Begin typing your search above and press return to search.
exit_to_app
exit_to_app
Homechevron_rightNewschevron_rightWorldchevron_rightചാവേറുകളുടെ...

ചാവേറുകളുടെ കുടുംബത്തിനു​ പണവും വസ്​ത്രങ്ങളും ഭൂമിയും നൽകി താലിബാൻ

text_fields
bookmark_border
ചാവേറുകളുടെ കുടുംബത്തിനു​ പണവും വസ്​ത്രങ്ങളും ഭൂമിയും നൽകി താലിബാൻ
cancel

കാബൂൾ: അഷ്​റഫ്​ ഗനി പ്രസിഡൻറായിരുന്നപ്പോൾ സർക്കാറിനും യു.എസ്​-നാറ്റോ സേനകൾക്കുമെതിരെ ചാവേർ ആക്രമണം നടത്തിയവരെ പ്രകീർത്തിച്ച്​ താലിബാൻ.

ചാവേറുകളുടെ കുടുംബത്തിന്​ പണവും ഭൂമിയും വസ്​ത്രങ്ങളുമടക്കമുള്ള പാരിതോഷികങ്ങളും താലിബാൻ വാഗ്​ദാനം ചെയ്​തു. കാബൂളിലെ ഹോട്ടലിൽ നടന്ന പരിപാടിയിൽ താലിബാൻ ഇടക്കാല സർക്കാറിലെ ആഭ്യന്തരമന്ത്രി സിറാജീദ്ദീൻ ഹഖാനിയാണ്​ ചാവേറുകളുടെ കുടുംബാംഗങ്ങളുമായി കൂടിക്കാഴ്​ച നടത്തിയത്​. 2018ൽ ഇ​േത ഹോട്ടലിനെ ലക്ഷ്യം വെച്ച്​ ചാവേറാക്രമണം നടന്നിരുന്നു. രക്തസാക്ഷികളായ ചാവേറുകൾ രാജ്യത്തിന്​ അഭിമാനമാണെന്നും ഹഖാനി പറഞ്ഞു. കുടുംബാംഗങ്ങൾക്ക്​ 111 ഡോളറും (ഏകദേശം 8310 രൂപ)വസ്​ത്രങ്ങളും നൽകിയ താലിബാൻ ഭൂമി നൽകുമെന്നും വാഗ്​ദാനം ചെയ്​തു.

താലിബാൻ പ്രതിനിധി സംഘം റഷ്യയിൽ

മോസ്​കോ: ഉന്നതതലചർച്ചക്കായി താലിബാൻ പ്രതിനിധി സംഘം റഷ്യയിലെത്തി. അഫ്​ഗാനിസ്​താനിൽ എല്ലാവിഭാഗങ്ങളെയും ഉൾക്കൊള്ളുന്ന സർക്കാർ രൂപവത്​കരിക്കണമെന്ന്​ റഷ്യൻ വിദേശകാര്യമന്ത്രി സെർജി ലാവ്​റോവ്​ ചർച്ചയിൽ ആവശ്യപ്പെട്ടു.2003ൽ താലിബാനെ ഭീകരപ്പട്ടികയിൽ പെടുത്തിയ റഷ്യ അത്​ നീക്കിയിട്ടില്ല. താലിബാനുമായി ബന്ധം പുലർത്തുന്നത്​ റഷ്യൻ നിയമപ്രകാരം ശിക്ഷാർഹമാണ്​. എന്നാൽ അഫ്​ഗാനിലെ നിസ്സഹായരായ ജനതയെ സഹായിക്കാൻ താലിബാനുമായി ചർച്ചയല്ലാതെ മറ്റു മാർഗങ്ങളില്ലെന്നാണ്​ റഷ്യയുടെ ഇപ്പോഴത്തെ നിലപാട്​.

Show Full Article
TAGS:Taliban 
News Summary - Taliban Host Families Of Suicide Bombers, Give $111, Clothes And Land
Next Story