Begin typing your search above and press return to search.
exit_to_app
exit_to_app
ഗസ്സക്കു ശേഷം പുതിയ പോർമുഖം? സിറിയക്കു നേരെ ​മിസൈൽ തൊടുത്ത്​ ഇസ്രായേൽ
cancel
Homechevron_rightNewschevron_rightWorldchevron_rightഗസ്സക്കു ശേഷം പുതിയ...

ഗസ്സക്കു ശേഷം പുതിയ പോർമുഖം? സിറിയക്കു നേരെ ​മിസൈൽ തൊടുത്ത്​ ഇസ്രായേൽ

text_fields
bookmark_border

ടെൽ അവീവ്​: ഗസ്സയിൽ കുരുതി നടത്തിയ ആക്രമണത്തിനു ശേഷം സിറിയയെ ലക്ഷ്യമിട്ട്​ ഇസ്രായേൽ മിസൈലുകൾ. സിറിയൻ തലസ്​ഥാന നഗരമായ ഡമസ്​കസിലാണ്​ ചൊവ്വാഴ്​ച രാത്രി ആക്രമണമുണ്ടായത്​. നഗരത്തി​െൻറ മധ്യ, ദക്ഷിണ ഭാഗങ്ങളിലാണ്​ മിസൈലുകൾ സ്​​ഫോടനം തീർത്തത്​​. 11 സർക്കാർ അനുകൂല പോരാളികൾ കൊല്ലപ്പെട്ടിട്ടുണ്ട്​. ഏഴു സൈനികരും നാല്​ മിലീഷ്യകളുമാണ്​ മരിച്ചത്​. ലബനാനോടു ചേർന്ന ഹിംസ്​ പ്രദേശത്തും ആക്രമണം നടന്നു. ഹിസ്​ബുല്ലക്ക്​ സ്വാധീനമുള്ള അതിർത്തി മേഖലയാണ്​ ഹിംസ്​. ഹിസ്​ബുല്ലയുടെ ആയുധ ഡിപ്പോയാണ്​ ആക്രമിക്കപ്പെട്ടത്​.

മേയ്​ ആരംഭത്തിൽ തുറമുഖ നഗരമായ ലടാകിയയിൽ ഇസ്രായേൽ മിസൈലുകൾ ആക്രമണം നടത്തിയിരുന്നു. ഇറാന്​​ സ്വാധീനമുള്ള സിറിയൻ പ്രദേശങ്ങൾ ഇസ്രായേൽ ആക്രമണ പരിധിയിൽ കൊണ്ടുവരുന്നത്​ യു.എസ് അനുഗ്രഹാശിസ്സുകളോടെയാണെന്ന്​ റിപ്പോർട്ടുകൾ പറയുന്നു. ഇവിടങ്ങളിലെ ഇറാൻ സൈനിക സംവിധാനങ്ങൾ തകർക്കാൻ ഇതുവഴിയാക​ുമെന്ന്​ യു.എസും ഇസ്രായേലും കണക്കുകൂട്ടുന്നു.

സിറിയയിൽ പ്രസിഡൻറ്​ ബശ്ശാറുൽ അസദിന്​ നഷ്​ടമായ പ്രവിശ്യകൾ തിരിച്ചുപിടിക്കാൻ ശിയാ മിലീഷ്യകളുടെ നേതൃത്വത്തിൽ ശ്രമങ്ങൾ വിജയം കണ്ടുതുടങ്ങിയിട്ടുണ്ട്​. ബശ്ശാറുൽ അസദി​െൻറ തിരിച്ചുവരവ്​ പൂർണമാകുംമുമ്പ്​ ഇവ തകർക്കുകയാണ്​ ലക്ഷ്യം.

അതേ സമയം, ചൊവ്വാഴ്​ച രാത്രിയിലെ ആക്രമണം കാര്യമായ നാശന്​ഷടമുണ്ടാക്കിയില്ലെന്നും പ്രതിരോധ സംവിധാനം ഉപയോഗിച്ച്​ അവയെ തകർത്തതായും സിറിയ അവകാശപ്പെട്ടു.

ആഭ്യന്തര സംഘർഷം പൊട്ടി​പ്പുറപ്പെട്ട 2011നു ശേഷം സിറിയയിലെ വിവിധ താവളങ്ങളിൽ ഇസ്രായേൽ നൂറുകണക്കിന്​ ആക്രമണങ്ങൾ നടത്തിയിട്ടുണ്ട്​.

Show Full Article
TAGS:Syria Israeli air attack Damascus 
News Summary - Syria says Israeli air attacks targeted Damascus
Next Story