ​രു​ടെ ഏ​ക ആ​ശ്ര​യ​മാ​ണ്. 13,000 ജീ​വ​ന​ക്കാ​ർ ഏ​ജ​ൻ​സി​ക്ക് കീ​ഴി​ൽ ഗ​സ്സ​യി​ലു​ണ്ട്. ഇ​വ​രി​ൽ 13 പേ​ർ ഹ​മാ​സ് ആ​ക്ര​മ​ണ​ത്തി​ൽ പ​ങ്കാ​ളി​യാ​യെ​ന്ന ആ​രോ​പ​ണം ഇ​സ്രാ​യേ​ൽ ഉ​യ​ർ​ത്തി​യ​പ്പോ​ഴേ​ക്ക് സാ​മ്പ​ത്തി​ക സ​ഹാ​യം ന​ൽ​കു​ന്ന യു.​എ​സി​ന്റെ നേ​തൃ​ത്വ​ത്തി​ൽ 13 രാ​ജ്യ​ങ്ങ​ൾ ഇ​തി​ന​കം പി​ൻ​വാ​ങ്ങി. അ​തോ​ടെ, സാ​മ്പ​ത്തി​ക വ​ഴി​ക​ള​ട​ഞ്ഞ് ഭ​ക്ഷ​ണ​വും മ​രു​ന്നു​മ​ട​ക്കം എ​ത്തി​ക്കു​ന്ന​ത് അ​വ​സാ​നി​പ്പി​ക്കേ​ണ്ടി​വ​രു​മെ​ന്ന ആ​ശ​ങ്ക​യി​ലാ​ണ് യു.​എ​ൻ ഏ​ജ​ൻ​സി.

1948ൽ ​ഇ​സ്രാ​യേ​ൽ അ​ധി​നി​വേ​ശ​ത്തി​നു​പി​റ​കെ ഇ​വി​ടെ പ്ര​വ​ർ​ത്തി​ച്ചു​തു​ട​ങ്ങി​യ ഏ​ജ​ൻ​സി​യെ പൂ​ർ​ണ​മാ​യി നാ​ടു​ക​ട​ത്ത​ണ​മെ​ന്ന ഇ​സ്രാ​യേ​ൽ ല​ക്ഷ്യ​മാ​ണ് പ​തി​യെ സ​ഫ​ല​മാ​കു​ന്ന​ത്. 1948ൽ ​മാ​ത്രം ഏ​ഴു ല​ക്ഷ​ത്തി​ലേ​റെ ഫ​ല​സ്തീ​നി​ക​ൾ​ക്കാ​ണ് കി​ട​പ്പാ​ടം ന​ഷ്ട​മാ​യി​രു​ന്ന​ത്. അ​വ​രെ അ​ന്ന​മൂ​ട്ടി തു​ട​ങ്ങി​യ സം​വി​ധാ​നം ഗ​സ്സ​യി​ൽ ഏ​റ്റ​വും കൂ​ടു​ത​ൽ പേ​ർ​ക്ക് തൊ​ഴി​ൽ ന​ൽ​കു​ന്ന സ്ഥാ​പ​നം കൂ​ടി​യാ​ണ്. അ​വ​രെ​യാ​ണ് ആ​രോ​പ​ണ മു​ന​യി​ൽ നി​ർ​ത്തി ഇ​ല്ലാ​താ​ക്കു​ന്ന​ത്. ക​ഴി​ഞ്ഞ​വ​ർ​ഷം 160 കോ​ടി ഡോ​ള​റാ​യി​രു​ന്നു ഏ​ജ​ൻ​സി​യു​ടെ ബ​ജ​റ്റ്. 11 ഭ​ക്ഷ്യ​വി​ത​ര​ണ കേ​ന്ദ്ര​ങ്ങ​ളാ​ണ് ഗ​സ്സ​യി​ൽ ഇ​തി​നു കീ​ഴി​ലു​ള്ള​ത്. നി​ര​വ​ധി സ്കൂ​ളു​ക​ളും പ്ര​വ​ർ​ത്തി​ക്കു​ന്നു.

ഇ​വ അ​ട​ഞ്ഞു​കി​ട​ക്കു​ക​യാ​ണെ​ങ്കി​ലും വീ​ടു​ക​ളി​ലേ​റെ​യും ബോം​ബു​വ​ർ​ഷ​ത്തി​ൽ ത​ക​ർ​ത്ത​തോ​ടെ താ​മ​സ​കേ​ന്ദ്ര​ങ്ങ​ളാ​യി തു​ട​രു​ക​യാ​ണ്. നേ​ര​ത്തേ, ട്രം​പ് അ​ധി​കാ​ര​ത്തി​ലാ​യി​രു​ന്ന​പ്പോ​ൾ ഇ​സ്രാ​യേ​ൽ ആ​വ​ശ്യം മു​ൻ​നി​ർ​ത്തി ഏ​ജ​ൻ​സി​ക്ക് ഫ​ണ്ടി​ങ് നി​ർ​ത്തി​യി​രു​ന്നു. ഗ​സ്സ​യി​ൽ ഹ​മാ​സി​നെ ഇ​ല്ലാ​താ​ക്കി പൂ​ർ​ണ അ​ധി​കാ​രം പി​ടി​ച്ചാ​ൽ ഏ​ജ​ൻ​സി​യെ പ്ര​വ​ർ​ത്തി​ക്കാ​ൻ അ​നു​വ​ദി​ക്കി​ല്ലെ​ന്ന് ഇ​സ്രാ​യേ​ൽ വ്യ​ക്ത​മാ​ക്കി​ക്ക​ഴി​ഞ്ഞു.ഗസ്സയിൽ 20 ലക്ഷത്തിലേറെ ജനസംഖ്യയിൽ 16 ലക്ഷവും അഭയാർഥികളാണെന്നാണ് യു.എൻ ഏജൻസി കണക്കുകൾ.

ഡ്രോൺ ആക്രമണം: ഇറാനെതിരെ യുദ്ധത്തിനില്ലെന്ന് യു.എസ്

വാഷിങ്ടൺ: ജോർഡനിലെ യു.എസ് താവളത്തിൽ ഡ്രോൺ ആക്രമണത്തിൽ മൂന്നു സൈനികർ കൊല്ലപ്പെട്ട സംഭവത്തിൽ ഇറാനെതിരെ യുദ്ധത്തിനില്ലെന്ന് യു.എസ്. എന്നാൽ, സ്വയംപ്രതിരോധത്തിന് ആവശ്യമായ​തെല്ലാം ചെയ്യുമെന്ന് വൈറ്റ് ഹൗസ് പ്രതിനിധി ജോൺ കിർബി പറഞ്ഞു. ജോർഡനിലെ ടവർ 22 യു.എസ് സൈനിക താവളത്തിനുനേരെയുണ്ടായ ആക്രമണത്തിൽ മൂന്നു സൈനികർ ​കൊല്ലപ്പെടുകയും 30ലേറെ പേർക്ക് പരിക്കേൽക്കുകയും ചെയ്തിരുന്നു. ആക്രമണത്തിന്റെ ഉത്തരവാദിത്തം ഇറാൻ അനുകൂല മിലീഷ്യ ഏറ്റെടുത്തിരുന്നു. ഇറാനെതിരെ യുദ്ധം നയിക്കണമെന്ന ആവശ്യവുമായി യു.എസിലെ റിപ്പബ്ലിക്കന്മാർ രംഗത്തെത്തിയതിനു പിന്നാലെയാണ് പ്രതികരണം.

‘‘മറ്റൊരു യുദ്ധംകൂടി യു.എസ് ആഗ്രഹിക്കുന്നില്ല. ​​പ്രശ്നം വഷളാകാനും ഉദ്ദേശിക്കുന്നില്ല. ഈ ആക്രമണങ്ങ​ൾക്കെതിരെ മതിയായ തിരിച്ചടിയുണ്ടാകും’’ -കിർബി പറഞ്ഞു.