'കൗമാരക്കാരെ വാക്സിൻ സ്വീകരിക്കാനെത്തൂ... ആപ്പിൾ എയർപോഡും ഐപോഡും സമ്മാനമായി നൽകാം'
text_fieldsകൊറോണയെ പ്രതിരോധിക്കാനുള്ള പ്രധാനമാർഗം വാക്സിനേഷനാണ്. പലരും വാക്സിൻ സ്വീകരിക്കാൻ മടിക്കുന്നതോടെ പല പാരിേതാഷികങ്ങളും പ്രഖ്യാപിച്ച് ഭരണകൂടങ്ങൾ രംഗത്തെത്തിയിരുന്നു. എന്നാൽ വാഷിങ്ടൺ ഡി.സിയിൽ ആദ്യ ഡോസ് വാക്സിൻ സ്വീകരിക്കുന്ന കൗമാരക്കാർക്ക് മേയർ മ്യൂരിയൽ ബൗസർ പ്രഖ്യാപിച്ചത് ഒരു വിലകൂടിയ സമ്മാനമായിരുന്നു.
ആദ്യ കോവിഡ് വാക്സിൻ ഡോസ് സ്വീകരിക്കുന്നവർക്ക് ഒരു ആപ്പിൾ എയർപോഡ് സൗജന്യം. കൂടാതെ അവർ ഭാഗ്യവാൻമാരാണെങ്കിൽ 25,000 ഡോളറിെൻറ സ്കോളർഷിപ്പോ അല്ലെങ്കിൽ ഐപാഡോ ലഭിക്കും.
ആദ്യ ഡോസ് വാക്സിൻ സ്വീകരിക്കുന്നവർക്ക് ആപ്പിൾ എയർപോഡ്, ഗിഫ്റ്റ് കാർഡുകൾ, സ്കോളർഷിപ്പുകൾ തുടങ്ങിയവ പാരിതോഷികമായി നൽകുമെന്ന് മേയർ മ്യൂരിയൽ ബൗസർ പ്രഖ്യാപിച്ചതായി 'ഹിൽ' റിപ്പോർട്ട് ചെയ്തു.
'ഇന്ന് രാവിലെ പത്തുമുതൽ, ഡി.സി കൗമാരക്കാർ (12-17) ബ്രൂക്ക്ലാൻഡ് എം.എസ്, സോസ എം.എസ്, േജാൺസൺ എം.എസ് എന്നിവിടങ്ങളിൽനിന്ന് ആദ്യ ഡോസ് വാക്സിൻ സ്വീകരിക്കുകയാണെങ്കിൽ എയർപോഡ് ലഭിക്കും. കൂടാതെ 25000 ഡോളറിെൻറ സ്കോളർഷിപ്പ്, ഐപാഡ്, ഹെഡ്ഫോണുകൾ എന്നിവയും ലഭിച്ചേക്കാം' -മേയർ പറയുന്നു. വിദ്യാർഥികൾക്കായിരിക്കും പ്രഥമ പരിഗണന നൽകുക.
കോവിഡ് ഗുരുതരമാകുന്നത് ഒഴിവാക്കാൻ വാക്സിന് സാധിക്കും. മരണനിരക്കും കുറക്കാൻ സാധിക്കും. എന്നാൽ, പല കാരണങ്ങൾ ചൂണ്ടിക്കാട്ടി വാക്സിൻ സ്വീകരിക്കാൻ ആളുകൾ മടികാണിക്കുന്നതാണ് പാരിതോഷികങ്ങൾ പ്രഖ്യാപിക്കാൻ കാരണം. വാഷിങ്ടണിന് പുറമെ മേരിലാൻഡ്, മിഷിഗൺ, ഒഹിയോ തുടങ്ങിയ അമേരിക്കൻ സ്റ്റേറ്റുകളും പാരിതോഷികങ്ങൾ പ്രഖ്യാപിച്ച് രംഗത്തെത്തിയിരുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.