Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightWorldchevron_rightഅഫ്​ഗാനിൽ താലിബാൻ...

അഫ്​ഗാനിൽ താലിബാൻ സർക്കാർ സത്യപ്രതിജ്ഞ ഒഴിവാക്കി

text_fields
bookmark_border
അഫ്​ഗാനിൽ താലിബാൻ സർക്കാർ സത്യപ്രതിജ്ഞ ഒഴിവാക്കി
cancel

കാബൂൾ:അഫ്​ഗാനിൽ താലിബാൻ സർക്കാർ സത്യപ്രതിജ്ഞ ഒഴിവാക്കിയതായി റിപ്പോർട്ട്​. പണം പാഴാകുന്നത്​ തടയാനാണ്​ ചടങ്ങുകൾ ഒഴിവാക്കിയതെന്നാണ്​ റഷ്യൻ വാർത്ത ഏജൻസിയുടെ റിപ്പോർട്ട്​്​.

വേൾഡ്​ ട്രേഡ്​ സെൻറർ തകർന്ന ഭീകരാക്രമണത്തി​െൻറ 20 ാംവാർഷികമായ ഇന്നലെ താലിബാൻ സർക്കാർ സത്യപ്രതിജ്ഞ ചെയ്യുമെന്ന്​ സൂചനകളുണ്ടായിരുന്നു. റഷ്യ,ചൈന,ഖത്തർ,തുർക്കി,പാകിസ്​താൻ,ഇറാൻ എന്നീ രാജ്യങ്ങളെയാണ്​ ചടങ്ങിലേക്ക്​ ക്ഷണിച്ചിരുന്നത്​. സെപ്​റ്റംബർ 11ന്​ സത്യപ്രതിജ്ഞ നടത്തിയാൽ പ​െങ്കടുക്കില്ലെന്ന്​ റഷ്യ അറിയിച്ചിരുന്നു.

അഫ്​ഗാൻ മുൻ വൈസ്​പ്രസിഡൻറ്​ അംറുല്ല സാലിഹി​െൻറ മൂത്ത സഹോദരൻ റൂഹുല്ല അസീസിയെയും ഡ്രൈവറെയും പഞ്ചശീറിൽ വെച്ച്​ താലിബാൻ വെടിവെച്ചു കൊലപ്പെടുത്തിയിരുന്നു. സാലിഹി​െൻറ സഹോദരി പുത്രൻ ഇബാദുല്ല സാലിഹ്​ ആണ്​ ഇക്കാര്യം അറിയിച്ചത്​.അദ്ദേഹത്തി​െൻറ മൃതദേഹം ഖബറടക്കാൻ പോലും താലിബാൻ സമ്മതിച്ചില്ലെന്നും പുഴുവരിക്ക​ട്ടെ എന്നു പറഞ്ഞതായും ഇബാദുല്ല റോയി​ട്ടേഴ്​സ്​ വാർത്ത ഏജൻസി​ക്കു നൽകിയ സന്ദേശത്തിൽ പറഞ്ഞു.

പഞ്ചശീർ താലിബാൻ പിടിച്ചെടുത്തതിനു പിന്നാ​െലയാണ്​ ഇദ്ദേഹം വധിക്കപ്പെട്ടത്​.വ്യാഴാഴ്​ച പഞ്ചശീറിലൂടെ കാറിൽ യാത്ര ചെയ്യുകയായിരുന്ന റൂഹുല്ല അസീസിയെ ചെക്​പോയൻറിൽ വെച്ച്​ താലിബാൻ തടഞ്ഞു നിർത്തുകയായിരുന്നു. ഉടൻ തന്നെ അദ്ദേഹത്തിനും ഡ്രൈവർക്കും നേരെ താലിബാൻ സേനാംഗം വെടിയുതിർക്കുകയും ചെയ്​തു.

പഞ്ചശീറിൽ നിന്ന്​ കാബൂളിലേക്ക്​ രക്ഷപ്പെടാനുള്ള ശ്രമത്തിനിടെയാണ്​ പ്രതിരോധ സേനയുടെ കമാൻഡറായ ഇദ്ദേഹം വധിക്കപ്പെട്ടതെന്നാണ്​ റിപ്പോർട്ട്​​. റൂഹുല്ല കൊല്ലപ്പെട്ടത്​ താലിബാനും സ്​ഥിരീകരിച്ചു. എവിടെ വെച്ചാണ്​ വധിച്ചതെന്നത്​ താലിബാൻ പുറത്തുവിട്ടിട്ടില്ല.

ദിവസങ്ങൾ നീണ്ട പോരാട്ടത്തിനൊടുവിലാണ്​ താലിബാൻ പഞ്ചശീർ കീഴടക്കിയത്​.പഞ്ചശീറിൽ നിന്ന്​ പിടികൂടിയ പ്രതിരോധ സേനാംഗങ്ങളെ താലിബാൻ വധിക്കുന്ന വിഡിയോ സമൂഹ മാധ്യമങ്ങളിൽ പ്രചരിച്ചിരുന്നു.അതിനിടെ, സാലിഹും പ്രതിരോധ സഖ്യത്തി​െൻറ തലവൻ അഹ്​മദ്​ മസൂദും എവിടെയാണെന്നത്​ വ്യക്തമല്ല.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:TalibanAfghanistan
News Summary - Taliban cancel new Afghan government's inauguration ceremony to avoid 'wasting resources'
Next Story