കളിപ്പാട്ടം പോലെ കുലുങ്ങി ട്രെയിനുകൾ; തായ്‍വാൻ ഭൂചലനത്തിന്‍റെ ദൃശ്യങ്ങൾ

തായ്പേയ്: തെക്കുകിഴക്കൻ തായ്‍വാനിലുണ്ടായ ശക്തമായ ഭൂചലനത്തെ തുടർന്ന് മേഖലയിൽ സുനാമി മുന്നറിയിപ്പ് നൽകിയിരിക്കുകയാണ്. റിക്ടർ സ്കെയിലിൽ 6.8 തീവ്രത രേഖപ്പെടുത്തിയ ഭൂചലനമാണ് തായ്തുങ് നഗരത്തിന് വടക്കായി അനുഭവപ്പെട്ടത്.

നിരവധി കെട്ടിടങ്ങൾ തകർന്നിട്ടുണ്ട്. നാശനഷ്ടങ്ങൾ കണക്കാക്കി വരുന്നതേയുള്ളു. കിഴക്കൻ തീരത്ത് ഒരു സ്റ്റേഷനിൽ ​ടെയിനി​ന്‍റെ ബോഗി പാളം തെറ്റിയതായും ചില കെട്ടിടങ്ങൾ തകർന്നതായും തായ്വാൻ മാധ്യമങ്ങൾ റിപ്പോർട്ട് ചെയ്തു.

ഭൂചലന മേഖലയിലെ ഒരു റെയിൽവേ സ്റ്റേഷനിൽ ട്രെയിൻ കളിപ്പാട്ടം പോലെ കുലുങ്ങുന്നതിന്‍റെ വിഡിയോ ദൃശ്യങ്ങൾ പുറത്തുവന്നിരുന്നു. ട്രെയിൻ കുലുങ്ങുന്നതും യാത്രക്കാർ ഭയചകിതരാകുന്നതും ദൃശ്യങ്ങളിൽ കാണാം.