സുവൈദയിലെ സിറിയൻ സൈന്യത്തെ പിൻവലിച്ചു; ഏറ്റുമുട്ടലിന് അറുതി; 374 പേർ കൊല്ലപ്പെട്ടെന്ന്

ഡ​മ​സ്ക​സ്: ദു​റു​സ് സാ​യു​ധ മ​ത​ന്യൂ​ന​പ​ക്ഷ വി​ഭാ​ഗ​വു​മാ​യു​ള്ള വെ​ടി​നി​ർ​ത്ത​ലി​ന്റെ ഭാ​ഗ​മാ​യി സു​വൈ​ദ മേ​ഖ​ല​യി​ൽ​നി​ന്ന് സി​റി​യ​ൻ സൈ​ന്യ​ത്തെ പി​ൻ​വ​ലി​ച്ചു. ദു​റു​സ് വി​ഭാ​ഗ​ത്തി​ൽ​നി​ന്നു​ള്ള പ്ര​തി​നി​ധി​ക​ളെ​യും പു​രോ​ഹി​ത​ന്മാ​രെ​യും മേ​ഖ​ല​യി​ലെ ക്ര​മ​സ​മാ​ധാ​ന നി​ല പ​രി​പാ​ലി​ക്കാ​ൻ ചു​മ​ത​ല​പ്പെ​ടു​ത്തി​യ​താ​യി സി​റി​യ​യു​ടെ ഇ​ട​ക്കാ​ല പ്ര​സി​ഡ​ന്റ് അ​ഹ്മ​ദ് അ​ൽ ശ​ർ​അ് പ​റ​ഞ്ഞു. ദു​റൂ​സു​ക​ളെ സം​ര​ക്ഷി​ക്കാ​നെ​ന്ന പേ​രി​ൽ ബു​ധ​നാ​ഴ്ച ഇ​സ്രാ​യേ​ൽ, സി​റി​യ​ൻ പ്ര​തി​രോ​ധ മ​ന്ത്രാ​ല​യ ആ​സ്ഥാ​ന​ത്ത് വ്യോ​മാ​ക്ര​മ​ണം ന​ട​ത്തി​യി​രു​ന്നു.

നേ​ര​ത്തേ വെ​ടി​നി​ർ​ത്ത​ലി​ന് ധാ​ര​ണ​യാ​യി​രു​ന്നെ​ങ്കി​ലും ദു​റു​സ് പു​രോ​ഹി​ത​ൻ ശൈ​ഖ് ഹി​ക്മ​ത് അ​ൽ ഹി​ജ്രി ത​ള്ളി​യ​തോ​ടെ വീ​ണ്ടും ആ​ക്ര​മ​ണം പൊ​ട്ടി​പ്പു​റ​പ്പെ​ട്ടു. യു.​എ​സ്, തു​ർ​ക്കി​യ, അ​റ​ബ് രാ​ജ്യ​ങ്ങ​ൾ എ​ന്നി​വ​യു​ടെ മ​ധ്യ​സ്ഥ​ത​യി​ലാ​ണ് വീ​ണ്ടും വെ​ടി​നി​ർ​ത്ത​ൽ സാ​ധ്യ​മാ​ക്കി സി​റി​യ​ൻ സൈ​ന്യ​വും ദു​റു​സു​ക​ളും ത​മ്മി​ൽ ദി​വ​സ​ങ്ങ​ളാ​യി തു​ട​ർ​ന്ന ഏ​റ്റു​മു​ട്ട​ൽ അ​വ​സാ​നി​ച്ച​ത്.

തെ​ക്ക​ൻ സി​റി​യ​യി​​ലെ സു​വൈ​ദ മേ​ഖ​ല​യി​ലെ സു​ന്നി ബി​ദൂ​നി ഗോ​ത്ര വി​ഭാ​ഗ​വും ദു​റു​സ് സാ​യു​ധ വി​ഭാ​ഗ​വും ത​മ്മി​ൽ രൂ​പ​പ്പെ​ട്ട ആ​ക്ര​മ​ണ​സം​ഭ​വ​ങ്ങ​ളും ത​ട്ടി​ക്കൊ​ണ്ടു​പോ​ക​ലു​ക​ളും അ​വ​സാ​നി​പ്പി​ക്കാ​ൻ സൈ​ന്യം ഇ​റ​ങ്ങി​യ​തോ​ടെ​യാ​ണ് സം​ഘ​ർ​ഷം മ​റ്റൊ​രു ത​ല​ത്തി​ലേ​ക്ക് വ്യാ​പി​ച്ച​ത്. ആ​ഭ്യ​ന്ത​ര സം​ഘ​ർ​ഷ​ത്തി​ലും ഇ​സ്രാ​യേ​ലി​ന്റെ ആ​ക്ര​മ​ണ​ത്തി​ലു​മാ​യി 374 പേ​ർ കൊ​ല്ല​പ്പെ​ട്ട​താ​യാ​ണ് മ​നു​ഷ്യാ​വ​കാ​ശ സം​ഘ​ട​ന​യു​ടെ റി​പ്പോ​ർ​ട്ടി​ൽ പ​റ​യു​ന്ന​ത്. ഔ​ദ്യോ​ഗി​ക ക​ണ​ക്ക് പു​റ​ത്തു​വി​ട്ടി​ട്ടി​ല്ല.

അതിനിടെ സിറിയൻ ഭരണാധികാരി അഹ്മദ് അൽ ഷറാ ഇസ്രായേൽ ആക്രമണത്തെ രൂക്ഷമായി വിമർശിച്ചു. സിറിയൻ ജനത യുദ്ധം ഭയക്കുന്നവരല്ലെന്നും പരമാധികാരത്തിന് മേലുള്ള കടന്നുകയറ്റം അനുവദിക്കില്ലെന്നും അദ്ദേഹം പറഞ്ഞു. ഡ്രൂസ് വിഭാഗത്തിന് സംരക്ഷണം നൽകാൻ സിറിയൻ ഭരണകൂടത്തിന് കഴിയുമെന്ന് അദ്ദേഹം കൂട്ടിച്ചേർത്തു.