അഫ്​ഗാനിൽ പുരുഷന്മാർ താടിവടിക്കുന്നത്​​ വിലക്കി താലിബാൻ

കാബൂൾ: പുരുഷന്മാർ താടിവടിക്കാനോ വെട്ടിയൊതുക്കാനോ പാടില്ലെന്ന്​​ അഫ്​ഗാനിസ്​താനിലെ ഹെൽമന്ദ്​ പ്രവിശ്യയിലെ ബാർബർമാർക്ക്​ താലിബാ​െൻറ നി​ർദേശം. നിയമം ലംഘിക്കുന്നവർക്ക്​ കർശന ശിക്ഷ നൽകുമെന്നും മുന്നറിയിപ്പുണ്ട്​. കാബൂളിലെ ബാർബർമാർക്കും ഇത്തരത്തിലുള്ള നിർദേശം നൽകിയിട്ടുണ്ട്​. ഇതുസംബന്ധിച്ച്​ സലൂണുകൾക്കു മുന്നിൽ നോട്ടീസ്​ പതിക്കുകയും ചെയ്​തു.

അമേരിക്കൻ രീതിയിലുള്ള ക്ലീൻഷേവ്​​ നിർത്തലാക്കണമെന്ന്​ ഒരാൾ ഫോണിലൂടെ നിർദേശം നൽകിയതായി കാബൂളിലെ സലോൺ ഉടമ പറഞ്ഞു. അധികാരം പിടിച്ചെടുത്തതോടെ അഫ്​ഗാനിൽ കടുത്ത നിയമങ്ങളാണ്​ താലിബാൻ നടപ്പാക്കാ​നൊരുങ്ങുന്നത്​ എന്നതി​െൻറ സൂചനയാണിത്​. കഴിഞ്ഞദിവസം തട്ടിക്കൊണ്ടുപോകൽ കേസിൽ പിടിയിലായ നാലുപേരെ വെടിവെച്ചുകൊന്ന്​ മൃതദേഹം നഗരമധ്യത്തിൽ കെട്ടിത്തൂക്കിയിരുന്നു.

രേഖകളില്ലാത്തവരെ ഒഴിപ്പിച്ചതായി പരാതി

അഫ്​ഗാനിൽനിന്ന്​ മാധ്യമപ്രവർത്തകർ അടക്കമുള്ളവരെ ഒഴിപ്പിക്കുന്നതി​െൻറ മറവിൽ സ്വകാര്യ വിമാനക്കമ്പനി അവരുടെ ഉന്നത ഉ​ദ്യോഗസ്​ഥരുടെ കുടുംബാംഗങ്ങളെ അബൂദബിയിലേക്ക്​ കടത്തിയതായി റിപ്പോർട്ട്​. ഇത്തരത്തിൽ ചുരുങ്ങിയത്​ 155 പേരെ ​ കാം എയർ അബൂദബിയിലേക്ക്​ കൊണ്ടുപോയെന്നാണ്​ റിപ്പോർട്ട്​. അഫ്​ഗാനിൽ തുടരുന്ന മാധ്യമപ്രവർത്തകരെയും യോഗ്യരായ മറ്റുള്ളവരെയും രാജ്യത്തിന്​ പുറത്തെത്തിക്കാനാണ്​ കാം എയർ വിമാനം ഏർപ്പെടുത്തിയത്​.