Begin typing your search above and press return to search.
proflie-avatar
Login
exit_to_app
exit_to_app
യു.എസ്​ സേന പടിയിറങ്ങുന്ന അഫ്​ഗാനിൽ താലിബാൻ പിടിമുറുക്കുന്നു; വടക്കൻ​ അതിർത്തി പട്ടണം പിടിച്ചു
cancel
Homechevron_rightNewschevron_rightWorldchevron_rightയു.എസ്​ സേന...

യു.എസ്​ സേന പടിയിറങ്ങുന്ന അഫ്​ഗാനിൽ താലിബാൻ പിടിമുറുക്കുന്നു; വടക്കൻ​ അതിർത്തി പട്ടണം പിടിച്ചു

text_fields
bookmark_border

കാബൂൾ: യു.എസും നാറ്റോയും പടിയിറങ്ങുന്ന അഫ്​ഗാനിസ്​താനിൽ കൂടുതൽ പ്രദേശങ്ങൾ നിയന്ത്രണത്തിലാക്കി താലിബാൻ. താജികിസ്​താൻ അതിർത്തിയോടു ചേർന്ന്​ കുണ്ടുസിനരികെ ശേർ ഖാൻ ബന്ദർ ആണ്​ അവസാനമായി താലിബാൻ നിയന്ത്രണത്തിലായത്​. മേയ്​ ഒന്നിന്​​ മേഖലയിൽ നീക്കം ആരംഭിച്ച താലിബാൻ ആഴ്​ചകൾ നീണ്ട ശ്രമത്തിനൊടുവിൽ ശേർ ഖാൻ തുറമുഖവും പട്ടണവും പൂർണമായി പിടിക്കുകയായിരുന്നുവെന്ന്​ കുണ്ടുസ്​ പ്രവിശ്യ കൗൺസിൽ അംഗം ഖാലിദ്ദീൻ ഹക്​മി പറഞ്ഞു.

കാബൂൾ ആസ്​ഥാനമായുള്ള അശ്​റഫ്​ ഗനി സർക്കാറി​െൻറ നിയ​ന്ത്രണത്തിലായിരുന്ന ചെക്​പോസ്​റ്റുകള​ിലെ എല്ലാ സൈനികരെയും പിൻവലിച്ചതായും ചില പട്ടാളക്കാർ അതിർത്തി കടന്ന്​ താജികിസ്​താനിലെത്തിയതായും അധികൃതർ വ്യക്​തമാക്കി.

ശേർ ഖാൻ ബന്ദറും പരിസര പ്രദേശങ്ങളും പിടിച്ചതായി താലിബാൻ വക്​താവ്​ സബീഹുല്ല മുജാഹിദും സ്​ഥിരീകരിച്ചു.

അഫ്​ഗാനിലെ മൊത്തം 370 ജില്ലകളിൽ മേയ്​ മാസത്തിനു ശേഷം മാത്രം 50 എണ്ണം പുതുതായി താലിബാൻ പിടിച്ചതായാണ്​ കണക്ക്​. ഇവയോടു ചേർന്ന പ്രവിശ്യ തലസ്​ഥാനങ്ങളും വൈകാതെ നിയന്ത്രണത്തിലാക്കുമെന്നാണ്​ സൂചന. പരിയാബ്​, ബാൽഖ്​, കുണ്ടുസ്​ പ്രവിശ്യകളിലാണ്​ താലിബാൻ പിടിമുറുക്കുന്നത്​. മൊത്തം 34 പ്രവിശ്യകളിൽ 17 ഇടത്തും പുതുതായി താലിബാൻ നിയന്ത്രണം ഏറ്റെടുത്തതായി റിപ്പോർട്ടുകൾ പറയുന്നു..

രാജ്യത്തുള്ള 3,500 യു.എസ്​ സൈനികരും 7,000 നാറ്റോ സൈനികരും ആഴ്​ചകൾക്കുള്ളിൽ പൂർണമായി പിൻവാങ്ങുന്നതോടെ താലിബാൻ തലസ്​ഥാന നഗരം വരെ വരുതിയിലാക്കുമെന്ന്​ സൂചനയുണ്ട്​. 1996 മുതൽ 2001 വരെ രാജ്യം ഭരിച്ച താലിബാൻ രണ്ടു പതിറ്റാണ്ട്​ കഴിഞ്ഞ്​ വീണ്ടും പൂർണ അധികാരം തിരിച്ചുപിടിക്കുമോയെന്നാണ്​ ലോകം ഉറ്റുനോക്കുന്നത്​. കഴിഞ്ഞ വർഷം അമേരിക്കയുമായി ഒപ്പുവെച്ച കരാർ പ്രകാരം വെടിനിർത്തലിന്​ താലി​ബാൻ സമ്മതിച്ചിരുന്നുവെങ്കിലും ചില പ്രവിശ്യകളിൽ സൈനിക നീക്കം തുടരുന്നുണ്ട്​.

ഇതുൾപെടെ വിഷയങ്ങളിൽ ഒൗദ്യോഗിക സർക്കാറും താലിബാനും തമ്മിൽ നടക്കുന്ന ചർച്ചകളിൽ ഇനിയും കാര്യമായ പുരോഗതി ഉണ്ടായിട്ടില്ല. നിലവിൽ രാജ്യത്തി​െൻറ മൂന്നിൽ രണ്ടും താലിബാൻ നിയന്ത്രണത്തിലാണ്​.

അതിനിടെ യു.എസ്​ പ്രസിഡൻറ്​ ജോ ബൈഡനും അഫ്​ഗാൻ പ്രസിഡൻറ്​ അശ്​റഫ്​ ഗനിയും ചർച്ച നടത്തുന്നുണ്ട്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:afganisthan​TalibanTajikistan border crossing
News Summary - Taliban captures Afghanistan’s main Tajikistan border crossing
Next Story